JEREMAÏAH 5:24 - Khasi CL Bible (BSI)

²⁴ Phim ju pyrkhat da lei lei ban pyndonburom ïa nga, wat la nga phah ïa u slap synrai bad ïa u slap pyrem bad ai ha phi ïa ka aïom ot man la ka snem.

KA BAIBL

²⁴ Lymne kim ong ha la ka dohnud, ‘To ngin ïasheptieng ïa U Trai U Blei jong ngi, u ba ai ïa u slap ha la ka aïom, u 'lap nyngkong bad u 'lap khatduh; uba pynsumar ïa ngi ïa ki taïew ba la buh jong ka jingot.’

JEREMAÏAH 5:24 ပူးပေါင်းရင်းမြစ်များ

JENESIS 8:22

Katba ka pyrthei ka dang sah, kan don ka aïom bet bad ka aïom ot. Kan don ka jingkhriat bad ka jingshit, ka lyiur bad ka tlang, ka sngi bad ka miet.”

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

Ka Kitab U Job 29:23

baroh ki pdiang ïa ki kumba ki nongrep ki pdiang sngewbha ïa u slap ha ka por pyrem.

Ka Kitab U Job 38:37

Uei uba stad haduh katta ban ñiew ïa ki lyoh bad pynkylla khongpong ïa ki ban theh ïa u slap,

Ka Kitab U Job 5:10

U phah ïa u slap ha ka ri bad u ai um ïa ki lyngkha.

SALM 147:8

U pynphriang ïa ki lyoh ha ka suiñbneng; u pynbiang slap ïa ka khyndew bad u pynlong ba u phlang un mih ha ki lum.

SALM 65:9

Me pyn-i ïa ka jingsumar jong me ïa ka ri da kaba phah ïa u slap; me pynseisoh kyrhai ïa ka; me pyndap ïa ki wahduid da ka um; me pynbiang ïa ka khyndew da ki mar rep. Kane ka long kumno me leh ïa ka:

ISAÏAH 64:7

Ym don uwei ruh uba phai sha me ha ka jingduwai; ym don uwei ruh uba leit sha me ban ïoh jingïarap. Me la buhrieh ïa lade na ngi bad iehnoh ïa ngi namar ki pop jong ngi.

JEREMAÏAH 10:13

Ha ka hukum jong u ki um shalor jong ka suiñbneng ki kyrhuh; u wallam ïa ki lyoh na kiba kut jong ka pyrthei. U pynlong ïa ka leilieh ban thaba ha u slap bad u phah ïa ka lyer na ka kamra buh tiar jong u.

JEREMAÏAH 14:22

Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 3:3

Dei kata keiñ balei ba la bat noh ïa u slap, bad u slap pyrem um shym la wan. Pha la da i syriem hi kum ka nuti; pham don kano kano ka jinglehrain.

JEREMAÏAH 5:22

Nga long U Trai; balei phim sheptieng ïa nga? Balei phim khynñiuh ha khmat jong nga? Nga la buh ïa u shyiap kum u pud jong ka duriaw, u pud uba neh ba kam lah ban jam palat. Ka duriaw ka lah ban kynting, hynrei kam lah ban leit palat ïa u; ki jingat phyllung ki lah ban kyrhuh, hynrei kim lah ban ksam lyngba.

JEREMAÏAH 50:5

Kin kylli ïa ka lynti sha Seïon bad nangta kin leit ha kata ka phang. Kin pynlong ka jutang baïaineh bad nga bad da lei lei kin ym pynkheiñ ïa ka.

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

JOEL 2:23

“To lehkmen, ko ki briew ka Seïon, to shadkmen ha kaei kaba U Trai U Blei jong phi u la leh ïa phi. U la ai ïa phi ïa u slap synrai uba biang; u la theh ïa u slap tlang na ka bynta jong phi bad ïa u slap pyrem kumba mynshuwa.

AMOS 4:7

Nga la khang ïa u slap haba ki jingthung ki dang donkam eh ïa u. Nga la pynhap slap ha kawei ka nongbah, hynrei ym ha kawei pat. U slap u la hap ha kawei ka lyngkha hynrei kawei pat ka lyngkha ka la tyrkhong.

SEKHARAÏAH 10:1

To pan na U Trai ïa u slap ha ka pyrem jong ka snem. U dei U Trai uba phah ïa ki lyoh slap bad ïa u 'lap praw, da kaba pynjyrngam ïa ki lyngkha na ka bynta uwei pa uwei.

MATHAÏOS 5:45

khnang ba phi lah ban long ki khun jong U Kpa jong phi uba ha bneng. Namar u pynlong ïa ka sngi kaba u la thaw ban tyngshaiñ ha ki briew kiba sniew bad kiba bha kumjuh, bad u ai slap ha kito kiba leh ïa kaba bha bad ha kito kiba leh ïa kaba sniew.

KI KAM 14:17

Hynrei u la ïai ai ka sakhi ïa ka jingdon jong u da kiei kiei kiba bha kiba u leh: U ai ha phi ïa u slap na sahit bneng bad ïa ki jingthung ha ki por babiang; u ai ha phi ka jingbam bad u pyndap ïa ka dohnud jong phi da ka jingkmen.”

DEUTERONOMI 28:12

Un pynhap ïa u slap ha la ka aïom na ka ïing kynshew jong u ha bneng bad un kyrkhu ïa ka jingtrei jong phi baroh, ba phin ïoh ai kylliang ha kiba bun ki jaitbynriew, katba ma phi pat phin ym hap shim kylliang nano nano.

JAKOB 5:7

To long kiba ïaishah, namarkata, ko parabangeit jong nga, haduh ba U Trai un wan. Khmih katno u nongrep u long uba ïaishah haba u ap ïa la ka khyndew ban pynmih ïa ki jingthung kiba kordor. U ïaishah ban ap ïa u slap synrai bad ïa u slap pyrem.

JINGPYNPAW 11:6

Ki don ka bor ban set ïa ka sahit bneng ba yn ym hap slap ha ka por ba ki pynbna ïa ka khubor U Blei. Ki don ka bor ruh halor ki pukri um, ban pynkylla snam ïa ki; ki don ka bor ruh ban shoh ïa ka khyndew da kano kano ka jait khlam katba shong ka mon jong ki.