JEREMAÏAH 49:23 - Khasi CL Bible (BSI)

²³ Kane ka dei kaei kaba U Trai u ong shaphang ka Damaskos: “Ki briew ha ki nongbah jong ka Hamath bad ka Arpad ki khuslai bad ki sngew jynjar namar ki la ïohsngew ïa ki khubor basniew. Ka jinglyng-a ka tyllun halor jong ki kum ka duriaw, bad kim ïoh jahthait.

KA BAIBL

²³ Shaphang ka Damaskos. “Ka Hamath ka la lehrain, bad ka Arpad; naba ki la ïohsngew ki jingbna basniew, ki la um noh: ka don ka jingsngewsih ha ka duriaw; kam lah ban shongthait.

JEREMAÏAH 49:23 ပူးပေါင်းရင်းမြစ်များ

JENESIS 14:15

Hangta u pynbynta kynhun kynhun ïa la ki briew, u tur pyrshah ïa ki nongshun mynmiet, bad u jop ïa ki. U beh ruh ïa ki haduh Hobah, kaba shaphang shatei jong ka Damaskos, bad u la ïoh pat ruh ïa kat kaba ki la lute.

JENESIS 15:2

Hynrei u Abram u ong, “Ko Trai Nongsynshar, kan myntoi aïu ka bainong jong me ïa nga haba ngam don khun? U nongïoh pateng jong nga u dei tang u Eliesar uba na Damaskos.

2 SAMUEL 17:10

Nangta wat ki rangbah kiba shlur tam, ki bym ju tieng kum ki sing, kin sheptieng namar uwei pa uwei ha Israel u tip ba u kpa jong phi u dei u shipai bakhraw bad ba ki rangbah jong u ki dei ki nongïaleh kiba satar.

2 SAMUEL 8:9

U Toi u syiem Hamath u ïohsngew ba u Dabid u la jop ïa baroh ka kynhun ïapom jong u Hadadeser.

1 SYIEM 11:24

(Kane ka jia hadien ba u Dabid u la jop ïa u Hadadeser bad u la pynïap ïa ki paralok jong u na Syria.) U Reson bad ki rangbah jong u ki leit bad sah ha Damaskos, ha kaba ki rangbah jong u ki pynlong ïa u, u syiem ka Syria.

2 SYIEM 17:24

U patsha ka Assyria u wallam ïa ki briew na ki nongbah Babilon, Kuth, Ibbah, Hamath, bad Sepharbaim, bad pynshongduh ïa ki ha ki nongbah ka Samaria, ha ka jaka jong ki Israel ba la shah ringmraw. Ki shimti ha lade ïa kine ki nongbah bad ki sah hangta.

2 SYIEM 18:34

Shano ki don mynta, ki blei jong ka Hamath bad ka Arpad? Shano ki blei jong ka Sepharbaim, ka Hena, bad ka Ibbah? Hato don na ki kiba la pyllait im ïa ka Samaria?

2 SYIEM 19:13

Shano ki syiem jong ki nongbah Hamath, Arpad, Sepharbaim, Hena, bad Ibbah?”

2 SYIEM 5:12

Nalor kata, hato ki wah Abana bad Pharpar kiba ha Damaskos kim kham bha ban ïa kano kano ka wah ha Israel? nga lah ban sum ha ki bad ban ïohkhiah!”

2 KHRONIKL 16:2

Kumta u Asa u shim rupa bad ksiar na ka jingkynshew jong ka Templ bad ka ïingsyiem bad phah sha Damaskos, sha u Benhadad u syiem Syria, ryngkat bad kane ka khubor:

EKSODOS 15:15

Ki nongïalam jong ka Edom ki la sngewshyrkhei; ki rangbah bakhlaiñbor jong ka Moab ki sngewkyiuh; ki briew ka Kanaan ki duh noh ïa ka jingshlur jong ki.

ISAÏAH 10:9

Nga la hiarthma ïa ki nongbah jong ka Kalno bad Karkhemish, ki nongbah jong u Hamath bad u Arpad. Nga la hiarthma ïa ka Samaria bad ïa ka Damaskos.

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 13:7

Ki kti jong uwei pa uwei kin noh kyrwep, bad ka jingshlur jong uwei pa uwei kam lah kyrda.

