JEREMAÏAH 48:28 - Khasi CL Bible (BSI)

²⁸ “Phi ki briew kiba shong ha Moab, iehnoh ïa la ki shnong! Khie bad leit sah ha ki riat bah! Long kum ka lyngdkhur kaba thaw ïa la ka skum harud jong ka synrang.

KA BAIBL

²⁸ “A phi kiba shong ha Moab, to iehnoh ïa ki shnong, bad to shong ha u mawsiang; bad to long kum ka lyngdkhur kaba thaw ïa la ka skum ha ki rud ka shyntur jong ka krem.

JEREMAÏAH 48:28 ပူးပေါင်းရင်းမြစ်များ

JENESIS 8:12

Nangta u ap sa hynñiew sngi, bad u pyllait biang ïa kata ka paro; ha kane ka sien kam shym la wan phai shuh.

JINGRWAI SOLOMON 2:14

Phi long kum ka lyngdkhur kaba rieh ha ki khap jong u mawsiang. Ai ngan ïohi ïa ka durkhmat ba-bhabriew jong phi bad ïohsngew ïa ka sur bakhring jong phi.

ISAÏAH 2:19

Ki briew kin rieh ha ki krem ha mawsiang lum lane tih thliew ha khyndew ban pyrshang ban lait na ka jingbitar jong U Trai bad ban rieh na ka bor bad ka burom jong u, haba u wan ban pynkhynñiuh ïa ka pyrthei.

JEREMAÏAH 48:9

To buh ïa u maw jingtep na ka bynta ka Moab; shen yn pynjot ïa ka. Ïa ki shnong jong ka yn ieh ha ka jingjot, bad yn ym don shuh uwei ruh u ban shong ban sah pat hangta.”

JEREMAÏAH 49:16

Ka jingsarong jong pha ka la shukor ïa pha. Ym don ba sheptieng ïa pha katta kumba pha pyrkhat ba ki long kumta. Pha shong ha ki synrang maw, ha kliar ki lumbah; hynrei wat la pha shong hajrong tam kum u pukni, U Trai un wallam ïa pha sha tbian. U Trai u la kren.”

JEREMAÏAH 49:8

Ko ki briew ka Dedan, to phai noh bad phet! To rieh! Ngan pynjot ïa ki khun ki ksiew u Iso, namar ka por ka la poi ïa nga ban pynshitom ïa ki.

NONGBISHAR 6:2

Ki Midian ki long kiba kham khlaiñ ban ïa ki Israel, bad ki paid Israel ki rieh ïa lade na ki ha ki krem bad ha kiwei pat ki jaka bashngain ha ki lumrit.

1 SAMUEL 13:6

Nangta ki pynlong ka jingtur ïaleh kaba tyngeh pyrshah ïa ki Israel, da kaba buh ïa ki ha ka khim khait. Katto katne na ki Israel ki rieh ha ki krem bad ha ki thliew, lane hapdeng ki mawsiang lane ha ki thliew bad ki pukri um;