JEREMAÏAH 5:12 - Khasi CL Bible (BSI)

¹² Ki briew jong U Trai ki la len ïa u bad ki la ong, “Un ym leh ei ei da shisha. Ngin ym mad ïa ki por ba-eh; ngin ym mad ïa ka thma lane ka 'nemsniew.”

KA BAIBL

¹² “Ki la len ïa U Trai, bad ki la ong, ‘Kam dei ma u; lymne ka basniew kan ym ngat ha ngi; lymne ngin ym ïohi ïa ka waitlam lymne ïa ka 'nemsniew;

JEREMAÏAH 5:12 ပူးပေါင်းရင်းမြစ်များ

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

SALM 10:6

U ong ha lade, “Ngan ym bakla da lei lei; da lei lei ngan ym poi ha ka jingjynjar.”

SALM 14:1

Kiba bieit ki ong ha lade, “Ym don Blei.” Ki baroh ki long kiba jakhlia, bad ki la leh ïa kiei kiei kiba shyrkhei; Ym don uwei ruh uba leh ïa kaba dei.

PROBERB 30:9

Lada nga ïoh palat, nga lah ban ong ba ngam donkam ïa me. Hynrei lada nga kyrduh pat, nga lah ban tuh bad pynjahburom ïa U Blei jong nga.

JEREMAÏAH 14:22

Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

JEREMAÏAH 2:6

Kim shym salia ïa nga, wat haba nga la pyllait ïa ki na Ijipt bad ïalam ïa ki lyngba ka ri khlaw: Ka jaka ki ri shyiap bad ki thliew shyiap, ka ri kaba tyrkhong bad kaba ma ha kaba ym don mano mano bashong basah bad ba ym don mano mano wat ban ïaid lyngba.

JEREMAÏAH 28:4

Ngan wallam pat ruh ïa u syiem ka Judah, u Jehoïakhin u khun jong u Jehoïakim, lem bad ki briew baroh jong ka Judah kiba la leit sha ka jinglongmraw ha Babilonia. Ho-oid, ngan pynkheiñ ïa ka bor jong u syiem ka Babilonia. Ma nga, U Trai, nga la kren.”

JEREMAÏAH 4:10

Nangta nga la ong, “Ko Trai Nongsynshar, me la shukor la biang ïa ki briew jong ka Jerusalem! Me la ong ba kan don ka jingsuk, hynrei ka waitlam ka ha ki pdot jong ki.”

JEREMAÏAH 43:1

Nga la dep ïathuh ïa ki paidbah baroh kiei kiei kiba U Trai U Blei jong ki u la phah ïa nga ban ong ha ki.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

JEREMAÏAH 6:14

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

ESEKIEL 13:6

Ki jingïohipaw jong ki, ki long kiba bakla, bad ki jingïathuh lypa jong ki, ki long kiba lamler. Ki kam ba ki kren ïa ka khubor jong nga, hynrei ngam shym la phah ïa ki. Pynban ki khmih lynti ba ki ktien jong ki kin urlong shisha!

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

DEUTERONOMI 29:19

Pynthikna ba yn ym don hangne mynta ka sngi uba ïohsngew ïa ki ktien jong kane ka jutang, pynban uba pynngeit ïa lade ba kaei kaei kan ym jia ïa u wat la u ïaid mon da ka dohnud kaba mutlop. Ka jingmih na kata kan long ba phi baroh phin jot thiaw, kiba bha bad kiba sniew kumjuh.

1 ÏOANNIS 5:10

Kumta uno uno uba ngeit ha U Khun U Blei u don ïa kane ka jingphla ha ka dohnud jong u hi; hynrei uno uno u bymngeit ha U Blei, la pynlong ïa u, uba lamler, namar um shym la ngeit ïa kaei kaba U Blei u la ong shaphang U Khun jong u.

1 SAMUEL 6:9

Nangta peit kumno ka ïaid; lada ka leit sha la ka ri Beth Shemesh, ka mut ba dei U Blei ki Israel uba la pynngat ha ngi ïa kane ka jingjynjar kaba sngewshyrkhei. Hynrei lada kam long kumta, ngin sa tip ba ym dei ma u uba la phah ïa ka khlam; ka dei kaba shu wan jia ryngkhat.”