JEREMAÏAH 49:3 - Khasi CL Bible (BSI)

³ Ki briew ka Heshbon, ki kyang! Ïa ka Ai la pynjot! Ki kynthei ka Rabbah, ki leit ïam sngewsih! Ki phong ïa ki jaiñ khain bad ïam pangnud. Ki mareh lamwir. Ïa u Molekh u blei jong phi yn ïalam mraw, lem bad ki lyngdoh bad ki khun syiem.

KA BAIBL

³ “To lynñiar, ko Heshbon, naba ïa ka Ai la lute; to ïam, phi ki khun kynthei ka Rabbah, to panpoh ïa lade da ka jaiñ byrni: to ïam sngewsih, bad to phet shane shatai hapdeng ki jingker; naba u Milkom un leit shong mraw, ki lyngdoh jong u bad ki rangbah jong u lang.

JEREMAÏAH 49:3 ပူးပေါင်းရင်းမြစ်များ

2 SAMUEL 11:1

Ha ka pyrem kaba bud, ha ka por jong ka snem haba ki syiem ki ju leit sha ka thma, u Dabid u la phah ïa u Joab lem bad ki rangbah pynïaidkam jong u bad ka kynhun shipai Israel; ki la jop ïa ki Ammon bad ki la kerkut ïa ka nongbah Rabbah. Hynrei u Dabid hi u la sah ha Jerusalem.

1 SYIEM 11:33

Ngan leh ïa kane namar u Solomon u la kyntait ïa nga bad u la mane ïa ki blei nongwei: ka Astarte, ka blei ki Sidon; u Khemosh, u blei ki Moab; bad u Molekh, u blei ki Ammon. U Solomon u la lyndet ïa nga; u la leh palat, bad um shym la sumar ïa ki aiñ bad ki hukum jong nga kumba u Dabid u kpa jong u, u la leh.

1 SYIEM 11:5

U mane ïa ka Astarte ka blei ki Sidon, bad ïa u Molekh u blei ba-ijli jong ki Ammon.

2 SYIEM 23:13

U Josaïah u la ñiewsang ïa ki duwan ba u syiem Solomon u la tei shaphang mihngi ka Jerusalem, shaphang shathie jong u Lum ki Olib, na ka bynta ban mane ïa ki bleithaw ba-ijli ― ka Astarte ka blei ki Sidon, u Khemosh u blei ki Moab bad u Molekh u blei ki Ammon.

ISAÏAH 13:6

To ud ha ka jingpang! Ka sngi ka jong U Trai ka la hajan, ka sngi ha kaba U Badonbor Baroh u wallam ka jingpynjot.

ISAÏAH 14:31

To ud bad to kyang ban ïoh jingïarap, phi baroh ki nongbah ka Philistia! To sngewshyrkhei, phi baroh! U lyoh pui pui u wan na ka phang bashatei — u long ka kynhun shipai bym don ki khawpud hapoh ka kyrdan jong ka.

ISAÏAH 15:2

Ki briew jong ka Dibon ki kiew ïa u lum ban ïam ha ka jaka mane blei. Ki briew jong ka Moab ki la ïam ha ka jingsngewsih ïa ki nongbah jong ka Nebo bad Medeba; ki la khi ïa la ki khlieh bad ïa u 'ñiuhtmoh ha ka jingsngewsih.

ISAÏAH 16:7

Ki briew jong ka Moab kin lynñiar namar ki jingjynjar ba ki shah. Baroh kin ïam haba ki kynmaw ïa ka jingbam babha kaba ki ju bam ha ka nongbah jong ka Kir Heres. Yn beh ïa ki baroh sha ka jingduh jingkyrmen.

ISAÏAH 23:1

Kane ka dei ka khubor ïa ka Tyros. To lynñiar da ka jingsngewsih, phi ki maji ha ki duriaw-bah! Ïa ka kadlieng ha ka shnong jong phi, ka Tyros, la pynjot; ki ïing bad ka kadlieng jong ka ki don ha ka jingjot. Kumba ki liengbah jong phi ki wan phai na Sypros, phi tip ïa ka khubor.

ISAÏAH 23:6

To lynñiar da ka jingsngewsih, phi ki briew ka Phoenisia! Pyrshang ban phet ïap sha Spain!

