JEREMAÏAH 48:19 - Khasi CL Bible (BSI)

¹⁹ Phi kiba shong ha Aroer, ïeng harud lynti bad ap; kylli na kito kiba ïaphet noh, wad jingtip na ki ïa kaei kaba la jia.

KA BAIBL

¹⁹ Ko uba shong ha Aroer, to ïeng harud lynti, bad to khmih: to kylli ïa uta uba phet noh, bad ïa kata kaba phet ïap noh; to ong, ‘La leh aïu sha?’

JEREMAÏAH 48:19 ပူးပေါင်းရင်းမြစ်များ

2 SAMUEL 24:5

Ki la jam ïa ka Jordan bad ki la sher dara ha ka phang bashathie jong ka Aroer, ka nongbah kaba don hapdeng jong ka them, ha ka ri ki Gad. Na kata ka jaka ki la leit shaphang shatei sha Jaser;

1 KHRONIKL 5:8

bad u Bela, u khun jong u Asas bad u ksiew jong u Shema, na ka kur Joel. Kane ka kur ka shong ka sah ha Aroer bad hapoh ka thain nangta shaphang shatei sha Nebo bad Baal Meon.

JINGKHEIÑ 32:34

Ka jait Gad ka tei biang ïa ki shnong ba la ker da ki kut: Dibon, Ataroth, Aroer,

DEUTERONOMI 2:36

U Trai U Blei jong ngi u la shah ba ngin ïohknieh ïa ki shnong baroh naduh Aroer kaba harud ka Them Arnon, bad ïa ka nongbah hapdeng kata ka them, haduh Gilead. Ym don kawei ruh ka shnong ïa kaba ngim shym jop.

JOSHUA 12:2

Uwei u dei u Sihon, u syiem Amor uba synshar ha Heshbon. Ka hima jong u ka kynthup shiteng jong ka Gilead: naduh Aroer (ha ka tduh jong ka Them Arnon) bad na ka nongbah kaba hapdeng jong kata ka them, shaduh ka wah Jabbok, ka khappud jong ki Ammon;

NONGBISHAR 11:26

La laispah snem ki Israel ki la shong ha Heshbon bad ha Aroer, bad ha ki shnong kiba sawdong jong ki, bad ha ki nongbah baroh kiba harud ka wah Arnon. Balei baroh shi katta mem shym la shim pat ïa ki?

1 SAMUEL 4:16

Uta u rangbah u ong, “Nga la lait phet na ka thma; bad nga la shu mareh shi lynter lynti haduh hangne mynta ka sngi.” U Eli u kylli ïa u, “Ka la jia aïu, ko khun jong nga?”