JEREMAÏAH 48:15 - Khasi CL Bible (BSI)

¹⁵ Ïa ka Moab bad ïa ki nongbah jong ka la pynjot, ïa ki samla shynrang bakynsai tam la pynïap. Nga long u syiem, U Trai Badonbor Baroh, bad nga la kren.

KA BAIBL

¹⁵ Ïa ka Moab la pynjot, bad ki la ïaleit sha ki shnong jong ka, bad ki samla ba la kynsai jong u ki la ïaleit hiar sha ka jingpynïap,” ong U Syiem, uba ka kyrteng jong u long “U Trai ki paid.”

JEREMAÏAH 48:15 ပူးပေါင်းရင်းမြစ်များ

SALM 47:2

U Trai, u Bahakhlieh Tam Eh, u long uba dei ban sheptieng; U long u syiem bakhraw, uba synshar halor ka pyrthei baroh.

JEREMAÏAH 46:18

Ma nga, U Trai Badonbor Baroh, nga long u syiem. Nga long U Blei Uba im. Kumba u lum Tabor u ïeng kynjang tam ïa ki lum bad u lum Karmel u ïeng hajrong tam ïa ka duriaw, kumta kan long ka jingkhlaiñ jong uta uba tur ïaleh ïa me.

JEREMAÏAH 48:4

“Ïa ka Moab la pynjot; ha sngap ïa ki khynnah ba ki ïam.

JEREMAÏAH 50:27

Pynïap ïa ki shipai jong ki baroh! Mait ïa ki! Ki briew ka Babilonia ki la kordit! Ka por ka la poi ïa ki ban shah pynshitom!”

JEREMAÏAH 50:34

Hynrei uwei u ban pyllait ïa ki u long uba khlaiñ — ka kyrteng jong u ka long U Trai Badonbor Baroh. Ma u hi da lade un bahkhlieh na ka bynta jong ki bad un wallam ïa ka jingsuk ha ka pyrthei, hynrei ka jingjynjar ïa ki briew jong ka Babilonia.”

JEREMAÏAH 51:40

Ngan ïalam ïa ki ban shah pynïap, kum ki khunblang, ki blang, bad ki langbrot shynrang. Ma nga, U Trai nga la kren.”

JEREMAÏAH 51:57

Ngan pynbuaid ïa ki nongsynshar jong ka — ki rangbah kiba stad, ki nongïalam, bad ki shipai. Kin ïohthiah bad kin ym kyndit shuh. Ma nga u syiem, nga la kren. Nga long U Trai Badonbor Baroh.

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

AMOS 4:10

“Nga la phah ïa ka khlam ha phi kum kata kaba nga la phah ha Ijipt. Nga la pynïap ïa ki samla shynrang jong phi ha ka thma bad nga la knieh noh ïa ki kulai jong phi. Nga la pyndap ïa ki thliew khmut jong phi da ka jingiwtung ki metïap ha ki jaka shong dara jong phi. Katta ruh phim shym la wan phai pat sha nga.

SEKHARAÏAH 14:9

Nangta U Trai un long u syiem jong ka pyrthei baroh; uwei pa uwei baroh un mane ïa u kum U Blei bad tip ïa u da kajuh ka kyrteng.

MALAKHI 1:14

Ka jingtim ka long ïa u nongshukor uba kñia da u jingri u bymdondor sha nga, haba ha ka kynhun langbrot jong u, u don u jingri uba biang, uba u la kular ban ai ïa nga! Naba nga long u syiem uba khraw, bad ki jaitbynriew jong ki hima baroh ki sheptieng ïa nga.”

JAKOB 5:4

Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.

JINGPYNPAW 19:16

Ha ka jaiñkup jong u bad ha ka lbong jong u la thoh ïa ka kyrteng: “U Syiem jong ki syiem bad U Trai jong ki trai.”