JEREMAÏAH 49:22 - Khasi CL Bible (BSI)

²² U nongshun un tur ïaleh ïa ka Bosrah kum u pukni uba suh wia sha tbian lem bad ki thapniang ba-pyiar. Ha kata ka sngi ki shipai Edom kin sheptieng kum ka briew kaba suh kha.”

KA BAIBL

²² Ha khmih, un wan kiew bad un her kum ka pukni, bad un pynpyiar ïa la ki thapniang pyrshah ïa ka Bosrah: bad ka dohnud ki riewkhlaiñ ka Edom ha kata ka sngi, kan long kum ka dohnud ka kynthei ha ka jingsuh khun jong ka.”

JEREMAÏAH 49:22 ပူးပေါင်းရင်းမြစ်များ

SALM 18:5

Ka jingma jong ka jingïap ka la don sawdong jong nga, bad ka jingtep ka la pynap ïa la ka jingriam ïa nga.

PROBERB 30:19

u pukni u her ha suiñ, u bseiñ u par halor u mawsiang, ka liengbah kaba wad ïa la ka lynti ha ka duriaw, bad u briew bad ka briew kiba ïashoh jingieit.

ISAÏAH 11:14

Ryngkat lang kin tur ïaleh ïa ki Philistia ha ka phang sepngi bad lute ïa ki briew kiba shong ha ka phang mihngi. Kin hiarthma ïa ki briew jong ka Edom, bad ka Moab, bad ki briew jong ka Ammon kin kohnguh ïa ki.

ISAÏAH 13:8

Ki baroh kin shah pynshyrkhei, bad ka jingpang kan ban ïa ki, kum ka jingpang jong ka briew ha ka por suh kha. Kin ïakhmih iwei ïa iwei pat ha ka jingtieng, bad ki durkhmat jong ki kin pluh da ka jinglehrain.

ISAÏAH 21:3

Kaei kaba nga la ïohi bad ïohsngew ha ka jingïohipaw ka la pyndap ïa nga da ka jingsngewtriem bad sngewpang, ka jingpang kum ka jong ka kynthei ha ka por suh kha.

ISAÏAH 26:17

Ma me A Trai, me la pynlong ïa ngi ban lynñiar, kum ka briew kaba lynñiar ha ka jingsuh kha.

JEREMAÏAH 13:21

Aïu phan ong haba ki briew kiba pha pyrkhat ki long ki paralok jong pha, ki jop ïa pha bad ki synshar halor jong pha? Phan don ha ka jingpang kum ka kynthei kaba kha khun.

JEREMAÏAH 22:23

Phi shong sngewskhem hapdeng ki dieng Kedar ba wanrah na Lebanon; hynrei katno kaba sngewsynei ynda wan ka jingshitom ha phi, bad phin ud haba ka jingsuh kan lap ïa phi, ki jingshitom kum kito ki jong ka kynthei kaba suh kha.

JEREMAÏAH 30:6

Mynta to sangeh bad pyrkhat! Hato u briew u lah ban kha khun? Te balei keiñ ba nga ïohi ïa uwei pa uwei u briew ba u buh ïa la ka kti ha la ka kpoh kum ka kynthei ha ka jingsuh kha? Balei uwei pa uwei baroh u blad rong?

JEREMAÏAH 4:13

Ha khmih, u nongshun u wan kum ki lyoh. Ki kali ïapom jong u ki long kum ka 'erlangthari, bad ki kulai jong u ki kham stet ban ïa ki pukni. Ngi la shahjop! Ngim lah khie khlieh shuh!

JEREMAÏAH 4:31

Nga la ïohsngew ïa ka jingïam, kum ka kynthei kaba suh kha, ka jinglynñiar kum ka kynthei kaba kha ïa i khun nyngkong jong ka. Ka la long ka jingïam jong ka Jerusalem kaba kwah eh ban ring mynsiem, ka da kner noh ïa ka kti jong ka bad ong, “Nga long kaba la tim! Ki wan ban pynïap ïa nga!”

JEREMAÏAH 49:24

Ki briew jong ka Damaskos ki long kiba tlot bad ki la phet ha ka jingsheptieng. Ki don ha ka jingud bad jingjynjar kum ka briew kaba suh kha.

JEREMAÏAH 50:36

Ka Jingïap ïa ki nongïathuhlypa bashukor jong ka — katno ki long kiba bieit! Ka Jingïap ïa ki shipai jong ka — katno ki long kiba sheptieng!

JEREMAÏAH 50:43

U syiem ka Babilonia u ïohsngew ïa ka khubor, bad ki kti jong u ki noh kyrwep. U don ha ka jinglyng-a, da ka jingpang kum ka briew kaba suh kha.

JEREMAÏAH 6:24

“Ngi la ïohsngew ïa ka khubor,” ong ki briew ka Jerusalem, “bad ki kti jong ngi ki noh kyrwep, la kem ïa ngi da ka jinglyng-a bad ka jingpang kum ka kynthei kaba suh kha.

DANIEL 7:4

Uba nyngkong u syriem kum u sing, hynrei u don ki thapniang kum u pukni. Katba nga dang khmih la pynkdiah ïa ki thapniang. Ïa u mradkhlaw la rah shajrong bad la pynlong ïa u ban ïeng kum u briew. Bad nangta la ai ha u ka jingmut jingpyrkhat kum u briew.

HOSIA 8:1

U Trai u ong, “Pynsawa ïa ka jingmaham! Ki nongshun ki hiar kynsan shapoh ha ka ri jong nga kum ki pukni! Ki briew jong nga ki la pynkheiñ ïa ka jutang kaba nga la ïateh bad ki, bad ki la ïaleh pyrshah ïa ka jinghikai jong nga.

OBADAÏAH 1:9

Ki rangbah nongïaleh jong ka Teman kin kyiuh, bad ïa uwei pa uwei u shipai ha Edom yn pynïap.”

DEUTERONOMI 28:49

U Trai un phah ïa ka jaitbynriew na kaba kut ka pyrthei pyrshah ïa phi, ka jaitbynriew kaba ka ktien ka thylliej jong ka phin ym sngewthuh. Kin wan hiar kynsan ha phi kumba suh u pukni.

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.