JEREMAÏAH 5:13 - Khasi CL Bible (BSI)

^13-14 Ki la ong ba ki nongïathuhlypa kim long ei ei hynrei ki pla dap lyer bad ba kim don ka khubor na U Trai. U Trai U Blei Badonbor Baroh u la ong ha nga, “Ko Jeremaïah, namar ba kine ki briew ki la kren ïa kum kine kiei kiei, ngan pynlong ïa ki ktien jong nga kum ka ding ha ka shyntur jong me. Ki briew kin long kum ka dieng, bad ka ding kan bam duh ïa ki.”

KA BAIBL

¹³ te ki nongïathuhlypa kin long lyer, bad kata ka ktien kam don ha ki: kumne yn sa leh ïa ki.’ ”

JEREMAÏAH 5:13 ပူးပေါင်းရင်းမြစ်များ

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

Ka Kitab U Job 6:26

Phi tharai ngam shym kren ei ei hynrei tang ka lyer; te balei phi jubab ïa ki ktien ka jingkutlad jong nga?

PROBERB 25:14

Ki briew kiba kular ïa kiei kiei kiba kim ju lah ban ai satia ki long kum ki lyoh bad ka lyer ki bym ai slap.

ISAÏAH 41:29

Baroh kine ki blei ki long ki bymlarkam; Kim lah ban leh ei ei ruh em — Kine ki bleithaw ki long kiba tlot bad ki bymdonbor.”

JEREMAÏAH 14:13

Nangta nga la ong, “Ko Trai Nongsynshar, nga tip ba ki nongïathuhlypa ki ong ïa ki briew ba yn ym don ka thma kane ka jingïapthngan, namar me la kular, ki ong, ba kan don tang ka jingsuk ha ka ri jong ngi.”

JEREMAÏAH 14:15

Ma nga, U Trai, nga ïathuh ïa phi ïa kaei ba ngan leh ïa kito ki nongïathuhlypa kiba ngam shym phah hynrei kiba kren ha ka kyrteng jong nga bad ong ba ka thma bad ka jingïapthngan kin ym lynshop ïa kane ka ri — ngan pynïap ïa ki ha ka thma bad da ka jingïapthngan.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 22:22

Ïa ki nongïalam jong phi yn rong noh da ka lyer, kiba ïateh lok bad phi kin shah ring kum ki mraw ka thma; ïa ka nongbah jong phi yn pynjahburom bad shah pynlehrain namar ki kam bymman baroh kiba phi la leh.

JEREMAÏAH 28:3

Hapoh ar snem ngan wallam pat sha kane ka jaka ïa baroh ki jingkynshew ka Templ kaba u syiem Nebukhadnessar u la rah sha Babilonia.

JEREMAÏAH 43:2

Nangta u Asaraïah u khun jong u Hoshaïah bad u Johanan u khun jong u Kareah bad baroh kiwei ki rangbah ba leh meng ki la ong ïa nga, “Phi shukor. U Trai U Blei jong ngi um shym la phah ïa phi ban ong ha ngi ba ngin ym leit bad shong ha Ijipt.

HOSIA 9:7

Ka por jong ka jingpynshitom ka la poi, ka por ha kaba ki briew kin ïoh ïa kaei kaba ki dei hok. Haba kata ka jia, ki Israel kin tip ïa ka! “Une u nongïathuhlypa,” phi ong, “u dei uba bieit. Une u briew uba ïoh mynsiem u dei uba lamwir.” Phi ki briew phi isih jur ïa nga namar ba la jyllei eh ki pop jong phi.