JEREMAÏAH 48:7 - Khasi CL Bible (BSI)

⁷ “Ko Moab, pha shaniah ha la ka jingkhlaiñ bad ha la ka spah, hynrei mynta wat ïa pha ruh yn jop noh; ïa u blei Khemosh jong pha yn ringmraw, lem bad ki khun syiem bad ki lyngdoh.

KA BAIBL

⁷ Naba, namar ba me la shaniah ha ki kam jong me bad ha ki jingkynshew jong me, ïa me ruh yn jop noh: te u Khemosh un leit sha ka jinglongmraw, ki lyngdoh jong u bad ki rangbah jong u ruh lang.

JEREMAÏAH 48:7 ပူးပေါင်းရင်းမြစ်များ

2 SAMUEL 5:21

Haba ki Philistia ki la phet, ki la iehnoh shadien ïa ki bleithaw jong ki, bad u Dabid bad ki rangbah jong u ki la rah noh ïa ki.

1 SYIEM 11:33

Ngan leh ïa kane namar u Solomon u la kyntait ïa nga bad u la mane ïa ki blei nongwei: ka Astarte, ka blei ki Sidon; u Khemosh, u blei ki Moab; bad u Molekh, u blei ki Ammon. U Solomon u la lyndet ïa nga; u la leh palat, bad um shym la sumar ïa ki aiñ bad ki hukum jong nga kumba u Dabid u kpa jong u, u la leh.

1 SYIEM 11:7

Halor u lum uba sha mihngi na Jerusalem u tei ka jaka mane ïa u Khemosh, u blei ba-ijli jong ki Moab, bad ka jaka mane ïa u Molekh, u blei ba-ijli jong ki Ammon.

SALM 40:4

Suk kito kiba shaniah ha U Trai, ki bym phai sha ki bleithaw, lane kiba ïasoh bad kito kiba mane ïa ki blei thala.

SALM 52:7

“Ha Khmih, hangne don u briew u bym shym shaniah ha U Blei na ka bynta ka jingshngain, hynrei u shaniah pynban ha ka jingkynrei ka spah jong u bad u wad ïa ka jingïada ha ka jingbymman.”

JEREMAÏAH 13:25

U la ong ba kane kan dei ka kupar jong pha. Kane ka dei kaei kaba u la kut jingmut ban leh ïa pha, namar pha la klet ïa u bad pha la shaniah ha ki blei thala.

JEREMAÏAH 43:12

Ngan tbeh ïa ka ding ha ki templ jong ki blei ki Ijipt, bad u syiem ka Babilonia un thang ïa ki bleithaw jong ki ne ïalam noh ïa ki. Katba ki nongap langbrot ki dang jied ïa ki jaiñ jong ki kiba lait na ki jynreiñ, te u syiem ka Babilonia un jied pynkhuid ïa ka ri Ijipt bad nangta ki mih da ka jingjop.

JEREMAÏAH 48:13

Nangta ki nong Moab kin ym sngewbha ïa u blei Khemosh jong ki, kumba ki Israel kim sngewbha ïa u blei Bethel ha uba ki shaniah.

JEREMAÏAH 48:46

Isynei ïa ki briew ka Moab! Ïa ki briew kiba mane ïa u Khemosh la pynjot, bad ïa ki khun shynrang bad ki khun kynthei la ïalam noh kum ki koidi.

JEREMAÏAH 49:3

Ki briew ka Heshbon, ki kyang! Ïa ka Ai la pynjot! Ki kynthei ka Rabbah, ki leit ïam sngewsih! Ki phong ïa ki jaiñ khain bad ïam pangnud. Ki mareh lamwir. Ïa u Molekh u blei jong phi yn ïalam mraw, lem bad ki lyngdoh bad ki khun syiem.

JEREMAÏAH 49:4

Balei ba ma phi ki briew bymïaineh phi kren sarong? Ka jingkhlaiñ jong phi ka la nang hiar. Balei ba phi shaniah ha la ka bor bad phi ong ba ym don ba nud ban tur ïaleh ïa phi?

JEREMAÏAH 9:23

U Trai u ong, “Ki rangbah bastad kim dei ban kob sarong ïa ka jingstad jong ki, lymne ki rangbah bakhlaiñ ïa ka jingkhlaiñ jong ki, lymne ki rangbah bariewspah ïa ka spah jong ki.

HOSIA 10:13

Hynrei pynban phi la bet ïa kaba sniew bad ïoh ot ïa ka jingot jong ka. Phi la bam ïa ki soh ba la pynmih da ka jingshukor jong phi. “Namar ba phi shaniah ha ki kali thma jong phi bad ha ka jingbun paid ki shipai jong phi,

JINGKHEIÑ 21:29

Katno ka long kaba kordit ïa phi ki Moab! Phi kiba mane ïa u Khemosh, phi la jot! U blei jong phi u pynphetwir ïa ki shynrang, Bad ïa ki kynthei u pynlong ki mraw jong u syiem Amor.

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.

JINGPYNPAW 18:7

To ai ha ka, katta ka jingshitom bad ka jingsngewsih kat ka burom bad ka jingpahuh kaba ka la ai ïa lade. Naba ka ïai-ong ïa lade: ‘Hangne nga shong, ka syiem! Ngam long ka riewkynthei, ngan ym tip ïa ka jingsngewsih!’

NONGBISHAR 11:24

Hato men dang leit ban shim biang ïa ka? Me lah ban bat kat ïa kaba u Khemosh u blei jong me u la ai ha me. Hynrei ngi te ngin bat ïa kata baroh kaba U Trai, U Blei jong ngi, u la ai ha ngi.