JEREMAÏAH 48:37 - Khasi CL Bible (BSI)

³⁷ Baroh na ki, ki la khi ïa la ki khlieh bad ki la khapnoh ïa la ki 'ñiuhtmoh. Baroh ki la pynmong ïa la ki kti, bad uwei pa uwei u phong ïa ki jaiñ khain.

KA BAIBL

³⁷ “Namar ka khlieh baroh ka la dkhaw, bad ïa ki 'ñiuh tmoh baroh la khap noh: ha ki kti baroh don ki jingmong, bad ha ka syngkai ka jaiñ byrni.

JEREMAÏAH 48:37 ပူးပေါင်းရင်းမြစ်များ

JENESIS 37:29

Haba u Reuben u leit phai pat sha kata ka pukri bad shem ba u Joseph um don shuh hangta, u la kad ïa la ki jaiñ ha ka jingsngewsih.

JENESIS 37:34

U Jakob u kad ïa la ki jaiñ ha ka jingsngewsih bad u kup da ka jaiñ khain. U la ïam sngewsih bun sngi na ka bynta u khun jong u.

1 SYIEM 18:28

Kumta ki nongïathuhlypa ki la duwai kham jam bad ki la ot ïa lade da ki tari bad ki waitsum, kat kum ki rukom lehniam jong ki, haduh ba ka snam ka la tuid.

1 SYIEM 21:27

Haba u Elijah u la dep kren, u Ahab u la kad ïa la ki jaiñ, u la law ïa ki bad u phong da ki jaiñ khain. Um treh bam, u thiah ha ka jaiñ khain, bad u leit phai da kaba khuslai bad rit mynsiem.

2 SYIEM 6:30

Haba ïohsngew ïa kane, u syiem u kad ïa la ki jaiñ ha ka jingkhuslai, bad ki briew kiba sah hajan ka kynroh ki lah ban ïohi ba u phong da ka jaiñ khain hapoh ki jaiñ jong u.

1 KHRONIKL 19:4

U Hanun u kem ïa ki nonglamktien jong u Dabid bad u khi ïa ki 'ñiuhtmoh jong ki, bad ot ïa ki jaiñphong jong ki ha ki syngkai, bad phah noh ïa ki.

ISAÏAH 20:2

Lai snem mynshuwa, U Trai u la ong ïa u Isaïah u khun jong u Amos ban loit noh ïa ki juti jong u bad ïa ka jaiñ khain kaba u phong. U la kohnguh bad u la ïaid lyngkhuit bad da ka kjat suda.

ISAÏAH 3:24

Ha ka jaka ba kin sleh jingiwbih kin sma iwkhong; ha ka jaka ki panpoh ba-itynnat kin teh da ki tyllai barew; ha ka jaka ban don u shñiuh ba-itynnat kin long kiba lyndum; ha ka jaka ki jaiñ ba-itynnat kin phong ki jaiñjot; ka jingbhabriew jong ki kan kylla sha ka jinglehrain.

ISAÏAH 37:1

Mar ïa ïohsngew ïa kane ka khubor, u syiem Hesekaïah u la tar ïa la ki jaiñ ha ka jingsngewsih, u la phong ki jaiñ khain, bad u la leit sha ka Templ jong U Trai.

JEREMAÏAH 16:6

Kiba riewspah bad kiba duk kin ïap ha kane ka ri, hynrei ym don mano mano ban tep ïa ki lane ban ïambriew na ka bynta jong ki. Ym don mano mano u ban ot ïa lade lane u ban khi ïa la ka khlieh ban pyn-i ïa ka jingsngewsih jong u.

JEREMAÏAH 47:5

Ka jingsngewsih bakhraw ka la wan ha ki briew jong ka Gasa, bad ki briew jong ka Ashkelon ki sngap jar. Katno slem kiba dang sah ha Philistia kin ïam sngewsih?

JEREMAÏAH 49:3

Ki briew ka Heshbon, ki kyang! Ïa ka Ai la pynjot! Ki kynthei ka Rabbah, ki leit ïam sngewsih! Ki phong ïa ki jaiñ khain bad ïam pangnud. Ki mareh lamwir. Ïa u Molekh u blei jong phi yn ïalam mraw, lem bad ki lyngdoh bad ki khun syiem.

ESEKIEL 27:31

Ki khi noh ïa la ki khlieh na ka bynta jong pha bad ki kup ïa lade ha ki jaiñ khain. Ki dohnud jong ki, ki kthang sngewsih katba ki dang ïam.

ESEKIEL 29:18

“Ko khun u briew,” u la ong, “u Nebukhadnessar u syiem ka Babilonia u la hiarthma ban tur ïaleh ïa ka Tyros. U la pynlong ïa ki shipai jong u ban kit ïa ki jingkit kiba khia haduh ba ki khlieh jong ki, ki la dkhoi ki shñiuh bad ki tyrpeng jong ki, ki la tyrkhong khait, hynrei u syiem lymne ka kynhun shipai jong u kim shym ïoh ei ei na baroh ki jinglehshitom jong ki.

ESEKIEL 7:18

Kin kup da ka jaiñ khain bad kin kyiuh ha ki jaka baroh. Yn khi lyndum ïa ki khlieh jong ki, bad yn pynlehrain ïa ki baroh.

LEBITIKOS 19:28

lane pruid dak ha la ka met lane pynmong ïa la ka doh ban ïambriew ïa kiba ïap. Nga long U Trai.

AMOS 8:10

Ngan pynkylla ïa ki Jingkhawai Niam jong phi sha ki jingtep briew bad ngan pynkylla ïa ki jingrwai kmen jong phi sha ki jingïam sngewsih. Ngan pynlong ïa phi ba phin khi lyndum ïa la ka khlieh bad phin phong ka jaiñ khain, bad phin long kum ki kmie ki kpa kiba ïambriew na ka bynta u khun ba tang marwei jong ki. Kata ka sngi kan long kaba kthang haduh kaba kut.

MIKAH 1:16

Ko ki paid Judah, to khi ïa la u shñiuh ha ka jingsngewsih na ka bynta ki khun kiba phi ieit. To pynlong ïa lade kiba syllen kum ki pukni, namar ïa ki khun jong phi yn shim noh na phi ban ïalam sha ka jingringmraw.

MARKOS 5:5

Mynsngi bad mynmiet u ju shang ha ki jaka tep briew bad ki jaka lum, da kaba lynñiar bad ot ïa lade da ki maw.

JINGPYNPAW 11:3

Ngan sa phah ïa ki sakhi jong nga ar ngut kiba kup da ki jaiñ khain, bad kin pynbna ïa ka khubor U Blei ha kita ki shihajar arspah hynriewphew sngi.”