JEREMAÏAH 48:13 - Khasi CL Bible (BSI)

¹³ Nangta ki nong Moab kin ym sngewbha ïa u blei Khemosh jong ki, kumba ki Israel kim sngewbha ïa u blei Bethel ha uba ki shaniah.

KA BAIBL

¹³ Bad u Moab un lehrain ïa u Khemosh, kumba ka ïing Israel ka la lehrain ïa ka Bethel ka jingshaniah jong ki.”

JEREMAÏAH 48:13 ပူးပေါင်းရင်းမြစ်များ

1 SYIEM 11:33

Ngan leh ïa kane namar u Solomon u la kyntait ïa nga bad u la mane ïa ki blei nongwei: ka Astarte, ka blei ki Sidon; u Khemosh, u blei ki Moab; bad u Molekh, u blei ki Ammon. U Solomon u la lyndet ïa nga; u la leh palat, bad um shym la sumar ïa ki aiñ bad ki hukum jong nga kumba u Dabid u kpa jong u, u la leh.

1 SYIEM 11:7

Halor u lum uba sha mihngi na Jerusalem u tei ka jaka mane ïa u Khemosh, u blei ba-ijli jong ki Moab, bad ka jaka mane ïa u Molekh, u blei ba-ijli jong ki Ammon.

1 SYIEM 18:40

U Elijah u hukum bad ong, “Kem ïa ki nongïathuhlypa jong u Baal; wat ai ba uno uno na ki un lait phet!” Ki paidbah ki la kem ïa ki baroh, bad u Elijah u la ïalam ïa ki sha ka wah Kishon bad pynïap ïa ki.

2 KHRONIKL 25:15

Kane ka la pynlong ïa U Trai ban bitar, kumta u la phah ïa u nongïathuhlypa sha u Amasaïah. U nongïathuhlypa u la dawa, “Balei ba phi mane ïa ki blei nongwei ki bym lah wat ban pyllait im ïa ki briew jong ki na ka bor jong me?”

ISAÏAH 16:12

Ki briew jong ka Moab ki pynlwait ïa lade da kaba leit sha ki jaka mane ha ki lumbah bad sha ki templ jong ki ban duwai, hynrei kan ym manbha ïa ki.

ISAÏAH 2:20

Haba kata ka sngi ka wan, kin bret sharud ïa ki bleithaw ksiar bad rupa ba ki la thaw, bad kin iehnoh ïa ki ha ki khnai tynjit bad ha ki lymbit.

ISAÏAH 45:16

Kito kiba shna bleithaw baroh kin shah lehrain; baroh na ki kin jahburom.

ISAÏAH 45:20

U Trai u ong, “Ale lang, ko ki briew jong ki hima, baroh kiba lait im na ka jingkyllon ka hima-patsha; ai ïa lade na ka bynta ka jingbishar! Ki briew kiba ïaid bad la ki bleithaw kiba da ki dieng bad duwai sha ki blei ki bym lah ban pynim ïa ki — kito ki briew ki bymtip ei ei satia!

JEREMAÏAH 48:12

“Te mynta, ka por ka poi haba ngan phah ïa ki briew ban theh noh ïa ka Moab kum ka waiñ. Kin pynthylli ïa ki khra buh waiñ bad pynpait lyngkhot ïa ki.

JEREMAÏAH 48:39

Ïa ka Moab la pynkhynñiuh! To kyang jam! Ïa ka Moab la pynjahburom. Ka don ha ki jingjot, bad baroh ki hima ba don sawdong ki rkhiebeiñ ïa ka. Ma nga, U Trai, nga la kren.”

JEREMAÏAH 48:46

Isynei ïa ki briew ka Moab! Ïa ki briew kiba mane ïa u Khemosh la pynjot, bad ïa ki khun shynrang bad ki khun kynthei la ïalam noh kum ki koidi.

JEREMAÏAH 48:7

“Ko Moab, pha shaniah ha la ka jingkhlaiñ bad ha la ka spah, hynrei mynta wat ïa pha ruh yn jop noh; ïa u blei Khemosh jong pha yn ringmraw, lem bad ki khun syiem bad ki lyngdoh.

NONGBISHAR 11:24

Hato men dang leit ban shim biang ïa ka? Me lah ban bat kat ïa kaba u Khemosh u blei jong me u la ai ha me. Hynrei ngi te ngin bat ïa kata baroh kaba U Trai, U Blei jong ngi, u la ai ha ngi.