JEREMAÏAH 5:3 - Khasi CL Bible (BSI)

³ Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

KA BAIBL

³ A Trai, ki khmat jong me kim khmih ha ka jingshisha? Me la shoh ïa ki, hynrei, kim shym la sngewsih; me la bam duh ïa ki, hynrei, kim treh ban pdiang ïa ka jingsneng: ki la pynlong ïa ki khmat jong ki kham eh ban ïa u mawsiang; kim treh ban wan phai pat.

JEREMAÏAH 5:3 ပူးပေါင်းရင်းမြစ်များ

JENESIS 19:34

Ha ka sngi kaba bud kata ka khun nyngkong ka ong ha la ka para, “Hynne mynmiet nga la ïathiah bad i pa; mynta to ngin pynbuaid biang ïa i ha kane ka miet ruh, bad phi sa leit thiah lang bad i. Te ma ngi baroh ar ngut ngin ïoh khun mar iwei na la u kpa.”

1 SYIEM 13:33

U syiem Jeroboam jong ka Israel um shym phai noh na ki lynti bymman jong u, hynrei u ïai jied ïa ki lyngdoh napdeng ki longïing riewpaidbah ban shakri ha ki duwan kiba u la tei. U pynkyntang kum u lyngdoh ïa uno uno kat uba kwah ban long u lyngdoh.

2 SYIEM 1:13

Sa shisien pat u syiem u la phah ïa u rangbah pynïaidkam lem bad sanphew ngut ki rangbah. U la leit kiew ïa u lum, u la dem khohsiew ha khmat u Elijah, bad u la ïasaid, “Ko briew jong U Blei, to isynei ïa nga bad ïa ki rangbah jong nga. To pyllait ïa ka jingim jong ngi!

2 KHRONIKL 16:9

U Trai u khmih bha ïa ka pyrthei baroh kawei, ban ai ka jingkhlaiñ ïa kito kiba ki dohnud jong ki, ki ïaineh ha u. Me la leh bieit, bad kumta naduh mynta men don borabor ha ka jingïaleh thma.”

2 KHRONIKL 28:22

Katba ki jingjynjar ki nang jur, u Ahas u la leh pop shuh shuh pyrshah ïa U Trai.

SALM 51:6

Ka jinglonghok bad ka jingshisha ki long kiba me dawa; to pyndap ïa ka jingmut jong nga da ka jingstad jong me.

SALM 51:8

Ai ngan ïohsngew ïa ki jingsawa jong ka jingkmen bad ka jingsngewbha; wat la me la pynlwet ïa nga bad pynpait ïa nga, ngan long uba kmen sa shisien pat.

SALM 55:20

Uba ju ïasynrop bad nga mynshuwa u tur ïaleh ïa la ki paralok; u pynkheiñ la ki kular.

PROBERB 21:29

Ki briew kiba hok ki skhem ha lade; ki bymman ki shu leh mynleh katba ki lah.

PROBERB 22:12

U Trai u khmih ba ïa ka jingshisha la ri kyndong da kaba pynpulom ïa ki ktien jong ki nonglamler.

PROBERB 23:35

“Ka lah ban long ba nga la shah tied,” phin ong; “ka lah ban long ba nga la shah tangon, hynrei ngam kynmaw ïa ka. Balei ngam shym lah ban khie? Nga donkam ban ïoh jingdih biang.”

PROBERB 27:22

Wat lada phi shoh ïa u bieit haduh ba u la jan ïap, pynban phin ym lah satia ban weng ïa ka jingbieit na u.

ISAÏAH 26:11

Ki nongshun jong me kim tip satia ba men pynshitom ïa ki. A Trai, buh ïa ki ha ka jingjahburom bad ai ba kin jynjar; ai ba kin jynjar da ka jingpynshitom kaba me la pynkhreh. To pyn-i ïa ki haduh katno me ieit ïa la ki briew.

ISAÏAH 42:25

Kumta u pynlong ïa ngi ban sngew ïa ka bor ka jingbitar jong u bad shah jynjar ïa ka jingshyrkhei ka thma. Kum ka ding ka jingbitar jong u ka meh kylleng ka Israel, hynrei ngim ju tip aïu ka jia; ngim shym ïoh jinghikai satia ei ei na ka.

ISAÏAH 48:4

Nga la tip ba phin pynshisha ba phi long kiba mutlop, kiba pyneh kum ka nar bad ka rnong bym lah ban pynkdor.

ISAÏAH 9:13

Ki paid Israel kim pat shym kylla-kaba-mut; wat haba U Trai Badonbor Baroh u la pynshitom ïa ki, kim pat shym la phai sha u.

JEREMAÏAH 15:7

Ha kawei pa kawei ka shnong ha ka ri nga la kynting ïa phi sha ka lyer kum ïa u phlangïap. Nga la pynjot ïa phi, ki briew jong nga, nga la pynïap ïa ki khun jong phi namar phim shym sangeh ïa ki rukom basniew jong phi.

JEREMAÏAH 17:23

Ki kpa tymmen jong ki kim shym la shahshkor ïa nga lane pynleit jingmut ei ei. Pynban ki la kylla long kiba mutlop; kin ym kohnguh ïa nga lane ïoh jinghikai na nga.

