JEREMAÏAH 49:1 - Khasi CL Bible (BSI)

¹ Kane ka dei kaei kaba U Trai u ong shaphang ka Ammon: “Shano ki rangbah ka Israel? Hato ym don mano mano ban ïada ïa la ka ri? Balei ba ki shah ïa ki briew kiba mane ïa u Molekh kin shim ïa ki jaka jong ka jait Gad bad shongduh hangta?

KA BAIBL

¹ Shaphang ki khun u Ammon. Kumne u ong U Trai: “U Israel um don khun shynrang? um don u nongïoh pateng? balei te ba u Milkom u ïoh ïa ka Gad, bad ba ki briew jong u ki shong ha ki shnong jong ka?

JEREMAÏAH 49:1 ပူးပေါင်းရင်းမြစ်များ

JENESIS 19:38

Ka khun kaba ar ruh ka la kha khun shynrang ïa uba ka jer kyrteng u Ben-ammi. U la long u kpa tymmen jong ki Ammon haduh kane ka sngi.

2 SYIEM 10:33

shaduh shaphang shathie sha ka shnong Aroer kaba harud ka wah Arnon — kane ka kynthup ïa ki thain jong ka Gilead bad ka Bashan, ha kaba ki jait Gad, Reuben, bad ki Manasseh kiba shaphang mihngi ki shong ki sah.

2 SYIEM 24:2

U Trai u phah ïa ki kynhun kieng atiar jong ka Babilonia, ka Syria, ka Moab, bad ka Ammon pyrshah ïa u Jehoïakim ban pynjot ïa ka Judah, kumba U Trai u la ong lyngba ki nongïathuhlypa ki shakri jong u ba un leh.

2 KHRONIKL 20:1

Hadien katto katne por, ki kynhun shipai jong ka Moab bad ka Ammon, ryngkat bad kiba ïateh lok bad ki, ki Meun, ki hiarthma ïa ka Judah.

2 KHRONIKL 20:23

Ki Amon bad ki Moab ki tur ïaleh ïa ka kynhun shipai ki Edom bad pynjot thiaw ïa ka, bad hadien kata, ki ïaphai pyrshah para ma ki ha ka jingïaleh bashyrkhei.

NEHEMAÏAH 2:19

Haba u Sanballat, u Tobiah, bad u nong Arab uba kyrteng u Geshem ki la ïohsngew ïa kaei kaba ngi la thmu ban leh, ki rkhie ïa ngi bad ong, “Kaei kaba phi tharai phin leh? Hato phin ïaleh pyrshah ïa u patsha?”

NEHEMAÏAH 4:7

U Sanballat, u Tobiah bad ki briew ka Arabia, ka Ammon bad ka Ashdod ki la ïohsngew ba ngi ïaid shaphrang ha kaba tei pat ïa ka kynroh Jerusalem, bad ba ïa ki thliew jong ka kynroh la set, bad ki la ïabitar haduh katta katta.

SALM 83:7

ki briew jong ka Gebal, ki Ammon, bad ki Amalek, ki Philistia bad ki Tyros;

SALM 9:6

Ïa ki nongshun jong ngi la pynduh thiaw junom; me la pynjot thiaw ïa ki nongbah jong ki, bad ym don ba kynmaw shuh ïa ki.

JEREMAÏAH 12:14

U Trai u ong, “Nga don ei ei ban ong shaphang ki paramarjan jong ka Israel kiba la pynjot ïa ka ri kaba nga la ai ha ki briew jong nga ki Israel. Ngan shim noh ïa kito ki briew bymman na ki ri jong ki kum ïa u jingthung ba la rat, bad ngan pyllait im ïa ka Judah na ki.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 27:3

Nangta U Trai u la bthah ïa nga ban phah ka khubor sha ki syiem jong ka Edom, ka Moab, ka Ammon, ka Tyros, bad ka Sidon lyngba ki nongkit 'tiensyiem jong ki, kiba lah wan sha Jerusalem ban jngoh ïa u syiem Sedekaïah.

JEREMAÏAH 48:1

Kane ka dei kaei kaba U Trai Badonbor Baroh u ong shaphang ka Moab: “Isynei ïa ki briew jong ka Nebo — ïa ka shnong jong ki la pynjot! La kurup ïa ka Kiriathaim, ïa ka kut baskhem la pynpra, bad ïa ki briew jong ka la pynlehrain; ka burom jong ka Moab ka la jah noh.

JEREMAÏAH 49:23

Kane ka dei kaei kaba U Trai u ong shaphang ka Damaskos: “Ki briew ha ki nongbah jong ka Hamath bad ka Arpad ki khuslai bad ki sngew jynjar namar ki la ïohsngew ïa ki khubor basniew. Ka jinglyng-a ka tyllun halor jong ki kum ka duriaw, bad kim ïoh jahthait.

JEREMAÏAH 49:28

Kane ka dei kaei kaba U Trai u ong shaphang ka jait Kedar bad ïa ki distrik hapoh ka jingpynïaid u Hasor, ïa kiba la jop thma da u Nebukhadnessar u syiem ka Babilonia: “Tur ïaleh ïa ki briew jong ka Kedar bad pynjot ïa kata ka jait jong ki briew na mihngi!

JEREMAÏAH 49:7

Kane ka dei kaei kaba U Trai Badonbor Baroh u ong shaphang ka Edom: “Hato ki briew ka Edom ki la duh noh ïa la ka jingbishar babha? Hato ki nongaibuit jong ki kim lah shuh ban ïathuh ïa ki kaei ba ki dei ban leh? Hato ka jingstad jong ki baroh ka la jah noh?

ESEKIEL 21:25

“Me u nongsynshar uba bymman bad bymkhuid jong ki Israel, ka sngi jong me, ka sngi jong ka jingpynshitom ba kut, ka wan.

ESEKIEL 25:1

U Trai u la kren ha nga.

SEPHANAÏAH 1:5

Ngan pynjot ïa uno uno uba leit kiew sha tnum ïing bad mane ïa ka sngi, u bnai, bad ïa ki khlur. Nga pynjot ruh ïa kito kiba mane ïa nga bad kiba smai ban ïaineh ha nga, hynrei pynban ki shim smai ha ka kyrteng jong u blei Molekh.

DEUTERONOMI 2:19

Te phin sa poi hajan ka ri ki Ammon, ki khun ki ksiew jong u Lot. Wat pynjynjar ïa ki lane ïaleh thma bad ki, namar ngan ym ai ei ei ïa phi na kata ka ri ïa kaba nga la ai ha ki.’ ”

DEUTERONOMI 23:3

“U Ammon lane u Moab — lane uno uno na ki khun ki ksiew jong ki haduh kaba shiphew pateng bynriew — ym dei ban kynthup hapdeng ki briew U Trai.

DEUTERONOMI 23:4

Ki la kyntait ban ai jingbam bad ai um ïa phi mynba phi don ha lynti na Ijipt, bad ki la khot wai ïa u Balaam u khun jong u Beor, uba na ka shnong Pethor ha Mesopotamia, ban tim ïa phi.