JEREMAÏAH 5:17 - Khasi CL Bible (BSI)

¹⁷ Kin bam duh ïa ki jingthung bad ïa ki jingbam jong phi; kin pynïap ïa ki khun shynrang bad ki khun kynthei jong phi. Kin pynïap ïa ki kynhun langbrot bad ki kynhun masi jong phi bad pynjot ïa ki dieng sohwaiñ bad diengsoh Dumbur jong phi. Ïa ki nongbah ba la ker kynroh ha kiba phi shaniah yn pynjot da ka kynhun shipai jong ki.

KA BAIBL

¹⁷ Te kin bam lut ïa ka jingot jong me, bad ïa u kpu jong me, kiba ki khun jong me shynrang bad kynthei ki dei ban bam: kin bam lut ïa ki blang bad ïa ki masi jong me: kin bam lut ïa ki dieng Waiñ jong me bad ïa ki dieng Dumbur: kin pyntwa ïa ki shnong ba la ker kut jong me, ha kiba me shaniah, da ka waitlam.”

JEREMAÏAH 5:17 ပူးပေါင်းရင်းမြစ်များ

ISAÏAH 62:8

U Trai u la pynlong ka jingkular bakyntang bad da ka bor jong u, un pynlongkam ïa ka: “U kew jong pha un ym long shuh ka jingbam ïa ki nongshun jong pha, bad ki nongwei kin ym ïoh shuh ban dih ïa ka waiñ jong pha.

ISAÏAH 62:9

Hynrei phi kiba bet bad ot ïa u kew, phin bam ïa u kpu bad ïaroh ïa U Trai, bad phi kiba sumar bad lum ïa ki sohwaiñ phin dih ïa ka waiñ ha ki phyllaw ka Templ jong nga.”

ISAÏAH 65:22

Kum ki dieng, ki briew jong nga kin im slem. Kin ïoh ban lehkmen pura ha kiei kiei kiba ki la trei shitom.

JEREMAÏAH 1:15

namar nga khot ïa baroh ki jaitbynriew ha ka phang bashatei ban ïawan. Ki syiem jong ki kin pynïeng ïa ki khet jong ki ha ki khyrdop jong ka Jerusalem bad sawdong ïa ki kynroh jong ka bad ruh sawdong ïa kiwei pat ki nongbah jong ka Judah.

JEREMAÏAH 4:26

Ka ri kaba seisoh ka kylla long ka ri shyiap, ki nongbah jong ka ki la don ha ka jingjot namar ka jingbitar shla jong U Trai.

JEREMAÏAH 4:7

Kum u sing uba wan mih na ka jakarieh jong u, u nongpynjot jong ki jaitbynriew u la mihnoh. U wan ban pynjot ïa ka Judah. Ïa ki nongbah jong ka Judah yn ieh ha ki jingjot, bad yn ym don mano mano bashong ba sah ha ki.

JEREMAÏAH 5:18

U Trai u ong, “Wat ha kito ki sngi ngan ym pynjot khoit ïa ki briew jong nga.

JEREMAÏAH 50:17

U Trai u ong, “Ki paid Israel ki long kum ki langbrot, ba la shah beh bad pynsakma da ki sing. Nyngkong, la tur ïaleh da u patsha ka Assyria, bad nangta u Nebukhadnessar u syiem ka Babilonia u ktha ïa ki shyieng jong ki.

JEREMAÏAH 50:7

Ki la shah tur ïaleh da baroh kiba ïakynduh ïa ki. Ki nongshun jong ki, ki ong, ‘Ki la leh pop pyrshah ïa U Trai, bad kumta kaei kaba ngi la leh, kam long kaba bakla. Ki khun ki ksiew jong ki, ki la shaniah ha U Trai, bad ma ki hi kiba la dei ban ïailong kiba ïaineh ha u.’

JEREMAÏAH 8:13

“Nga la kwah ban lumlang ïa ki briew jong nga, kumba u briew u lumlang ïa ka jingot jong u; hynrei ki long kum u dieng sohwaiñ khlem ki sohwaiñ, kum u diengsoh Dumbur khlem ki soh Dumbur; wat ki sla ki la jlop. Namar kata, nga la shah ïa kiba nabar ban shim noh ïa ka ri.”