JEREMAÏAH 19:15

ba U Trai Badonbor Baroh, U Blei jong ka Israel, u la lah ong, “Ngan wallam ha kane ka nongbah bad ha kawei pa kawei ka shnong ba-marjan ïa ka jingpynshitom baroh kaba nga la ong ba ngan leh, namar phi long kiba mutlop bad phim shym shahshkor ïa kaei kaba nga kren.”

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 3:3

Dei kata keiñ balei ba la bat noh ïa u slap, bad u slap pyrem um shym la wan. Pha la da i syriem hi kum ka nuti; pham don kano kano ka jinglehrain.

JEREMAÏAH 32:19

Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

JEREMAÏAH 44:10

Hynrei haduh kane ka sngi phim shym la pynrit ïa lade. Phim shym la pyndonburom ïa nga lane im kat kum ki aiñ baroh kiba nga la ai ha phi bad ki kpa tymmen jong phi.

JEREMAÏAH 7:26

Pynban ym don mano mano ba sngap lane pynshahshkor. Pynban, phi la nang kham mutlop bad ïeng ïaleh pyrshah ban ïa ki kpa tymmen jong phi.

JEREMAÏAH 7:28

Men ïathuh ïa ki ba ka jaitbynriew jong ki kam shym kohnguh ïa nga, U Trai U Blei jong ki, lane ïoh jinghikai na ki jingpynshitom jong ki. Ka jingïaineh ka la ïap. Ym shym la ïakren shuh shaphang jong ka.”

JEREMAÏAH 8:5

Balei te, ko ki briew jong nga, ba phi phai lyndet noh na nga khlem da wan phai shuh? Phi snoh ha la ki bleithaw bad phi kyntait ban wan phai sha nga.

ESEKIEL 2:4

Ki long kiba mutlop bad kim burom ïa nga, kumta nga phah ïa me sha ki bad men ong ha ki, ïa kaei kaba ma nga U Trai Nongsynshar, nga ong ïa ki.

ESEKIEL 24:13

Ko Jerusalem, ki jingleh awria jong pha ki la pyntngit ïa pha. Wat la nga la pyrshang ban pynkhuid ïa pha, pha ïaisah ha ka jingtngit. Phan ym long khuid pat haduh ba phan da mad lut ïa ka jingbitar shla jong nga.

DANIEL 9:13

da kaba ai ha ngi ïa baroh ki jingpynshitom kiba la batai ha ka Aiñ jong u Moses. Hynrei wat mynta, A Trai U Blei jong ngi, ngim shym la pyrshang ban pynsngewbha ïa me da kaba phai noh na ki pop jong ngi lane da kaba bud ïa ka jingshisha jong me.

LEBITIKOS 26:23

“Lada wat hadien kat kane ka jingpynshitom phim pat shahshkor ïa nga, hynrei phi ïai pyrshah ïa nga,

AMOS 4:10

“Nga la phah ïa ka khlam ha phi kum kata kaba nga la phah ha Ijipt. Nga la pynïap ïa ki samla shynrang jong phi ha ka thma bad nga la knieh noh ïa ki kulai jong phi. Nga la pyndap ïa ki thliew khmut jong phi da ka jingiwtung ki metïap ha ki jaka shong dara jong phi. Katta ruh phim shym la wan phai pat sha nga.

AMOS 4:11

“Nga la pynjot katto katne na phi kumba nga la pynjot ïa ka Sodom bad ka Gomorrah. Kito na phi kiba la lait im ki long kum ka dieng barhem ba la sei na ka ding. Katta ruh phim shym la wan phai pat sha nga,” ong U Trai.

AMOS 4:6

“Dei ma nga uba la wallam ïa ka jingïapthngan ha ki nongbah jong phi baroh, pynban phim shym la wan phai pat sha nga.

AMOS 4:8

Ha ka jingtlot namar ka jingsliang, ki briew jong kiba bun ki nongbah ki la leit sha ka nongbah kaba ki kyrmen ban ïoh um, hynrei kim ïoh ka umdih ka ban biang. Katta ruh phim shym la wan phai pat sha nga.

AMOS 4:9

“Nga la phah ïa ka lyer khluit ban pyntyrkhong ïa ki jingthung jong phi. Ki puit ki la bam duh ïa baroh ki kper bad bri sohwaiñ jong phi, ki dieng Dumbur bad ki dieng Olib jong phi. Katta ruh phim shym la wan phai pat sha nga.

SEPHANAÏAH 3:7

Nga la pyrkhat ba kumta ki briew jong nga kin da la ñiewkor ïa nga bad pdiang ïa ka jingsneng pynbeit jong nga, ba kin ym da la klet ïa ka jinghikai kaba nga la hikai ïa ki. Hynrei shen shen ki la leh bymman kumba ki ju leh.

Ka Shithi U Paul Sha Ki Nong Rom 2:2

Ngi tip ba U Blei u leh ïa kaba dei haba u bishar ïa ki briew kiba leh ïa kiei kiei kum kine.

HEBRU 12:9

Ha kaba ïadei bad ki kpa jong ngi ha kane ka pyrthei, ki sneng sympat ïa ngi bad ngi burom ïa ki. Katno tam, te, ngi dei ban pyndem ha U Kpa ba kynja mynsiem jong ngi bad ïoh im.