JEREMAÏAH 49:29 - Khasi CL Bible (BSI)

²⁹ Knieh ïa ki ïingjaiñ bad ïa ki jingri jong ki, ïa ki pyrda jong ka ïingjaiñ bad baroh kiei kiei kiba don ha ki ïingjaiñ jong ki. Shim ïa ki ut jong ki bad ong ïa ki briew, ‘Ka jingma ka don baroh sawdong jong phi.’

KA BAIBL

²⁹ Ïa ki ïingjaiñ jong ki bad ki kynhun jong ki kin knieh; kin rong noh ha lade ïa ki pyrda jong ki, bad ïa ki khiew ki pliang jong ki baroh, bad ïa ki ut jong ki: bad kin pyrta ha ki, ‘Ka jingsngewshyrkhei baroh sawdong.’

JEREMAÏAH 49:29 ပူးပေါင်းရင်းမြစ်များ

JENESIS 37:25

Katba ki dang ïabam, kynsan ki la ïohi shi kynhun ki nong Ishmael kiba wan ïaid lynti na Gilead sha Ijipt. Ïa ki ut jong ki la pynkit ïa ki musli musla bad ki jingiwbih.

Ka Kitab U Job 1:3

U don ruh shibun ngut ki shakri bad u la long u briew bariewspah tam ha ka ri Mihngi.

SALM 120:5

Ban shong hapdeng jong phi ka sniew hi kum kaba shong ha Meshekh lane hapdeng ki briew jong ka Kedar.

SALM 31:13

Nga ïohsngew shibun ki nongshun ki ïa-pasiaw; ka jingma ka long ha baroh sawdong ïa nga. Ki ïathaw ki lad pyrshah ïa nga, ki ïasuhbuit ban pynïap ïa nga.

ISAÏAH 13:20

Yn ym don mano mano ban shong pat ha ka da lei lei. Ym don u nong Arab uba ïaid sakma u ban pynïeng ka ïingjaiñ hangta bad ym don uno uno u nongaplangbrot u ban ïalam pynbamphlang ïa ka kynhun langbrot hangta.

ISAÏAH 60:7

Ïa baroh ki kynhun langbrot jong ka Kedar bad Nebaïoth yn wallam sha pha kum ka jingkñia bad ainguh ha ka duwan ban pynsngewbha ïa U Trai. U Trai un pyndonburom ïa ka templ jong u ban ïa kaba ka ju long.

JEREMAÏAH 10:20

La pynjot ïa ki ïingjaiñ jong ngi; ïa ki tyllai ba pynskhem ïa ki la pyndkut. Ki khun jong ngi ki la leit noh baroh; ym don shuh mano mano ba dang sah ban pynïeng pat ïa ki ïingjaiñ jong ngi; ym don shuh mano mano ban wah ïa ki pyrda jong ki.”

JEREMAÏAH 4:20

Kawei ka jingjot ka bud hadien kawei pat, ïa ka ri baroh kawei la iehnoh ha ka jingjot. Kynsan kynsan la pynjot ïa ki ïingjaiñ jong ngi, ïa ki pyrda jong ki la tar lyngkhot.

JEREMAÏAH 46:5

“Hynrei kaei ba nga ïohi?” U Trai u kylli. “Ki phai dien ha ka jingsheptieng. Ki shipai jong ki, ki shah beh noh; kiba dap da ka jingsheptieng, ki mareh stet kat lah kat ïai bad kim kyrtiang dien.

JEREMAÏAH 49:24

Ki briew jong ka Damaskos ki long kiba tlot bad ki la phet ha ka jingsheptieng. Ki don ha ka jingud bad jingjynjar kum ka briew kaba suh kha.

JEREMAÏAH 49:5

Ngan wallam ïa ka jingma ha phi na ki liang baroh. Baroh phin phet krad. Uwei pa uwei un phet ïap namar la ka jingim, bad yn ym don shuh mano mano ban wallam lang sa shisien ïa ki shipai.

JEREMAÏAH 6:25

Ngim nud ban leit sha ki rudnong lane ïaid ha ki surok, namar ki nongshun jong ngi ki la kieng atiar bad ka jingshyrkhei ka don ha baroh sawdong jong ngi.”

HABAKKUK 3:7

Nga la ïohi ïa ki briew ka Kushan ba ki sheptieng bad ki briew ka Midian ki khynñiuh.

2 KORINTH 4:8

La pynjynjar ïa ngi bunsien, hynrei ym shym la pynlwet noh; teng teng hapdeng ka jingartatien, hynrei da lei lei ym ha ka jingduh jingkyrmen; don bun ki nongshun, hynrei ngim ju duh paralok; bad wat la ngi jur ka jingmong hateng hateng, ym shym la pynjot noh ïa ngi.

2 KORINTH 7:5

Wat hadien ba ngi la poi ha Makedonia, ngim shym la ïoh shongthait. Ki la don ki jingjynjar ha kylleng sawdong, ki jingïakajia bad kiwei pat, ki jingsheptieng ha ki dohnud jong ngi.

NONGBISHAR 6:5

Ki wan lem bad la ki jingri bad ki dara kumba rben ki kynhun puit. Ma ki lem bad ki ut jong ki, ki bun haduh katta katta ba ym lah ñiew shuh ïa ki. Ki wan bad pynjot thiaw ïa ka ri,

NONGBISHAR 7:12

Ki Midian, ki Amalek, bad ki jaitbynriew ka ri shyiap ki la saphriang ha ka them kum ka kynhun ki puit, bad ki la don bun bah ki ut kat ki symboh shyiap ka rud duriaw.

NONGBISHAR 8:21

Nangta u Sebah bad u Salmunna ki ong ha u Gideon, “Shim, pynïap hi ma phi ïa ngi. Ka dei ïa u rangbah ban leh ïa ka kam rangbah.” Kumta u Gideon u la pynïap ïa ki bad u shim ïa ki jingdeng kiba ha ki ryndang jong ki ut jong ki.

NONGBISHAR 8:26

Ki sohshkor ksiar ba u Gideon u ïohpdiang ki khia la jan arphew kilo, bad kane kam shym kynthup ïa ki jingdeng, ki kpieng bad ki jaiñ sawbthuh ba ki syiem Midian ki kup, lymne ki jingdeng kiba don sawdong ki ryndang jong ki ut jong ki.