JEREMAÏAH 4:8

Kumta to kup ka jaiñ khain, bad to ïam bad ud sngewsih namar ka jingbitar shla jong U Trai kam shym la phai noh na ka Judah.

JEREMAÏAH 46:25

U Trai Badonbor Baroh, U Blei ki Israel, u ong, “Ngan pynshitom ïa u Amon, u blei jong ki Thebes, ryngkat lang bad ka Ijipt bad ki blei bad ki syiem jong ka. Ngan shim noh ïa u syiem ka Ijipt bad ïa baroh kiba buh ïa ka jingshaniah ha u,

JEREMAÏAH 48:2

Ki nongshun ki la knieh ïa ka Heshbon bad ki ïasylla ban pynjot ïa ka hima ki Moab. Ïa ka shnong Madmen yn pynsngap jar; ki shipai kin tur pyrshah ïa ka.

JEREMAÏAH 48:20

‘Ka Moab ka la kyllon,’ kin jubab, ‘ïam na ka bynta jong ka; la pynjahburom ïa ka. Pynbna ha lynter ka wah Arnon ba ïa ka Moab la pynjot!’

JEREMAÏAH 48:37

Baroh na ki, ki la khi ïa la ki khlieh bad ki la khapnoh ïa la ki 'ñiuhtmoh. Baroh ki la pynmong ïa la ki kti, bad uwei pa uwei u phong ïa ki jaiñ khain.

JEREMAÏAH 48:7

“Ko Moab, pha shaniah ha la ka jingkhlaiñ bad ha la ka spah, hynrei mynta wat ïa pha ruh yn jop noh; ïa u blei Khemosh jong pha yn ringmraw, lem bad ki khun syiem bad ki lyngdoh.

JEREMAÏAH 49:1

Kane ka dei kaei kaba U Trai u ong shaphang ka Ammon: “Shano ki rangbah ka Israel? Hato ym don mano mano ban ïada ïa la ka ri? Balei ba ki shah ïa ki briew kiba mane ïa u Molekh kin shim ïa ki jaka jong ka jait Gad bad shongduh hangta?

JEREMAÏAH 51:8

Ka Babilonia kynsan kynsan ka kyllon bad la pynjot noh! To ïam namar jong ka! Pynïoh dawai na ka bynta ki jingmong jong ka, bad lehse yn lah ban pynkhiah.

JEREMAÏAH 6:26

U Trai u ong ha ki briew jong u, “To kup jaiñ khain bad to tyllun ha u dpei. To ïam sngewsih lem bad ki ummat kthang kumba phin ïam ïa u khun marwei, namar uta uba wan ban pynjot ïa phi un tur ïaleh kynsan.

AMOS 1:15

U syiem jong ki bad ki rangbah pynïaidkam jong u, kin shah ringmraw.”

SEPHANAÏAH 1:5

Ngan pynjot ïa uno uno uba leit kiew sha tnum ïing bad mane ïa ka sngi, u bnai, bad ïa ki khlur. Nga pynjot ruh ïa kito kiba mane ïa nga bad kiba smai ban ïaineh ha nga, hynrei pynban ki shim smai ha ka kyrteng jong u blei Molekh.

JAKOB 5:1

Bad mynta, phi ki briew kiba riewspah, to shahshkor ïa nga! to ïam bad to lynñiar ïa ki jinglanot ki ban wan hap ha phi!

JOSHUA 7:2

U Joshua u phah katto katne ngut ki rangbah na Jerikho sha Ai, ka nongbah sha ka phang mihngi na Bethel, hajan ka Bethaben, lem bad ki hukum ïa ki bad swar ïa ka jaka. Haba ki la dep leh kumta,

JOSHUA 8:1

U Trai u ong ha u Joshua, “Ïalam lang bad me ïa ki shipai baroh bad leit kiew sha Ai. Wat sheptieng lane khaw-eit. Ngan ai ha me ka jingjop ïa u syiem ka Ai; ki briew jong u, ka nongbah jong u, bad ka ri kan long ka jong me.

JOSHUA 8:28

U Joshua u la thang ïa ka Ai bad u iehnoh ïa ka ha ka jingjot. Ka dang sah kumta mynta.