JEREMAÏAH 49:11 - Khasi CL Bible (BSI)

¹¹ Ieh ïa ki khunswet bad nga, bad ngan sumar ïa ki. Ki riewkynthei ki lah ban shaniah ha nga.

KA BAIBL

¹¹ To iehnoh ïa la ki khun kiba khlem kpa, ngan sumar im ïa ki; bad ki riewkynthei jong me to kin shaniah ha nga.”

JEREMAÏAH 49:11 ပူးပေါင်းရင်းမြစ်များ

SALM 146:9

U ïada ïa ki nongwei kiba shong basah ha ka ri jong ngi; u ïarap ïa ki riewkynthei bad ki khunswet, hynrei u leit lam ïa ki bymman sha ka jingjot jong ki.

SALM 68:5

U Blei, uba shong ha ka Templ bakyntang jong u, u sumar ïa ki khunswet bad u ïada ïa ki riewkynthei.

SALM 82:3

Kyrshan ïa ki hok jong kiba duk bad ki khunswet; lehhok ïa kiba kyrduh bad ki bym don jingïarap.

HOSIA 14:3

Ka Assyria kan ym lah da lei lei ban pyllait im ïa ngi, bad ki kulai thma kim lah ban ïada ïa ngi. Ngin ym ong shuh ha ki bleithaw jong ngi ba ki long U Blei jong ngi. A Trai, me pyn-i jingisynei ha kito ki bym don uno uno sha uba ki lah ban phai.”

JONAH 4:11

Katno tam, te, ba ngan don ka jingsngewsynei ïa ka Ninebeh, kata ka nongbah bakhraw. La kumno kumno, ka don palat ïa ka shi lakh arphew hajar ngut ki khunlung balui lui ha ka, kumjuh ruh shibun ki mrad!”

SEKHARAÏAH 7:10

Wat banbeiñ ïa ki riewkynthei, ki khunswet, ki nongwei kiba shong basah hapdeng jong phi, lane mano mano kiwei pat kiba kyrduh. Bad wat pyrkhat ïa ki rukom ban pynmynsaw iwei ïa iwei pat.’

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

DEUTERONOMI 10:18

U lehhok ïa ki khunswet bad ïa ki riewkynthei; u ieit ïa ki nongwei kiba don bad ngi, bad u ai bam bad ai kup ai sem ïa ki.

1 TIMOTHI 5:5

Ka riewkynthei kaba long tang marwei, ka bym don mano mano ban sumar ïa ka, ka la buh ïa la ka jingkyrmen ha U Blei bad ka ïai duwai bad pan na u ïa ka jingïarap mynmiet bad mynsngi.

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.