JEREMAÏAH 5:1 - Khasi CL Bible (BSI)

¹ Ko ki briew ka Jerusalem, to phet lyngba ki surok bah jong phi! To khmih sawdong! Peit hi da lade! To wad ïa ki jaka ïew! Hato phi lah ban shem uwei u briew uba leh ïa kaba dei bad uba pyrshang ban ïaineh ha U Blei? Lada phi lah, U Trai un map ïa ka Jerusalem.

KA BAIBL

¹ To phet kylleng ïa ki lynti shnong ka Jerusalem, bad to khmih mynta, bad to tip, to wad ruh ha ki jaka bakylluid jong ka, lada phi lah ban shem ïa u briew, lada don uno uno uba leh hok, uba wad ïa ka jingshisha; te ngan map ïa ka.

JEREMAÏAH 5:1 ပူးပေါင်းရင်းမြစ်များ

1 SYIEM 19:10

U jubab, “A Trai, U Blei Badonbor Baroh, nga la shakri ïa me borabor — tang ïa me hi. Hynrei ki paid Israel ki la pynkheiñ ïa ka jutang bad me, ki la pynpra ïa ki duwan jong me bad pynïap ïa baroh ki nongïathuhlypa jong me. Dei tang ma nga uba dang sah — bad ki la pyrshang ban pynïap ïa nga ruh!”

2 KHRONIKL 16:9

U Trai u khmih bha ïa ka pyrthei baroh kawei, ban ai ka jingkhlaiñ ïa kito kiba ki dohnud jong ki, ki ïaineh ha u. Me la leh bieit, bad kumta naduh mynta men don borabor ha ka jingïaleh thma.”

SALM 12:1

Ïarap ïa ngi, A Trai! Ym don shuh u briew uba bha uba dang sah; ym lah shuh ban shem ïa ki briew kiba hok.

SALM 14:2

U Trai u jngoh na bneng ïa u khunbynriew ban ïohi lada dang don mano mano bastad, bad ba mane ïa U.

SALM 14:3

Hynrei ki baroh ki la ïaid bakla, ki la ïalong lang kiba sniew. Ym don uwei ruh na ki uba leh ïa kaba dei, ym don uwei ruh.

SALM 94:16

Uei uba ïeng na ka bynta jong nga pyrshah ïa ki bymman? Uei uba don ha ka liang jong nga pyrshah ïa ki nongleh sniew?

PROBERB 20:6

Baroh ki kren shaphang katno u long uba kohnguh bad baïaineh, hynrei shu pyrshang ban wad ïa uno uno uba long kumta!

PROBERB 23:23

Ka jingshisha, ka jingstad, ka jingtip bad ka jingshemphang — kine ki long kiba kordor ba phin siew, hynrei kiba shongdor rem ïa phi ban die.

PROBERB 8:3

Ha ka jaka rung sha ka nongbah, harud ki khyrdop, ka pyrta:

JINGRWAI SOLOMON 3:2

Nga la leit sakma kylleng ka nongbah, lyngba ki lynti bah bad ki lynti khim jong ka. Nga la khmih ïa uta uba nga ieit, nga la khmih, hynrei ngam shem ïa u.

ISAÏAH 59:4

Phi kiew sha ka ïingbishar, hynrei phim shym ïoh ka jingbishar hok ha ka liang jong phi. Phi shaniah ha ki jinglamler ban jop ïa ka jingmudui jong phi. Phi pyndep ïa ki jingthmu jong phi ban pynmong ïa kiwei.

JEREMAÏAH 2:29

Kaei ka jingujor jong pha? Balei pha la ïeng ïaleh pyrshah ïa nga?

JEREMAÏAH 44:15

Nangta ki rangbah baroh kiba tip ba ki tnga jong ki, ki ai jingkñia ha kiwei pat ki blei, bad ki kynthei baroh kiba ïeng hangta, kaba kynthup ïa ki Israel kiba shong ha ki bynta bashathie ka Ijipt — u paidbah babun baroh — ki ong ha nga,

JEREMAÏAH 8:6

Nga la shahshkor biang biang, hynrei phim shym kren ïa ka jingshisha. Ym don mano mano na phi uba la sngewsih ïa la ka jinglong basniew; ym don mano mano na phi uba la kylli, ‘Nga la leh bakla aïu?’ Uwei uwei baroh u ïai ïaid ha la ka lynti, kum u kulai uba pynstet sha ka thma.

JEREMAÏAH 9:2

Nga thrang ban don ka jaka ban sah ha ka ri shyiap ha kaba nga lah ban lait na ki briew jong nga. Ma ki baroh ki long ki bymïaineh, ki paidbhur ki nongshetkylla.

JEREMAÏAH 9:7

Namar kane U Trai Badonbor Baroh u ong, “Ngan phrang ïa ki briew jong nga kum ïa ka nar bad buh ïa ki ha ka jingtynjuh. Ki briew jong nga ki la leh ïa kaba sniew — sa kaei pat kaba nga lah ban leh bad ki?

ESEKIEL 22:30

Nga wad ïa uno uno uba lah ban tei ïa ka kynroh, uba lah ban ïeng ha ki jaka ha kaba ki kynroh ki twa bad ban ïada ïa ka ri haba ka jingbitar jong nga ka la jan ban pynjot ïa ka, hynrei ngam shem ïano ïano ruh.

ESEKIEL 9:9

U Blei u la jubab, “Ki paid Israel bad Judah ki la rem na ki pop kiba shyrkhei. Ki la pynïap briew ha ka ri baroh kawei bad ki pyndap ïa ka Jerusalem da ki kam runar. Ki ong ba ma nga, U Trai, nga la iehnoh ïa ka ri jong ki bad ngam ïohi ïa ki.

DANIEL 12:4

U la ong ha nga, “Bad mynta, ko Daniel to khylliap noh ïa ka kitab bad shon muhor halor jong ka haduh ka jingkut jong ka pyrthei. Ha kajuh ka por, kiba bun ki briew kin pynlehnoh-ei ïa ki jingpyrshang jong ki ban sngewthuh ïa kaei kaba jia.”

JOEL 2:9

Ki rung stet sha ka nongbah; ki mareh nalor ki kynroh; ki kiew sha ki ïing bad ki rung lyngba ki jingkhangïit kum ki nongtuh.

AMOS 8:12

Ki briew kin ïaid sakma na ka Duriaw Baïap sha ka Mediterranian bad nangta shuh shuh na shatei shaduh mihngi. Kin ïakhmih kylleng kylleng ïa ka khubor na U Trai, hynrei kin ym shem ïa ka.

SEKHARAÏAH 2:4

Uba nyngkong u la kren ha uta uwei pat, “Khie mareh bad ong ha u samla uba don u ksai thew ba yn sa don bun byllien ki briew bad shibun bah ki jingri ha Jerusalem, ba kan long kaba heh katta katta ban don ki kynroh.

LOUKAS 14:21

“U shakri u la leit phai bad u la ïathuh ïa kane baroh ha u kynrad jong u. U kynrad u la bitar shla bad u la ong ha u shakri, ‘To leit kloi sha ki lynti bah bad ki lynti rit jong ka nongbah, bad wallam ïa kiba duk, kiba khrew, kiba matlah, bad kiba dkoh.’

2 THESSALONI 2:10

bad un pyndonkam ïa kawei pa kawei ka jingshukor bymman ha kito ki ban sa jot noh. Kin jot noh namar ba kim pdiang sngewbha bad ieit ïa ka jingshisha khnang ba kin ïoh im.