JEREMAÏAH 49:18 - Khasi CL Bible (BSI)

¹⁸ Kajuh hi kan jia ïa ka Edom kumba ka la jia ïa ka Sodom bad Gomorrah, mynba ïa ki bad ïa ki shnong ba-marjan la pynjot. Yn ym don ban sah biang hangta. Ma nga, U Trai, nga la kren.

KA BAIBL

¹⁸ Kumba ha ka jingpynkyllon ka Sodom bad ka Gomorra bad ki shnong kiba marjan jong ki,” ong U Trai, “ym don u ban shong hangta, lymne ym don u khun u briew u ban shong ha ka.

JEREMAÏAH 49:18 ပူးပေါင်းရင်းမြစ်များ

SALM 11:6

U pynhap ki rnga barhem bad ïa u kyndok bameh ding halor ki bymman; u pynshitom ïa ki da ki lyer khluit.

ISAÏAH 34:10

Kan ing mynsngi bad mynmiet, bad ka tdem kan kiew na ka junom. Ka khyndew kan sah lehnoh-ei na kawei ka rta sha kawei pat, bad yn ym don shuh u ban ïaid lyngba jong ka.

JEREMAÏAH 23:14

Hynrei ha ki nongïathuhlypa ka Jerusalem nga la ïohi ba ki leh kaba kham sniew: ki klim bad ki kren lamler; ki pynshlur ïa ki briew ban leh ïa ka bymdei, kumta ba ym don ba sangeh noh ïa kaei kaba sniew. Ha nga, ki long baroh kiba sniew kum ki briew ka Sodom, bad ka Gomorrah.

JEREMAÏAH 49:33

Ïa ka Hasor yn pynkylla ri shyiap junom, ka jaka ha kaba tang ki myrsiang kin im. Yn ym don mano mano shuh ban shong ban sah biang hangta. Ma nga, U Trai, nga la kren.”

JEREMAÏAH 50:40

Kajuh kaei kaei kan jia ïa ka Babilon kumba ka la jia ïa ka Sodom bad Gomorrah, haba nga la pynjot ïa ki bad ïa ki shnong kiba marjan. Yn ym don ba shong shuh hangta. Ma nga, U Trai, nga la kren.

AMOS 4:11

“Nga la pynjot katto katne na phi kumba nga la pynjot ïa ka Sodom bad ka Gomorrah. Kito na phi kiba la lait im ki long kum ka dieng barhem ba la sei na ka ding. Katta ruh phim shym la wan phai pat sha nga,” ong U Trai.

SEPHANAÏAH 2:9

Kumba shisha nga long U Trai uba im, U Blei jong ka Israel, nga smai ba ka Moab bad ka Ammon kin shah pynjot kum ka Sodom bad Gomorrah. Kin long ka jaka jong ki thliew mluh bad ki jingjot bymjukut, kaba la tap da ki ñiut. Kito na ki briew jong nga kiba lait im kin lute ïa ki bad shim ïa ka ri jong ki.”

Ka Shithi U Paul Sha Ki Nong Rom 9:29

Ka long kumba u Isaïah u la lah ong mynshuwa, “Lada U Trai Badonbor Baroh um shym la ieh ïa ngi katto katne kiba hiarpateng, ngin jin da la long kum ka Sodom, ngin jin da la long kum ka Gomorrah.”

DEUTERONOMI 29:22

“Ha ki pateng ki ban wan, ki khun ki ksiew jong phi bad ki nongwei na ki ri kiba jngai kin ïohi ïa ki jingpynjot bad ki jingshah shitom ba U Trai u la pynngat ha ka ri jong phi.

DEUTERONOMI 29:23

Ki lyngkha kin long shrah bad kin ym seisoh shuh, naba kin dap da u kyndok bad ka mluh suda; yn ym thung ei ei hangta, bad wat u ñiut ruh, un ym mih hangta. Ka ri jong phi kan long kum ki shnong Sodom bad Gomorrah, kum ka Admah bad ka Seboiim, ïa kiba U Trai u la pynjot mynba u bitar shla.

2 PETROS 2:6

U Blei u la pynrem ïa ki nongbah ka Sodom bad ka Gomorrah, da kaba pynjot ïa ki da ka ding, bad u la pynlong ïa ki ka nongmuna jong kaei ka ban jia ha ki bymtip Blei.

JUDAH 1:7

To kynmaw ïa ka Sodom bad Gomorrah, bad ki shnong ba-marjan, ha kaba ki briew ki leh kumba la leh kito ki angel bad ki kyrsum ha ki jingleh nuti bad bajakhlia: Ki shah ïa ka jingpynshitom ha ka ding bymjukut kum ka jingmaham ïa baroh.