JEREMAÏAH 49:7 - Khasi CL Bible (BSI)

⁷ Kane ka dei kaei kaba U Trai Badonbor Baroh u ong shaphang ka Edom: “Hato ki briew ka Edom ki la duh noh ïa la ka jingbishar babha? Hato ki nongaibuit jong ki kim lah shuh ban ïathuh ïa ki kaei ba ki dei ban leh? Hato ka jingstad jong ki baroh ka la jah noh?

KA BAIBL

⁷ Shaphang u Edom. Kumne u ong U Trai ki paid: “Ka jingstad kam don shuh ha Teman? ka jingpyrkhat ka la duh noh na ki basian? ka jingstad jong ki ka la dam noh?

JEREMAÏAH 49:7 ပူးပေါင်းရင်းမြစ်များ

JENESIS 25:30

U la thngan bad u ong ha u Jakob, “Nga la thngan shaba palat, to ai khyndiat ba ngan dih ïa kato ka syrwa saw.” (Dei namar kata ba la khot ïa u, u Edom.)

JENESIS 27:41

U Iso u la isih ïa u Jakob, namar ba u kpa jong u, u la ai ha u Jakob ïa ka jingkyrkhu. U la pyrkhat, “Ka por ban ïambriew na ka bynta i pa jong nga ka la jan; te kumta ngan sa pynïap ïa u Jakob.”

JENESIS 32:3

U Jakob u la phah ïa ki nonglamktien ha shuwa jong u sha u Iso u hynmen jong u ha ri Edom.

JENESIS 36:15

Kine ki long ki jait kiba la hiarpateng na u Iso. U Eliphas, u khun nyngkong jong u Iso, u dei u kpa tymmen jong kine ki jait: ki Teman, ki Omar, ki Sepho, ki Kenas,

JENESIS 36:8

Kumta u Iso u la shong la sah noh ha ka ri lum Edom.

Ka Kitab U Job 2:11

Lai ngut na ki paralok u Job ki long u Eliphas na ka nongbah Teman, u Bildad na ka ri Shuah, bad u Sophar na ka ri Naamah. Ynda ki la ïohsngew katno ba u Job u shah jynjar, ki ïakut ban leit bad pyntngen ïa u.

Ka Kitab U Job 4:1

Ko Job, hato men sngewmong lada nga kren? Ngam lah shuh ban shu sngap jar.

SALM 137:7

To kynmaw, A Trai, kaei kaba ki Edom ki la leh ha ka sngi ba kurup ïa ka Jerusalem. To kynmaw kumno ki ïai-ong, “To pynjot thiaw ïa ka!”

ISAÏAH 21:11

Kane ka dei ka khubor shaphang ka Edom. Don uwei uba pyrta ïa nga na Edom, “Ko nongap phira, shen sa katno ba ka miet kan kut? Ïathuh ïa nga sa katno shen kan kut noh.”

ISAÏAH 29:14

Kumta ngan sa pynkyndit ïa ki da kawei hadien kawei pat ka jingtied kaba kim poi pyrkhat. Kito kiba stad kin kylla long ki bieit, bad baroh ka jingsian jong ki kan long lehnoh-ei.”

JEREMAÏAH 12:14

U Trai u ong, “Nga don ei ei ban ong shaphang ki paramarjan jong ka Israel kiba la pynjot ïa ka ri kaba nga la ai ha ki briew jong nga ki Israel. Ngan shim noh ïa kito ki briew bymman na ki ri jong ki kum ïa u jingthung ba la rat, bad ngan pyllait im ïa ka Judah na ki.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 49:20

Kumta to shahshkor ïa ka jingthmu kaba nga don pyrshah ïa ki briew ka Edom, bad ïa kaei kaba nga thmu ban leh ïa ki briew jong ka nongbah Teman. Wat ïa ki khynnah yn paring ïa ki, bad uwei pa uwei un sngewtriem.

JEREMAÏAH 8:9

Ïa ki rangbah bastad jong phi la buh ha ka jinglehrain; ki la shaïong bad shah riam. Ki la kyntait ïa ki ktien jong nga; ka jingstad kaba kumno ki la ïoh mynta?

SNGEWSYNEI 4:21

To ïai rkhie, ko ki briew ka Edom bad ka Us; to kmen katba phi dang lah. Ka jingpynjot ïa phi ruh ka wan; ma phi ruh phin ïaid sheng sheng lyngkhuit ha ka jinglehrain.

ESEKIEL 32:29

“Ka Edom ka don hangta lem bad ki syiem bad ki nongsynshar jong ka. Ki la long ki shipai kiba khlaiñbor, hynrei mynta ki thiah ha ka pyrthei kiba ïap lem bad kiba khlem otsher kiba la shah pynïap ha ka thma.

DANIEL 11:41

Un hiarthma wat ïa ka Ri ka Jingkular bad un pynïap da ki phew hajar, hynrei ki ri Edom, Moab, bad kaei kaba la iehnoh jong ka Ammon kin lait.

JOEL 3:19

“Ka Ijipt kan kylla long ka ri shyiap, bad ka Edom kan long ha ka jingjot lehnoh-ei, namar ki la tur ïaleh ïa ka ri Judah bad pynïap ïa ki briew balui lui jong ka.

HABAKKUK 3:3

U Blei u wan biang na Edom; U Blei bakhuid u wan na ki lumrit ka Paran. Ka burom jong u ka dap ïa ki bneng, bad ka pyrthei ka dap da ka jingïaroh ïa u.

DEUTERONOMI 23:7

“Wat ibeiñ ïa ki Edom; ki long hi ki para jong phi. Bad wat ibeiñ ïa ki Ijipt; phi la shong shipor ha ka ri jong ki.