JEREMAÏAH 48:12 - Khasi CL Bible (BSI)

¹² “Te mynta, ka por ka poi haba ngan phah ïa ki briew ban theh noh ïa ka Moab kum ka waiñ. Kin pynthylli ïa ki khra buh waiñ bad pynpait lyngkhot ïa ki.

KA BAIBL

¹² “Namar kata, ha khmih, ki sngi kin wan,” ong U Trai, “ba ngan phah ha u ïa kita ki ban theh, bad kin theh noh ïa u; bad kin pynsuda ïa ki khiew jong u, bad kin pynpait lwet ïa ki bitor jong ki.

JEREMAÏAH 48:12 ပူးပေါင်းရင်းမြစ်များ

SALM 2:9

Men pynkheiñ ïa ki da u diengduh nar; men pynpra ïa ki lyngkhot lyngkhai kum ïa u khiew khyndew.’”

ISAÏAH 16:2

Ki ap ha ki rudwah jong ka wah Arnon bad ki ïaid khlem jingmut shane shatai, kum ki sim kiba la shah beh noh na ki skum jong ki.

ISAÏAH 30:14

Phin sa pra kum u khra, uba la phret jin haduh ba ym don shuh ka lyngkhot, da kaba yn lah ban khat ïa ki rnga bakhluit, lane tong um na ka pung-um.”

JEREMAÏAH 14:3

Ki briew bariewspah ki phah ïa la ki shakri ban tong um; ki leit sha ki thliew pynlang um, hynrei kim shem um; ki wan phai pat bad ki khra thylli. Ki la noh mynsiem bad shaïong jingmut, ki buhrieh ïa la ki durkhmat.

JEREMAÏAH 19:10

Nangta U Trai u la bthah ïa nga ban pynpait ïa u khra ha khmat jong ki rangbah kiba la ïaleit bad nga

JEREMAÏAH 25:34

To ïam, ko phi ki nongïalam, phi ki nongsharai jong ki briew jong nga, to kyang jam! To ïambriew bad tyllun halor u pui pui. Ka por ka la poi na ka bynta jong phi ban shah pynïap, bad yn sa ot doh ïa phi kum ïa ki langbrot shynrang.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 48:11

U Trai u ong, “Ka Moab ka la ju long kaba shongshngain bad ym pat ju ïalam mraw ïa ka. Ka Moab ka long kum ka waiñ kaba la shu ieh kumta khlem pynkhih bad ka bym ju phylliew na uwei u klong sha uwei pat. Ïa ka jingsuhsieng jong ka ym pat shu pynsniew, bad ka jingmad jong ka, ka long kaba bang kumba ju long.

JEREMAÏAH 48:13

Nangta ki nong Moab kin ym sngewbha ïa u blei Khemosh jong ki, kumba ki Israel kim sngewbha ïa u blei Bethel ha uba ki shaniah.

JEREMAÏAH 48:15

Ïa ka Moab bad ïa ki nongbah jong ka la pynjot, ïa ki samla shynrang bakynsai tam la pynïap. Nga long u syiem, U Trai Badonbor Baroh, bad nga la kren.

JEREMAÏAH 48:38

Halor ki tnum ïing baroh ha Moab bad ha baroh ki jaka paidbah ym don ei ei hynrei tang ka jingïam sngewsih, namar nga la pynpait ïa ka Moab kum u khra uba ym don shuh mano mano ban kwah.

JEREMAÏAH 48:8

Yn ym don kawei ruh ka shnong ka ban lait na ka jingpynjot; ki ri them bad ki ri thor kin shah pynjot. Ma nga, U Trai, nga la kren.

NAHUM 2:2

(U Trai u la sdang artat ban pynïoh pat ïa ka burom jong ka Israel, kumba ka la long ha khmat ki nongshun kiba la lute ïa ka.)