JEREMAÏAH 49:19 - Khasi CL Bible (BSI)

¹⁹ Kum u sing uba wan mih na ki khlaw barben artet ïa ka Jordan haduh ki jaka phlang bajyrngam, ngan wan bad ban pynlong ïa ki nong Edom ban phet krad kyndit na ka ri jong ki. Nangta u nongïalam uba nga jied un synshar ïa ka hima. Uno uba lah ban ïanujor bad nga? Uno uba nud ban ïakob bad nga? Uei u nongsynshar uba lah ban ïeng pyrshah ïa nga?

KA BAIBL

¹⁹ Ha khmih, un wan kiew kum u sing na ka jingsarong ka Jordan ban ïaleh ïa ka jaka shong ka bakhlaiñ: hynrei, ngan pynphet kyndit ïa u na ka; bad jar uba la jied, ïa uta ngan thung halor jong ka: naba uei uba kum nga? bad uei u ban buh por ïa nga? bad uei uta u nongaplangbrot u ban ïeng ha khmat jong nga?

JEREMAÏAH 49:19 ပူးပေါင်းရင်းမြစ်များ

1 KHRONIKL 12:15

Ha u bnai banyngkong jong kawei ka snem, ka por haba ka wah Jordan ka shlei um, ki jam sha shiliang ka wah, kaba pynsakma ïa ki briew kiba shong basah ha ki jaka them kiba shong ha mihngi bad ha sepngi jong ka wah.

2 KHRONIKL 20:6

“A Trai U Blei jong ki kpa tymmen jong ngi, me synshar ha bneng halor ki jaitbynriew baroh jong ka pyrthei. Me long uba donbor bad uba khrawbor, bad ym don ba lah ban pyrshah ïa me.

Ka Kitab U Job 41:10

Haba la pynkhih ïa u, u long uba shyrkhei; ym don mano mano ba nud bad ïeng ha khmat jong u.

Ka Kitab U Job 9:19

Hato ngan pyrshang da ka bor? Hato ngan pyrshang da ka bor ïa U Blei? Hato ngan rah ïa u sha ïingbishar? Don uba lah ban pynlong ïa u ban leit?

Ka Kitab U Job 9:21

Nga long uba lui lui, hynrei ngam salia shuh, Nga la thait ban im. Jia katba jia; kiba lui lui ne kiba rem; U Blei un pynjot ïa ngi.

SALM 143:2

To wat buh ïa nga, u shakri jong me, ha ka jingtynjuh; ym don uba lui lui ha khmat jong me.

SALM 76:7

Hynrei ïa me, A Trai, baroh ki sheptieng. Ym don mano mano ba lah ban ïeng ha ka jingdon ryngkat jong me haba me bitar.

SALM 76:8

Me la pynlong ïa ka jingbishar jong me ban tip na bneng; ka pyrthei ka sheptieng bad ka sngap jar,

SALM 89:6

Ym don ha bneng u ba kum ma me, A Trai; ym don ki jingthaw ha bneng uba long mar ryngkat bad me.

SALM 89:8

A Trai U Blei Badonbor Baroh, ym don uba khlaiñbor kum ma me, ha kiei kiei baroh me long uba ïaineh, A Trai.

EKSODOS 15:11

“Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

ISAÏAH 40:25

Badno lah ban ïanujor ïa U Blei bakhuid? Don uno uno ba kum ma u?

ISAÏAH 46:9

To kynmaw ïa kaei kaba la jia la slem bah; to pdiang ba tang ma nga, nga long U Blei bad ym don uwei pat kum ma nga.

JEREMAÏAH 12:5

U Trai u ong, “Ko Jeremaïah, lada me la thait ban ïamareh pyrshah ïa ki rangbah, kumno me lah ban ïamareh pyrshah ïa ki kulai? Lada mem lah wat ban ïeng ha ka jaka bym don jingkah, kumno men leh ha ka khlaw harud jong ka Jordan?

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 30:21

U nongsynshar jong ki un wan na ka jaitbynriew jong ki hi, u khun syiem jong ki napdeng ki briew jong ki hi. Un wan sha nga haba nga khot sngewbha ïa u, namar uei uba nud ban wan khlem shah khot sngewbha? Kin long ki briew jong nga, bad ngan long U Blei jong ki. Ma nga, U Trai, nga la kren.”

JEREMAÏAH 4:7

Kum u sing uba wan mih na ka jakarieh jong u, u nongpynjot jong ki jaitbynriew u la mihnoh. U wan ban pynjot ïa ka Judah. Ïa ki nongbah jong ka Judah yn ieh ha ki jingjot, bad yn ym don mano mano bashong ba sah ha ki.

DANIEL 7:4

Uba nyngkong u syriem kum u sing, hynrei u don ki thapniang kum u pukni. Katba nga dang khmih la pynkdiah ïa ki thapniang. Ïa u mradkhlaw la rah shajrong bad la pynlong ïa u ban ïeng kum u briew. Bad nangta la ai ha u ka jingmut jingpyrkhat kum u briew.

NAHUM 1:6

Haba u bitar, uei uba lah ban lait im? Uei uba lah ban lait na ka jingbitar shla bashyrkhei jong u? U theh noh ïa ka jingbitar bameh ding jong u; ki mawsiang ki lko pum ha khmat jong u.

SEKHARAÏAH 11:3

Ki nongsynshar ki kyang jam ha ka jingsngewsih; ka burom jong ki ka la leit noh! To pynshahshkor ïa ka jingkyrhuh jong ki sing; ïa ka ïing khlaw jong ki ha shi lynter jong ka Jordan la pynjot.

JINGKHEIÑ 16:5

Nangta u la ong ha u Korah bad ki nongbud jong u, “Lashai mynstep U Trai un pyn-i ha ngi ïa uta uba long u jong u; un sa shah ïa uta uba long u jong u, kata, uta keiñ ïa uba u la jied, ban leit sha u ha ka duwan.

JINGPYNPAW 6:17

Ka sngi batriem jong ka jingbitar jong ki ka la poi, bad uei uba lah ban ïeng pyrshah ïa ka?”