JEREMAÏAH 5:31 - Khasi CL Bible (BSI)

³¹ Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

KA BAIBL

³¹ ki nongïathuhlypa ki ïathuhlypa lamler, bad ki lyngdoh ki synshar da la ka buit; bad u paidbah jong nga u sngewbha ba ka long kumta: te phin leh kumno ha ka jingkut jong ka?

JEREMAÏAH 5:31 ပူးပေါင်းရင်းမြစ်များ

1 SYIEM 22:6

Kumta u Ahab u khot ïa ki nongïathuhlypa, kumba sawspah ngut na ki, bad u kylli ïa ki, “Hato ngan leit ne em ban tur ïaleh ïa ka Ramoth?” “Tur ïaleh ïa ka,” ki jubab, “U Trai un ai ha phi ïa ka jingjop.”

PROBERB 17:4

Ki briew kiba sniew ki sngap ïa ki jingmut kiba sniew, bad ki nongshukor ki sngap ïa ki jingshukor.

ISAÏAH 10:3

Kaei phin leh haba U Blei u pynshitom ïa phi? Kaei phin leh haba u wallam ka jingpynjot halor jong phi na ka ri bajngai? Shano phin mareh ban shem jingïarap? Hangno phin buhrieh ïa ka spah jong phi?

ISAÏAH 20:6

Haba kata ka por ka wan, ki briew kiba shong shi lynter ka rud duriaw jong ka Philistia kin ong, ‘Khmih ïa kaei kaba la jia ha ki briew kiba ngi la shaniah ban ïada ïa ngi na u patsha jong ka Assyria! Kumno ngin ïohlait im?’ ”

ISAÏAH 33:14

Ki briew kiba pop jong ka Seïon ki khynñiuh da ka jingsheptieng. Ki ong, “Ka jingbishar U Blei ka long kum ka ding kaba meh junom. Hato uno uno na ngi un lait im na ka ding kaba kum kata?”

ISAÏAH 43:27

U kpa tymmen banyngkong eh jong phi u la leh pop; ki nongïalam jong phi ki la leh pop pyrshah ïa nga,

ISAÏAH 47:7

Pha pyrkhat ba phan ïailong ka syiem, bad pham shym la shim khia ïa kine kiei kiei lane pyrkhat kumno ba kine baroh kin kut.

JEREMAÏAH 12:4

Sa katno ba ka ri jong ngi kan tyrkhong, bad ba u phlang ha kawei pa kawei ka pyntha un ïapstai? Ki mrad bad ki sim ki ïap namar ka jingbymman jong ki briew jong ngi, ki briew kiba ong, ‘U Blei um ïohi ïa kaei kaba ngi leh.’ ”

JEREMAÏAH 14:14

Hynrei U Trai u la jubab, “Ki nongïathuhlypa ki ïathuh ïa ki jinglamler ha ka kyrteng jong nga; ngam shym phah ïa ki, lymne ngam shym la ai kino kino ki hukum lane kren shikyntien ha ki. Ki jingïohipaw kiba ki ïakren kim shym wan na nga; ki jingïathuh lypa ki long kiei kiei ki bymdondor kiba ki la mutdur.

JEREMAÏAH 26:7

Ki lyngdoh, ki nongïathuhlypa, bad baroh ki briew ki la ïohsngew ba nga ong ïa kine kiei kiei ha ka Templ,

SNGEWSYNEI 1:9

Ïa ka jingbymkhuid jong ka lah ban ïohi da kaba suk, hynrei kam shym la pynpaw jingsngewkhia ei ei ïa la ka kupar. Ka jingkyllon jong ka, ka long kaba shyrkhei; ym don mano mano ba lah ban pyntngen ïa ka. Ki nongshun jong ka ki la jop, bad ka kyang sha U Trai na ka bynta ka jingisynei.

SNGEWSYNEI 2:14

Ki nongïathuhlypa jong pha kim don ei ei ban ïathuh ïa pha hynrei tang ki jinglamler; ka jingïathuh jong ki ka shukor ïa pha da ka jingbym-pynpaw ei ei ïa ka pop jong pha. Ki pynlong ïa pha ban pyrkhat ba pham donkam ban kylla-kaba-mut.

SNGEWSYNEI 4:13

Hynrei ka la jia namar ba ki nongïathuhlypa jong ka ki la leh pop bad ki lyngdoh jong ka ki long kiba la rem namar ka jingpynjia ïa ka jingïap jong ki briew balui lui.

SNGEWSYNEI 4:18

U Nongshun u la ap khmih ïa ngi; ngim lah wat ban ïaid ha ki lynti bah. Ki sngi jong ngi ki la kut; kaba kut ka la wan.

ESEKIEL 13:10

“Ki nongïathuhlypa ki ïalam bakla ïa ki briew jong nga da kaba ong ba baroh ka bit ka biang. Baroh kam long shisha kaba bit babiang! Ki briew jong nga ki la pynïeng ka kynroh ki maw bym skhem, bad nangta ki nongïathuhlypa ki la wan bad ki tap ïa ka da ka jingpushara lieh.

ESEKIEL 13:6

Ki jingïohipaw jong ki, ki long kiba bakla, bad ki jingïathuh lypa jong ki, ki long kiba lamler. Ki kam ba ki kren ïa ka khubor jong nga, hynrei ngam shym la phah ïa ki. Pynban ki khmih lynti ba ki ktien jong ki kin urlong shisha!

ESEKIEL 22:14

Hato phi pyrkhat ba phin dang don ka jingshlur kaba sah lane phin dang donbor kat ban rah ïa la ka kti ynda nga la pyndep bad phi? Ma nga, U Trai, nga la kren, bad nga bat ïa la ka ktien.

HOSIA 4:9

Phin sa shah ïa kajuh ka jingpynshitom kum ki riewpaidbah! Ngan pynshitom ïa phi bad pynlong ïa phi ban siew na ka bynta ka jingsniew ba phi leh.

HOSIA 6:10

Nga la ïohi ïa kaei kaei kaba shyrkhei ha Israel: Ki briew jong nga ki la pyntngit ïa lade da kaba mane ïa ki bleithaw.

HOSIA 9:5

Bad haba ka por kan poi na ka bynta ki Jingkhawai Niam ba la jied na ka bynta ban pyndonburom ïa U Trai, kin ïaleh kumno hangta?

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

MIKAH 2:6

Ki briew ki ïalap ha nga bad ki ong, “Wat ïalap ha ngi. Wat ïalap shaphang kata baroh. U Blei un ym pynjahburom ïa ngi.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

SEPHANAÏAH 3:4

Ki nongïathuhlypa ki long ki bym don jingkitkhlieh bad kiba shetkylla; ki lyngdoh ki pyntngit ïa kaei kaba kyntang, bad ki pynwan ïa ka aiñ jong U Blei sha ka jingmyntoi jong ki hi.

DEUTERONOMI 32:20

‘Ngan ym ïarap shuh ïa ki,’ u ong; ‘bad ngan peit kai kumno kan jia ïa ki. Kine ki dei ki briew kiba mutlop, kiba ym don ka jingïaineh.

DEUTERONOMI 32:29

Kim lah sngewthuh balei ba ki la shahjop; kim lah shemphang ïa kaba la jia.