ISAÏAH 36:19

Hangno ki don mynta, ki blei jong ka Hamath bad ka Arpad? Hangno don ki blei jong ka Sepharbaim? Hato don uno uno uba pyllait ïa ka Samaria?

ISAÏAH 37:13

Hangno don na ki syiem jong ki nongbah ka Hamath, Arpad, Sepharbaim, Hena bad Ibbah?”

ISAÏAH 57:20

Hynrei ki riewbymman ki long kum ka duriaw kaba khih phaloh, kiba ki jingat phyllung jong ka kim ju sangeh, ki wanrah ïa ka jakhlia bad ka ktieh.

ISAÏAH 7:8

Balei? Namar ba ka Syria kam long kaba kham khlaiñ ban ïa ka Damaskos, ka nongbah jong ka, bad ka Damaskos kam long kaba kham khlaiñ ban ïa u Syiem Resin. Katba ïa ka Israel, hapoh ki hynriewphew san snem yn sa pynkhynñiuh ïa ka ruh ban lait im kum ka jaitbynriew.

JEREMAÏAH 39:5

Hynrei ka kynhun shipai Babilonia ka la beh nadien jong ki bad kem ïa u Sedekaïah ha ki pyntha hajan ka Jerikho. Te ki la leit ïalam ïa u sha u syiem Nebukhadnessar, uba don ha ka nongbah Riblah ha ka ri Hamath, bad hangta u Nebukhadnessar u la ai ïa ka jingrai halor jong u.

ESEKIEL 27:18

Ki briew ka Damaskos ki la thied ïa ki mar khaïi bad ïa ki jingmih jong pha, da kaba siewdor da ka waiñ na Helbon bad u 'saiwul na Sahar. Ki ïakylliang da ki nar ba la shoh stang bad ki musli musla na ka bynta ki mar jong pha.

AMOS 6:2

Khie leit bad khmih ïa ka nongbah Kalneh. Nangta ïai leit sha ka nongbah bakhraw ka Hamath bad leit hiar sha Gath, ka nongbah ki Philistia. Hato ki kham bha ma ki ban ïa ki hima jong ka Judah bad Israel? Hato ka ri jong ki ka kham heh ban ïa ka jong phi?

NAHUM 2:10

Ïa ka Ninebeh la pynjot, la iehnoh, kaba kynjah! Ki dohnud ki um da ka jingsheptieng; ki khohsiew ki khynñiuh, ka jingkhlaiñ ka la jah noh; ki durkhmat ki la kylla lieh blaid blaid.

JINGKHEIÑ 13:21

Kumta kita ki rangbah ki leit shaphang shatei bad ki la swar ïa kata ka ri naduh ri khlaw Sin kaba shaphang shathie haduh Rehob, hajan ka lynti khim Hamath ha ka phang bashatei.

KI KAM 27:20

Bun sngi ngim shym lah ban ïohi ïa ka sngi lane ïa ki khlur, bad ka lyer ka la nang beh jur. Ha kaba khatduh ngi la duh jingkyrmen ïa ka ban lait im.

KI KAM 9:2

U la leit sha u Rangbah Lyngdoh, bad u la pan ïa ki shithi pynithuh sha ki synagog kiba ha Damaskos, khnang ba lada un lap ïano ïano hangta kiba bud ïa ka Lynti jong U Trai, un lah ban kem ïa ki, shynrang bad kynthei bad wallam pat ïa ki sha Jerusalem.

2 KORINTH 11:32

Haba nga la don ha Damaskos, u lyngskor hapoh u syiem Aretas u la pynap phira ïa ki khyrdop ka nongbah ban kem ïa nga.

DEUTERONOMI 20:8

“Kita ki rangbah synshar kin ong ruh ha uta u paidïapom, ‘Don mo hangne uba sheptieng bad uba rit mynsiem? Lada don, ai un leit phai sha la ïing, ïoh ba u pynsyier mynsiem ïa kiwei pat.’

JOSHUA 14:8

Ki rangbah kiba ïaleit ryngkat bad nga, pynban, ki pynsheptieng ïa ki briew jong ngi. Hynrei nga, nga la kohnguh hok ïa U Trai U Blei jong nga.

JOSHUA 2:11

Ngi tang shu ïohsngew shaphang kata, ngi la sheptieng; ngi la duh ïa ka jingshlur jong ngi baroh namar jong phi. U Trai U Blei jong phi u long U Blei ha bneng shajrong bad hangne ha ka pyrthei.