JEREMAÏAH 48:9 - Khasi CL Bible (BSI)

⁹ To buh ïa u maw jingtep na ka bynta ka Moab; shen yn pynjot ïa ka. Ïa ki shnong jong ka yn ieh ha ka jingjot, bad yn ym don shuh uwei ruh u ban shong ban sah pat hangta.”

KA BAIBL

⁹ “To ai ki thapniang ïa ka Moab, ba kan ïoh her bad ba kan leit noh: bad ki shnong jong ka kin long ka jingkynjah, bymdon bashong briew ha ki.

JEREMAÏAH 48:9 ပူးပေါင်းရင်းမြစ်များ

SALM 11:1

Nga shaniah ha U Trai na ka bynta ka jingshngain. Phi long kiba bieit ban ong ha nga, “To her noh kum ka sim sha ki lumbah;

SALM 55:6

A! ba ngan da don ïa ki thapniang, kum ka paro. Ngan her noh jar bad ban shem ïa ka jingjahthait.

ISAÏAH 16:2

Ki ap ha ki rudwah jong ka wah Arnon bad ki ïaid khlem jingmut shane shatai, kum ki sim kiba la shah beh noh na ki skum jong ki.

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

JEREMAÏAH 46:19

To pynkhreh ban shah kem koidi, phi ki briew ka Ijipt! Ïa ka Memphis yn sa pynlong ka ri shyiap, ka jingjot ha kaba yn ym don ban shong ban sah.

JEREMAÏAH 48:28

“Phi ki briew kiba shong ha Moab, iehnoh ïa la ki shnong! Khie bad leit sah ha ki riat bah! Long kum ka lyngdkhur kaba thaw ïa la ka skum harud jong ka synrang.

SEPHANAÏAH 2:9

Kumba shisha nga long U Trai uba im, U Blei jong ka Israel, nga smai ba ka Moab bad ka Ammon kin shah pynjot kum ka Sodom bad Gomorrah. Kin long ka jaka jong ki thliew mluh bad ki jingjot bymjukut, kaba la tap da ki ñiut. Kito na ki briew jong nga kiba lait im kin lute ïa ki bad shim ïa ka ri jong ki.”

JINGPYNPAW 12:14

La ai ha ka, ar tylli ki thapniang jong u pukni uba heh khnang ba kan her noh sha la ka jaka ha kata ka ri shyiap, ha kaba yn sumar ïa ka, lai snem shiteng, ha ka jingshngain na ka jingtur ïaleh jong u Ïakjakor.