JEREMAÏAH 49:5 - Khasi CL Bible (BSI)

⁵ Ngan wallam ïa ka jingma ha phi na ki liang baroh. Baroh phin phet krad. Uwei pa uwei un phet ïap namar la ka jingim, bad yn ym don shuh mano mano ban wallam lang sa shisien ïa ki shipai.

KA BAIBL

⁵ Ha khmih, ngan pynwan ïa ka jingsheptieng halor jong pha,” ong U Trai, U Trai ki paid, “na kita baroh kiba baroh sawdong ïa pha; bad yn beh noh soit ïa phi uwei uwei baroh, bad yn ym don shuh u ban lum ïa uta uba sakma.

JEREMAÏAH 49:5 ပူးပေါင်းရင်းမြစ်များ

2 SYIEM 19:7

U Trai un pynjia ïa u nongsynshar ban ïohsngew ïa ka hamsaïa ka ban pynlong ïa u ban leit phai pat sha la ka ri, bad U Trai un pynjia ba yn pynïap ïa u hangta.”

Ka Kitab U Job 15:21

Ki jingsawa ba-sngewtriem kin pah ha ki shkor jong ki, bad ki nonglute kin wan kurup ïa ki haba ki dang pyrkhat ba ki shngain.

PROBERB 28:1

Ki bymman ki phet ha bym don ba beh ïa ki, hynrei u briew uba hok u shlur kum u sing.

ISAÏAH 16:3

Ki ong ha ki briew jong ka Judah, “Ong ïa ngi kaei ba ngin leh. To ïada ïa ngi kum u dieng uba shat syrngiew tngen ha ka jingshit jong ka shiteng sngi, bad shah ïa ngi ban pynjahthait ha ka jingda jong me. Ngi long ki phetwir; to buhrieh ïa ngi ha ka jaka ha kaba ym don mano mano ban shem ïa ngi.

JEREMAÏAH 15:8

La don kham bun ki riewkynthei ha ka ri jong phi ban ïa ki symboh shyiap harud ka duriaw. Nga la pynïap ïa ki rangsamla jong phi ha ka rta kaba dang khie bha bad pynlong ïa ki kmie jong ki ban shahshitom. Nga lynshop kynsan ïa ki da ka jingkhuslai bad ka jingtriem.

JEREMAÏAH 16:16

U Trai u ong, “Nga phah khot ïa shibun ki nongtong dohkha ban wan bad kem ïa kine ki briew. Nangta ngan phah khot ïa shibun ki nongbeh mrad ban thwet pynïap ïa ki halor uwei pa uwei u lumbah bad u lumrit bad hapoh ki krem hapdeng ki mawsiang.

JEREMAÏAH 20:4

U Trai da lade hi u la ong, ‘Ngan pynlong ïa me ka jingshyrkhei ïa me hi bad ïa ki paralok jong me, bad men ïohi ïa ki baroh ba ki shah pynïap da ki waitlam jong ki nongshun jong ki. Ngan buh ïa baroh ki briew jong ka Judah hapoh ka bor jong u syiem ka Babilonia; un shim katto katne ngut kum ki koidi sha ka ri jong u bad pynïap ïa kiwei pat.

JEREMAÏAH 46:5

“Hynrei kaei ba nga ïohi?” U Trai u kylli. “Ki phai dien ha ka jingsheptieng. Ki shipai jong ki, ki shah beh noh; kiba dap da ka jingsheptieng, ki mareh stet kat lah kat ïai bad kim kyrtiang dien.

JEREMAÏAH 49:29

Knieh ïa ki ïingjaiñ bad ïa ki jingri jong ki, ïa ki pyrda jong ka ïingjaiñ bad baroh kiei kiei kiba don ha ki ïingjaiñ jong ki. Shim ïa ki ut jong ki bad ong ïa ki briew, ‘Ka jingma ka don baroh sawdong jong phi.’

JEREMAÏAH 6:25

Ngim nud ban leit sha ki rudnong lane ïaid ha ki surok, namar ki nongshun jong ngi ki la kieng atiar bad ka jingshyrkhei ka don ha baroh sawdong jong ngi.”

SNGEWSYNEI 4:15

“Khie leit noh!” ki briew ki pyrta. “Phi la long kiba tngit! Wat ktah ïa nga!” Kumta ki la sakma na kawei ka ri sha kawei pat, khlem don mano mano ba pdiang sngewbha.

AMOS 4:3

Phin sa shah ring sha ka jaka bapei ha ka kynroh ba hajan tam, bad yn sa bret ïa phi shabar.”

JOSHUA 2:9

bad ka ong ha ki, “Nga tip ba U Trai u la ai ha phi ïa kane ka ri. Uwei pa uwei ha ka ri u la dap da ka jingsheptieng ïa phi.