JEREMAÏAH 49:17 - Khasi CL Bible (BSI)

¹⁷ U Trai u ong, “Ka jingpynjot ka ban wan hap ha ka Edom kan long kaba da shyrkhei haduh ba kiba ïaid nangta kin kyndit bad sheptieng.

KA BAIBL

¹⁷ “Bad u Edom un sa long ka jinglyngngoh: uwei uwei baroh uba ïaid hajan jong u un sngewlyngngoh, bad un kynshi ha kita baroh ki jingshitom jong u.

JEREMAÏAH 49:17 ပူးပေါင်းရင်းမြစ်များ

1 SYIEM 9:8

Kane ka ïing kaba da kat ka ïing kan kylla long kaba sah kynjah, bad kat uba ïaid najan jong ka un kyndit thret bad un pang met; bad kin ïakylli, ‘Balei mo U Trai u la leh sat kumne ïa kane ka ri bad ïa kane ka ïing?’

JEREMAÏAH 18:16

Ki la pynlong ïa kane ka ri ka bynta ka jingtriem, ban ñiewbeiñ junom. Baroh kiba la ïaid lyngba kin kyndit ha kaei kaba ki ïohi; kin kyrngah ïa la ki khlieh ha ka jinglyngngoh.

JEREMAÏAH 49:13

Nga da lade hi nga la smai ba kane ka nongbah Bosrah kan long ka jingïohi ba-itriem bad ka ri shyiap; ki briew kin rkhiebeiñ ïa ka bad kin pyndonkam ïa ka kyrteng jong ka kum ka jingtim. Baroh ki nongrit ba-marjan kin don ha ka jingjot junom. Ma nga, U Trai, nga la kren.”

JEREMAÏAH 50:13

Namar ka jingbitar jong nga, yn ym don u ban shong ban sah ha Babilon; kan sah ha ka jingjot, bad baroh kiba ïaid nangta kin kyndit bad lyngngoh.

JEREMAÏAH 51:37

Kata ka ri kan long kum ka kynton ñiut ha kaba ki mradkhlaw ki im. Kan long kaba shyrkhei ban peit; yn ym don mano mano ban sah hangta, bad baroh kiba ïohi ïa ka kin sngewshyrkhei.

ESEKIEL 25:13

Mynta nga pynbna ba ngan pynshitom ïa ka Edom bad pynïap ïa uwei pa uwei u briew bad u mrad hangta. Ngan pynlong ïa ka kaba sah shrah, na ka nongbah Teman haduh ka nongbah Dedan, bad ki briew kin shah pynïap ha ka thma.

ESEKIEL 27:36

Pha la jah noh, la jah noh junom, bad ki nongkhaïi na baroh kawei ka pyrthei ki la sngewtriem, ki la sheptieng ba ki ruh kin mad ïa ka kupar jong pha.”

ESEKIEL 35:15

kumba me shadkmen ha ka jingpynjot ïa ka Israel, ka nongkynti jong nga. Ki lumbah ka Seir, ho-oid, baroh ka ri Edom kin sah kynjah. Te baroh kin sa tip ba nga long U Trai.”

ESEKIEL 35:3

Ïathuh ha ki briew ïa kaei ba ma nga, U Trai Nongsynshar, nga ong: “Nga long u nongshun jong me, ko ki lumbah ka Edom! Ngan pynlong ïa me ka jaka kynjah.

ESEKIEL 35:7

Ngan pynlong ïa ka ri lum Edom ka ri khlaw; bad ngan pynïap ïa uwei pa uwei uba ïaid lynti na ka.

MIKAH 6:16

Kane kan jia namar ba phi la bud ïa ki jingleh ba-ijli jong u syiem Omri bad jong u khun jong u, u syiem Ahab. Phi la ïai bteng ban bud ïa ki rukom pynïaidkam jong ki, bad kumta ngan wallam ïa ka jingjot ha phi, bad baroh kin kyntait ïa phi. Ki briew ha kylleng kin ñiewbeiñ ïa phi.”

SEPHANAÏAH 2:15

Kata ka long kaei ka ban jia ïa ka nongbah kaba sarong katta katta ïa la ka bor bad kaba pyrkhat ba ka don ha ka jingshngain. Ki briew jong ka ki pyrkhat ba ka nongbah jong ki ka long kaba khraw tam ha ka pyrthei. Katno kan long ka jaka kaba kynjah, ka jaka ha kaba ki mradkhlaw kin pynjahthait! Uwei uwei baroh uba ïaid lyngba jong ka un kynran dien ha ka jingsheptieng.

DEUTERONOMI 29:22

“Ha ki pateng ki ban wan, ki khun ki ksiew jong phi bad ki nongwei na ki ri kiba jngai kin ïohi ïa ki jingpynjot bad ki jingshah shitom ba U Trai u la pynngat ha ka ri jong phi.