JEREMAÏAH 8:16

Ki nongshun jong ngi ki la da don hapoh ka nongbah Dan; ngi ïohsngew ïa ka jingsawa pynhiar mynsiem jong ki kulai jong ki. Ka ri baroh kawei ka khynñiuh haba ki kulai jong ki, ki pah. Ki nongshun jong ngi ki la wan ban pynjot ïa ka ri jong ngi bad ïa kiei kiei baroh kiba ha ka, ka nongbah jong ngi bad baroh ki briew jong ka.”

SNGEWSYNEI 2:12

Ha ka jingthngan bad jingsliang, ki ïam ha la ki kmie; ki kyllon ha ki lynti bah kumba ki la mynsaw, bad ki ïap suki ha ki ksang'ti jong ki kmie jong ki.

SNGEWSYNEI 2:2

U Trai u la pynjot khlem ka jingisynei ïa kawei pa kawei ka nongrit ha Judah bad u la kad pynpra ïa ki kut kiba ïada ïa ka ri. U la wallam ka jingjahburom ha ka hima bad ki nongsynshar jong ka.

ESEKIEL 36:4

Kumta mynta to shahshkor ïa kaei kaba ma nga, U Trai Nongsynshar, nga ong ha phi ki lumbah bad ki lumrit, ha phi ki wahduid bad ki jaka them, bad ha phi ki jaka kiba sah ha ki jingjot jingpra, bad ha phi ki nongbah ba la iehnoh kynjah kiba la shah lute bad shah rkhiebeiñ da baroh ki jaitbynriew kiba don sawdong.

HOSIA 2:12

Ngan pynjulor ïa ki dieng sohwaiñ bad ki diengsoh Dumbur jong ka, kiba ka ju ong ba kiba ieit jong ka ki ai ïa ka namar ba ka la shakri ïa ki. Ngan pynkylla ri khlaw ïa ki bri sohwaiñ bad ki brisoh jong ka; ki mradkhlaw kin pynjot ïa ki.

HOSIA 8:14

“Ki paid Israel ki la tei ïa ki ïingsyiem, hynrei ki la klet ïa la U Nongthaw. Ki paid Judah ki la tei ïa ki nongbah ba la ker kynroh. Hynrei ngan phah da ka ding ka ban thang duh ïa ki ïingsyiem bad ki nongbah jong ki.”

JOEL 2:3

Kum ka ding ki bam duh ïa ki jingthung. Ha khmat jong ki ka ri ka long kum ka Kper Eden, hynrei sha lyndet jong ki ka long ka ri shyiap shrah. Ym don kano kano kaba lait im na ki.

LEBITIKOS 26:16

Ngan pynngat ha phi ïa ka jingjynjar — ki jingpang bym lah pynkhiah, bad ki jingpang shit ki ban pynmatlah ïa phi bad ban pynlong ïa ka jingim jong phi ban sep-ei. Phin bet ïa u symbai, hynrei um myntoi ïa phi, naba ki nongshun jong phi kin jop ïa phi bad kin bam ïa kaba phi la thung.

SEPHANAÏAH 3:6

U Trai u ong, “Nga la pynduh lut ïa ki jaitbynriew baroh; nga la pynjot ïa ki nongbah jong ki bad iehnoh ïa ki kynroh bad ïa ki kut jong ki ha ki jingjot. Ki nongbah ki la shah iehnoh; ki lynti bah ki thylli — ym shym pynsah ïa uwei ruh.

MALAKHI 1:4

Lada ki khun ki ksiew u Iso, ki Edom, ki ong, “Ïa ki shnong jong ngi la pynjot, hynrei ngin tei pat ïa ki,” te U Trai un jubab, “To ai ba kin tei pat — ngan pynpra biang ïa ki. Ki briew kin khot ïa ki ‘Ka ri kaba sniew’ bad ‘Ka jaitbynriew ïa kaba U Trai u bitar junom.’ ”

DEUTERONOMI 28:33

Ki nongwei kin bam ei ïa ki jingmih na ki lyngkha jong phi ha kiba phi la trei shitom, katba phi pat phim ym ïoh ei ei lait tang ka jingshah banbeiñ bad ka jingshah lehbeiñ suda.