JEREMAÏAH 5:28 - Khasi CL Bible (BSI)

²⁸ balei ba ki sngaid bad ba la ïoh jingbsa bha. Ym don pud satia ïa ki kam sniew jong ki. Kim ju ai ïa ki hok jong ki khunswet lane pyn-i ka jingbishar hok ïa kiba la shah banbeiñ.

KA BAIBL

²⁸ Ki la man sngaid, ki phuh: ki palat eh ruh ha ki kam ka jingbymman: kim ïada ïa ka kam, ka kam ki khunswet keiñ, ba kin dup man bha; bad ïa ka hok jong ki baduk kim bishar.

JEREMAÏAH 5:28 ပူးပေါင်းရင်းမြစ်များ

Ka Kitab U Job 12:6

Hynrei ki nongtuh bad ki briew bym don Blei ki im ha ka jingsuk, wat la u blei jong u long tang ka jingkhlaiñ jong ki hi.

SALM 119:70

Kine ki briew kim don ka jingshemphang, hynrei nga shem sngewbha ha ka aiñ jong me.

SALM 72:4

Ai ba u syiem un bishar hok ïa kiba duk; ai un ïarap ïa kiba kyrduh, bad un jop ïa ki nongbanbeiñ jong ki.

SALM 73:12

Kata ka long kaei kaba ki bymman ki long. Ki don kyrhai bad ki nang ïai ïoh shuh shuh.

SALM 73:4

Kim ju ïoh jingshitom; ki long kiba khlaiñ bad kiba khiah krat.

PROBERB 15:25

U Trai un pynjot ïa ki longïing jong ki briew kiba sarong, hynrei un ïada ïa ki jingdon jingem jong ka riewkynthei.

ISAÏAH 1:23

Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

JEREMAÏAH 12:1

“A Trai, lada nga ïasaid ïa ka kam jong nga bad me, men pynshisha ba me long ha kaba dei. Pynban nga dei ban kylli ïa me shaphang ki bynta ka jingbishar hok. Balei ba ki rangbah basniew ki manbha katta katta? Balei ba ki rangbah bymhok ki jop?

JEREMAÏAH 2:33

Phi tip thikna kumno ban ïabeh nadien ki nongleh-ieit. Wat ki kynthei kiba sniew eh ki lah ban ïoh jinghikai na phi.

JEREMAÏAH 22:3

“Ma nga, U Trai, nga hukum ïa phi ban leh ïa kaei kaba hok bad kaba beit. Ïada ïa u briew uba shah thok na uta uba shukor ïa u. Wat lehbeiñ ne banbeiñ ïa ki nongwei, ki khunswet, ne ki riewkynthei, bad wat pynïap ïa ki briew kiba lui lui ha kane ka jaka kaba khuid.

JEREMAÏAH 7:6

Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

SEKHARAÏAH 7:10

Wat banbeiñ ïa ki riewkynthei, ki khunswet, ki nongwei kiba shong basah hapdeng jong phi, lane mano mano kiwei pat kiba kyrduh. Bad wat pyrkhat ïa ki rukom ban pynmynsaw iwei ïa iwei pat.’

1 KORINTH 5:1

Mynta, la don ka jingong kaba thikna ba ka don ka jingïaleh awria hapdeng jong phi kaba shyrkhei haduh katta katta ba wat ki bymngeit kin sngewrem ïa kata. La ïathuh ïa nga ba uwei u briew u ïathiah shongkha bad la ka meinah!

DEUTERONOMI 32:15

“Ki briew U Trai ki la riewspah, hynrei kiba ïaleh pyrshah; ki la sngaid bad ki la dap bha da ka jingbam. Te ki la iehnoh ïa U Blei uba la thaw ïa ki, bad ki la kyntait ïa u nongpynim bakhrawbor jong ki.