JEREMAÏAH 5:15 - Khasi CL Bible (BSI)

¹⁵ Ko ki paid Israel, U Trai u wallam ka jaitbynriew na sha jngai ban tur ïaleh ïa phi. Ka long ka jaitbynriew kaba khlaiñ bad kaba la rim, ka jaitbynriew kaba ïa ka ktien jong ka phim tip.

KA BAIBL

¹⁵ Ha khmih, ngan wallam halor jong phi ïa ka jaid bynriew na sha jngai, A ka ïing Israel,” ong U Trai: “ka long ka jaid bynriew bakhrawbor, ka jaid bynriew ba na mynbarim, ka jaid bynriew kaba mem tip ïa ka ktien jong ka, lymne mem sngewthuh ïa kaba ki ong.

JEREMAÏAH 5:15 ပူးပေါင်းရင်းမြစ်များ

JENESIS 11:7

Ïa, ngin ïaleit hiar bad pynkhleh ïa ka ktien jong ki, ba kumta kin ym ïasngewthuh shuh iwei ïa iwei pat.”

SALM 81:5

U la ai ïa ka ha ki paid Israel, mynba u tur ïaleh ïa ka ri Ijipt.

ISAÏAH 28:11

Lada phim shahshkor ïa nga, te U Blei un pyndonkam da ki nongwei kiba kren da kawei pat ka sur ktien ba sngew khyllah ban hikai ïa phi.

ISAÏAH 29:3

U Blei un tur ïaleh ïa ka nongbah, un don sawdong jong ka bad un kerkut ïa ka.

ISAÏAH 29:6

Kynsan kynsan bad khlem poi pyrkhat U Trai Badonbor Baroh un pyllait im ïa pha da ki 'erïong bajur bad ki jingkhih jumai. Un phah ïa ki 'erlangthari bad ka ding baklang;

ISAÏAH 33:19

Phin ym ïohi shuh ïa ki nongwei kiba hangamei kiba kren da ka ktien kaba phim sngewthuh.

ISAÏAH 39:3

Te u Isaïah u nongïathuhlypa u la leit sha u syiem Hesekaïah bad u la kylli, “Nangno kine ki briew ki wan bad kaei kaba ki ong ïa phi?” U Hesekaïah u la jubab, “Ki wan na ka ri kaba jngai bha, na Babilonia.”

ISAÏAH 5:26

U Trai u ai dak ban khot ïa ka jaitbynriew na jngai. U siaw ïa ki ban wan na kiba kut ka pyrthei. Bad kine ki wan ha ka jingstet bad kloi lan.

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

JEREMAÏAH 1:15

namar nga khot ïa baroh ki jaitbynriew ha ka phang bashatei ban ïawan. Ki syiem jong ki kin pynïeng ïa ki khet jong ki ha ki khyrdop jong ka Jerusalem bad sawdong ïa ki kynroh jong ka bad ruh sawdong ïa kiwei pat ki nongbah jong ka Judah.

JEREMAÏAH 2:26

U Trai u ong, “Kumba u nongtuh u shah pynjahburom haba la kem ïa u, kumta ïa phi baroh ki paid Israel yn pynjahburom — ki syiem bad ki rangbah synshar jong phi, ki lyngdoh bad ki nongïathuhlypa jong phi.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 4:16

Ki la wan ban maham ïa ki jaitbynriew bad ban ïathuh ïa ka Jerusalem ba ki nongshun ki wan na ka ri kaba jngai bah. Kine ki nongshun kin pyrta pyrshah ïa ki nongbah jong ka Judah

JEREMAÏAH 5:11

Ki briew jong ka Israel bad Judah ki la shetkylla la biang ïa nga, ma nga, U Trai, nga la kren.”

JEREMAÏAH 6:22

U Trai u ong, “Ki briew ki wan na ka ri ha ka phang bashatei; ka jaitbynriew kaba khrawbor na sha jngai bah ka pynkhreh ïa ka thma.

ESEKIEL 18:31

To iehnoh ïa kaba sniew baroh kaba phi leh bad pynïoh ïa lade ki jingmut bad ka dohnud kiba thymmai. Balei ma phi ki Israel phi kwah ban ïap?

DANIEL 1:4

Ki dei ban long kiba bhabriew, kiba nep jingmut, kiba la ïoh jinghikai bha, kiba stet ban nang, bad kiba lait na ka jinganna, ba kumta kin lah ban long kiba bit ban shakri ha ka ïingbishar jong u syiem. U Ashpenas u dei ban hikai ïa ki ban pule bad ban thoh ïa ka ktien ki nong Babilonia.

DANIEL 7:7

Katba nga dang ap khmih, u mradkhlaw uba saw u la mihpaw. U la long uba khrawbor, uba ingiew bad uba ishyrkhei. Da ki bniat nar bakhraw jong u, u khñiot pynlwet ïa ki ba u la ïoh, bad nangta u la kyrdem halor jong ki. Ym kum kita kiwei pat ki mradkhlaw, u la don shiphew tylli ki reng.

AMOS 6:14

U Trai U Blei Badonbor Baroh da lade u ong, “Ko ki paid Israel, ngan phah ïa ka kynhun shipai nongwei ban knieh ïa ka ri jong phi. Kan banbeiñ ïa phi naduh ka Khim Hamath bashaphang shatei haduh ka wahduid Arabah bashaphang shathie.”

HABAKKUK 3:16

Nga ïohsngew ïa kane baroh, bad nga kyiuh; ki rmiang shyntur jong nga ki khih da ka jingsheptieng. Ka met jong nga ka jem lwep, bad ki kjat jong nga ki jynthut hapoh jong nga. Ngan ap jar jar ïa ka por ka ban wan haba U Blei un pynshitom ïa kito kiba tur ïaleh ïa ngi.

1 KORINTH 14:21

Ha ki Jingthoh Bakhuid la thoh: “Da ki briew kiba kren ha ki ktien kiba pher ngan kren ha ki briew jong nga, ong U Trai. Ngan kren da ki rmiang shyntur jong ki nongwei, hynrei wat la katta ki briew jong nga kin ym shahshkor ïa nga.”

DEUTERONOMI 28:33

Ki nongwei kin bam ei ïa ki jingmih na ki lyngkha jong phi ha kiba phi la trei shitom, katba phi pat phim ym ïoh ei ei lait tang ka jingshah banbeiñ bad ka jingshah lehbeiñ suda.

DEUTERONOMI 28:49

U Trai un phah ïa ka jaitbynriew na kaba kut ka pyrthei pyrshah ïa phi, ka jaitbynriew kaba ka ktien ka thylliej jong ka phin ym sngewthuh. Kin wan hiar kynsan ha phi kumba suh u pukni.