JEREMAÏAH 48:38 - Khasi CL Bible (BSI)

³⁸ Halor ki tnum ïing baroh ha Moab bad ha baroh ki jaka paidbah ym don ei ei hynrei tang ka jingïam sngewsih, namar nga la pynpait ïa ka Moab kum u khra uba ym don shuh mano mano ban kwah.

KA BAIBL

³⁸ Halor ki ïing ki Moab baroh bad ha ki lynti shnong jong ka, ka jingïam ka don kylleng la kylleng: namar nga la pynpait ïa ka Moab kum ïa u khiew ha u bymdon jingsngewbha,” ong U Trai.

JEREMAÏAH 48:38 ပူးပေါင်းရင်းမြစ်များ

SALM 2:9

Men pynkheiñ ïa ki da u diengduh nar; men pynpra ïa ki lyngkhot lyngkhai kum ïa u khiew khyndew.’”

ISAÏAH 15:3

Ki briew ha ki lynti bah ki la kup da ki jaiñ khain, ha ki jaka paidbah jong ka nongbah bad halor ki tnum ïing ki briew ki ïambriew bad kyang.

ISAÏAH 22:1

Kane ka dei ka khubor shaphang ka Them ka Jingïohipaw. Kaei kaba jia? Balei ki briew baroh jong ka nongbah ki rakhe lehkmen halor ki tnum ïing?

ISAÏAH 30:14

Phin sa pra kum u khra, uba la phret jin haduh ba ym don shuh ka lyngkhot, da kaba yn lah ban khat ïa ki rnga bakhluit, lane tong um na ka pung-um.”

JEREMAÏAH 19:10

Nangta U Trai u la bthah ïa nga ban pynpait ïa u khra ha khmat jong ki rangbah kiba la ïaleit bad nga

JEREMAÏAH 19:11

bad ban ïathuh ïa ki ba U Trai Badonbor Baroh u la lah ong, “Ngan pynpait ïa kane ka jaitbynriew bad ïa kane ka nongbah, bad kan long kum une u khra khyndew ba la pait u bym lah ban pyndait pat. Ki briew kin tep ïa kiba ïap jong ki ha Topheth namar yn ym don hangno hangno hawei pat ban tep ïa ki.

JEREMAÏAH 22:28

Nga la ong, “Hato u syiem Jehoïakhin u la kylla long kum u khra uba la pait uba la bret noh bad u bym don ba kwah shuh mano mano? Hato ka long kata balei ba ma u bad ïa ki khun jong u la ringmraw sha ka ri kaba kim tip ei ei?”

JEREMAÏAH 25:34

To ïam, ko phi ki nongïalam, phi ki nongsharai jong ki briew jong nga, to kyang jam! To ïambriew bad tyllun halor u pui pui. Ka por ka la poi na ka bynta jong phi ban shah pynïap, bad yn sa ot doh ïa phi kum ïa ki langbrot shynrang.

HOSIA 8:8

Ki Israel kin long kum kiwei pat ki jaitbynriew bad kin long ki bymlarkam kum u khra ba la pait.

MATHAÏOS 10:27

Ïa kaei kaba nga ïathuh ïa phi ha kaba dum phi dei ban ïathuh ha kaba shai, bad ïa kaei kaba phi la ïohsngew ha kaba rieh phi dei ban pynbna na ki tnum ïing.