JEREMAÏAH 49:31 - Khasi CL Bible (BSI)

³¹ ‘To wan, ngin leit tur ïaleh ïa kito ki briew kiba sngewshngain bad sngewskhem! Ka nongbah jong ki, kam don ki khyrdop ne ki tala bad kam don jingïada ei ei.’

KA BAIBL

³¹ “To ïeng, khie leit kiew sha ka jaid bynriew kaba suk, kaba shong khlem sumar,” ong U Trai; “ka bym ju don ki khyrdop lymne dieng khang, kaba shong marwei.

JEREMAÏAH 49:31 ပူးပေါင်းရင်းမြစ်များ

SALM 123:4

La slem ngi la shah rkhiebeiñ ha kiba riewspah, la ibeiñ da ki nongbanbeiñ kiba sarong.

SALM 73:12

Kata ka long kaei kaba ki bymman ki long. Ki don kyrhai bad ki nang ïai ïoh shuh shuh.

ISAÏAH 32:11

Phi la ju im suk, phim don ki jingkhuslai; hynrei mynta, to khynñiuh da ka jingsheptieng! To loit ïa la ki jaiñ bad teh da ki jaiñjot sawdong ïa la ka syngkai.

ISAÏAH 32:9

Ko phi ki kynthei kiba im suk, ki bym don ki jingkhuslai, to shahshkor ïa kaei kaba nga ong.

ISAÏAH 42:11

Ai ba ka ri shyiap bad ki shnong jong ka kin ïaroh ïa U Blei; ai ba ki briew jong ka Kedar kin ïaroh ïa U! Ai ba kito kiba shong ha ka nongbah Sela kin risa da ka jingkmen na ki kliar jong ki lumbah!

ISAÏAH 47:8

“To sngap ïa kane, pha kaba ieit ïa ka jinglehsngewbha, pha kaba pyrkhat ba pha shongshngain bad sngewskhem. Pha kam ba pha long kaba khraw kum U Blei — ba ym don mano mano pat kum ma pha. Pha pyrkhat ba da lei lei phan ym long ka riewkynthei lane mad ïa ka jingduh noh ïa la ki khun.

JEREMAÏAH 48:11

U Trai u ong, “Ka Moab ka la ju long kaba shongshngain bad ym pat ju ïalam mraw ïa ka. Ka Moab ka long kum ka waiñ kaba la shu ieh kumta khlem pynkhih bad ka bym ju phylliew na uwei u klong sha uwei pat. Ïa ka jingsuhsieng jong ka ym pat shu pynsniew, bad ka jingmad jong ka, ka long kaba bang kumba ju long.

ESEKIEL 30:9

“Haba kata ka sngi ka wan bad ïa ka Ijipt la pynjot, ngan phah ïa ki nonglamktien ha ki liengbah ban pynkhih ïa ki briew ki bym poi pyrkhat jong ka Sudan, bad kin sngewtriem. Kata ka sngi ka la jan wan!”

ESEKIEL 38:11

Men sa rai ban leit hiarthma ïa ka ri ka bym don jingïarap ha kaba ki briew ki ïashongsuk shongshngain ha ki shnong kiba khlem ker kynroh bad ki bym don jingker.

ESEKIEL 39:6

Ngan sdang ïa ka ding ha ka ri u Magog bad ha baroh shi lynter ki rud duriaw; ha kaba ki briew ki shong khlem jingpynwit bad uwei pa uwei un tip ba nga long U Trai.

MIKAH 7:14

To long u nongaplangbrot ïa la ki briew, A Trai, ki briew kiba me la jied. Wat la ki shong saphred ha ka ri khlaw, ka don ka jaka baseisoh sawdong jong ki. To ai ba kin leit bad bam na ki jaka phlang bajyrngam jong ka Bashan bad ka Gilead, kumba ki la leh mynshuwa la slem bah.

NAHUM 1:12

Kane ka long kaei kaba U Trai u ong ha ki briew jong u ki Israel: “Wat la ki nong Assyria ki khlaiñ bad ki kham bun paid, ïa ki yn pynjot thiaw bad kin jah noh. Ko ki briew jong nga, nga la pynlong ïa phi ban shahshitom, hynrei ngan ym leh shuh ïa ka.

SEPHANAÏAH 2:15

Kata ka long kaei ka ban jia ïa ka nongbah kaba sarong katta katta ïa la ka bor bad kaba pyrkhat ba ka don ha ka jingshngain. Ki briew jong ka ki pyrkhat ba ka nongbah jong ki ka long kaba khraw tam ha ka pyrthei. Katno kan long ka jaka kaba kynjah, ka jaka ha kaba ki mradkhlaw kin pynjahthait! Uwei uwei baroh uba ïaid lyngba jong ka un kynran dien ha ka jingsheptieng.

JINGKHEIÑ 23:9

Na kliar ki mawsiang bakynjang nga lah ban ïohi ïa ki, nga lah ban khmih ïa ki nalor ki lumrit. Ki dei ka jaitbynriew kaba im kyrpang; ki tip ba ki long kiba la kyrkhu kyrpang ïa ki hapdeng kiwei pat ki jaitbynriew.

DEUTERONOMI 33:28

Kumta ki khun ki ksiew u Jakob ki shongsuk shongsaiñ, khlem jingkhuslai ha ka ri kaba dap da u kew bad da ka waiñ, ha kaba ka umjer na suiñbneng ka ai um ïa ka khyndew.