JEREMAÏAH 5:21 - Khasi CL Bible (BSI)

²¹ To pynshahshkor, phi ki briew kiba bieit bad ba-mutlop, kiba don ki khmat, hynrei ki bym lah ïohi, bad kiba don ki shkor, hynrei ki bym lah ïohsngew.

KA BAIBL

²¹ ‘To sngap ïa kane mynta, A u paidlang u babieit, bad uba khlem jingshemphang; uba don ki khmat, te um ïohi; uba don ki shkor, te um ïohsngew:

JEREMAÏAH 5:21 ပူးပေါင်းရင်းမြစ်များ

SALM 94:8

Ko ki briew jong nga, kumno phi lah ban long kiba bieit mutlop sat? Lano phin nang ïa kane?

PROBERB 17:16

Kam wanrah ei ei kaba bha lada pynlut pisa ha ka jingpynnang pynstad ïa uba bieit, namar um don jingshemphang satia.

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

ISAÏAH 43:8

U Blei u ong, “Khot hajir ïa ki briew jong nga sha ïingbishar. Ki don ki khmat hynrei ki long kiba matlah; ki don ki shkor hynrei ki long kiba kyllut!

ISAÏAH 44:18

Kum kita ki briew ki long kiba bieit eh ban tip ïa kaei kaba ki leh. Ki khapbrip ïa la ki khmat bad ïa la ki jingmut na ka jingshisha.

JEREMAÏAH 10:8

Ma ki baroh ki long kiba mutlop bad kiba bieit. Aïu ki lah ban nang na ki bleithaw dieng?

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

JEREMAÏAH 5:20

U Trai u ong, “To ïathuh ïa ki khun ki ksiew jong u Jakob, ïathuh ïa ki briew jong ka Judah:

JEREMAÏAH 5:4

Nangta nga la pyrkhat, “Kine ki long tang kiba duk bad ki bym sngewthuh. Ki la leh bieit; kim tip ïa kaei kaba U Blei jong ki u dawa, ïa kaei U Trai u kwah ïa ki ban leh.

JEREMAÏAH 6:10

Nga la jubab, “Mano ban shahshkor ïa nga lada nga la kren ha ki bad maham ïa ki? Ki long kiba mutlop bad ki kyntait ban shahshkor ïa ka khubor jong me; ki rkhie ïa kaei kaba me ong ïa nga ban ong.

JEREMAÏAH 7:13

Phi la leh ïa kine ki pop baroh, bad wat la nga la kren ïa phi bad ïai kren, phi la kyntait ban shahshkor. Phin ym jubab haba nga la khot ïa phi.

JEREMAÏAH 8:7

Wat ki thring ki tip lano ka dei ka por ban wan phai; ki lyngdkhur, ki lyntait, bad ki throsh ki tip lano ka dei ka por ban leit noh shawei. Hynrei, ko ki briew jong nga, phim shym tip ïa ki aiñ da kiba nga synshar ïa phi.

ESEKIEL 12:2

“Ko khun u briew,” u ong, “me im hapdeng ki briew kiba ïeng ïaleh pyrshah. Ki don ki khmat, hynrei kim ïohi ei ei; ki don ki shkor, hynrei kim ïohsngew ei ei, namar ki long kiba ïaleh pyrshah.

HOSIA 7:11

Ka Israel ka her kum ka paro kaba bieit; nyngkong ki briew jong ka ki wad jingïarap na Ijipt, bad nangta ki mareh sha Assyria!

SEKHARAÏAH 7:11

“Hynrei ki briew jong nga ki kyntait da ka jingmynthi ban pynshahshkor ïa nga. Ki khang ïa ki jingmut jong ki

MARKOS 4:12

khnang ba, “ ‘Kin khmih bad ïai khmih, pynban kin ym ïohi; Kin sngap bad ïai sngap, pynban kin ym sngewthuh. Namar lada ki ïohi lane sngewthuh, kin phai sha U Blei, bad un map ïa ki.’ ”

MARKOS 8:18

Phi don ki khmat — hato phim lah ban ïohi? Phi don ki shkor — hato phim lah ban ïohsngew?

ÏOANNIS 12:40

“U Blei u la pynmatlah ïa ki khmat jong ki bad u la khang khyrdep ïa ki jingmut jong ki, ba ki khmat jong ki kin ym ïohi, bad ba ki jingmut jong ki kin ym shemphang, bad kin ym phai sha nga, ong U Blei, ïa nga ba ngan pynkhiah ïa ki.”

KI KAM 28:26

Naba u la ong, “ ‘Khie leit bad ong ha kine ki briew: Phin shahshkor bad ïai shahshkor, hynrei phin ym shemphang; phin khmih bad ïai khmih, hynrei phin ym ïohi,

Ka Shithi U Paul Sha Ki Nong Rom 1:20

Naduh ba U Blei u la thaw ïa ka pyrthei, ki jinglong bym lah ban ïohi jong u, ka bor bymjukut bad ka jinglong ba kynja Blei jong u, la ïohi shai kdar; la ïohi ïa ki ha kiei kiei kiba U Blei u la thaw. Kumta kito ki briew kin ym lait satia!

Ka Shithi U Paul Sha Ki Nong Rom 11:8

Kumba ka Jingthoh Bakhuid ka ong, “U Blei u la pynluin ïa ki jingmut bad ki dohnud jong ki, haduh kane hi ka sngi kim lah ban ïohi ne ïohsngew.”

DEUTERONOMI 29:3

Phi la ïohi ïa ki khlam kiba ishyrkhei, ïa ki kambah bad ki kamphylla kiba khraw ba U Trai u la leh.

DEUTERONOMI 29:4

Hynrei haduh kane ka sngi um pat shym la ai ha phi ban shemphang ïa kaei kaba phi la mad.

DEUTERONOMI 32:6

Pleng da kumne mo phi siew kylliang ïa U Trai, a, phi ka jaitbynriew kaba bieit bad kaba anna? Hato um dei u kpa jong phi, uba la thaw ïa phi, uba la seng ïa phi kum kawei ka jaitbynriew?