JEREMAÏAH 48:40 - Khasi CL Bible (BSI)

⁴⁰ U Trai u la kular ba ka hima kan hiar halor ka Moab kum u pukni lem bad ki thapniang ba-pyiar jong u,

KA BAIBL

⁴⁰ Namar kumne u ong U Trai: “Ha khmih, un her noh kum ka pukni, bad un pynpyiar ïa la ki thapniang pyrshah ïa ka Moab.

JEREMAÏAH 48:40 ပူးပေါင်းရင်းမြစ်များ

PROBERB 30:19

u pukni u her ha suiñ, u bseiñ u par halor u mawsiang, ka liengbah kaba wad ïa la ka lynti ha ka duriaw, bad u briew bad ka briew kiba ïashoh jingieit.

ISAÏAH 11:14

Ryngkat lang kin tur ïaleh ïa ki Philistia ha ka phang sepngi bad lute ïa ki briew kiba shong ha ka phang mihngi. Kin hiarthma ïa ki briew jong ka Edom, bad ka Moab, bad ki briew jong ka Ammon kin kohnguh ïa ki.

ISAÏAH 8:8

Kin sar lyngba ka Judah ha ka jingshlei um, da kaba kiew haduh tyrpeng bad tap lin ïa kaei kaei baroh.” U Blei u long lem bad ngi! Ki thapniang jong u ba la pyiar shabar ki ïada ïa ka ri.

JEREMAÏAH 4:13

Ha khmih, u nongshun u wan kum ki lyoh. Ki kali ïapom jong u ki long kum ka 'erlangthari, bad ki kulai jong u ki kham stet ban ïa ki pukni. Ngi la shahjop! Ngim lah khie khlieh shuh!

JEREMAÏAH 49:22

U nongshun un tur ïaleh ïa ka Bosrah kum u pukni uba suh wia sha tbian lem bad ki thapniang ba-pyiar. Ha kata ka sngi ki shipai Edom kin sheptieng kum ka briew kaba suh kha.”

SNGEWSYNEI 4:19

Kham stet ban ïa ki pukni kiba suh wia na sahit bneng, ki beh kthong ïa ngi sha tbian. Ki lap ïa ngi ha ki lumrit; ki kurup ïa ngi ha ka jingkyndit ha ka ri shyiap.

ESEKIEL 17:3

ban pyntip ïa ki ïa kaei kaba ma nga, U Trai Nongsynshar nga ong ha ki: La don u pukni radbah uba don ki sner ba-itynnat bad ki thapniang kiba khraw, kiba pyiar heh. U la her sha ki lumbah Lebanon bad u la pynkheiñ ïa ka kliar jong u dieng Kedar,

DANIEL 7:4

Uba nyngkong u syriem kum u sing, hynrei u don ki thapniang kum u pukni. Katba nga dang khmih la pynkdiah ïa ki thapniang. Ïa u mradkhlaw la rah shajrong bad la pynlong ïa u ban ïeng kum u briew. Bad nangta la ai ha u ka jingmut jingpyrkhat kum u briew.

HOSIA 8:1

U Trai u ong, “Pynsawa ïa ka jingmaham! Ki nongshun ki hiar kynsan shapoh ha ka ri jong nga kum ki pukni! Ki briew jong nga ki la pynkheiñ ïa ka jutang kaba nga la ïateh bad ki, bad ki la ïaleh pyrshah ïa ka jinghikai jong nga.

HABAKKUK 1:8

“Ki kulai jong ki, ki kham stet ban ïa ki 'labasa, kham shyrkhei ban ïa ki suri bathngan. Ki nongshong kulai jong ki, ki wan tur na ki jaka ba sha jngai; ki kulai jong ki, ki trud ïa ka khyndew. Ki wan suh wia kum ki pukni kiba tur ha ka jingbam.

DEUTERONOMI 28:49

U Trai un phah ïa ka jaitbynriew na kaba kut ka pyrthei pyrshah ïa phi, ka jaitbynriew kaba ka ktien ka thylliej jong ka phin ym sngewthuh. Kin wan hiar kynsan ha phi kumba suh u pukni.