JEREMAÏAH 48:11 - Khasi CL Bible (BSI)

¹¹ U Trai u ong, “Ka Moab ka la ju long kaba shongshngain bad ym pat ju ïalam mraw ïa ka. Ka Moab ka long kum ka waiñ kaba la shu ieh kumta khlem pynkhih bad ka bym ju phylliew na uwei u klong sha uwei pat. Ïa ka jingsuhsieng jong ka ym pat shu pynsniew, bad ka jingmad jong ka, ka long kaba bang kumba ju long.

KA BAIBL

¹¹ “U Moab u la long ha kaba suk naduh ba u dang samla, bad u la neh slem halor ka ryngkhai jong u, bad ym shym la phylliew na u khiew sha u khiew, lymne um shym leit sha ka jinglongmraw: namar kata ka jingmad jong u ka ïaisah ha u, bad ka jingiw jong u kam shym kylla.

JEREMAÏAH 48:11 ပူးပေါင်းရင်းမြစ်များ

SALM 123:4

La slem ngi la shah rkhiebeiñ ha kiba riewspah, la ibeiñ da ki nongbanbeiñ kiba sarong.

SALM 55:19

U Blei, uba la synshar naduh bymjukut, un ïohsngew ïa nga bad un jop ïa ki; naba ki kyntait ban kylla, bad kim sheptieng ïa u.

PROBERB 1:32

Ki briew ki bym don jingtip ki ïap namar ba ki kyntait ïa ka jingstad. Ki briew kiba mutlop ki shah pynjot namar ba ki leh bymsuidñiew.

ISAÏAH 16:6

Ki briew jong ka Judah ki ong, “Ngi la ïohsngew katno ki briew jong ka Moab ki long kiba sarong. Ngi tip ba ki long kiba sngewmeng bad kiba sarong palat, hynrei ka jingkob jong ki ka long kaba thylli.”

ISAÏAH 24:3

Ka pyrthei kan ka pra bad kan jot. U Trai u la kren bad ïa kata yn pyndep.

ISAÏAH 25:6

Hangne halor u Lum Seïon, U Trai Badonbor Baroh un pynkhreh ka jingkhawai bah na ka bynta ki jaitbynriew baroh jong ka pyrthei — ka jingkhawai bah da ki jingbam bakyrhai eh bad ka waiñ bakynsai tam.

JEREMAÏAH 22:21

U Trai u la kren ha phi mynba phi dang manbha, hynrei phi kyntait ban shahshkor. Kata ka long kaei kaba phi leh shi lynter ka jingim jong phi, phim ju treh ban kohnguh ïa U Trai.

JEREMAÏAH 48:12

“Te mynta, ka por ka poi haba ngan phah ïa ki briew ban theh noh ïa ka Moab kum ka waiñ. Kin pynthylli ïa ki khra buh waiñ bad pynpait lyngkhot ïa ki.

JEREMAÏAH 48:29

Ka Moab ka sarong palat! Nga la ïohsngew katno ka jingsarong, ka jingsngewbiang ki briew ki long, katno ki pyrkhat shaphang ïa lade.

JEREMAÏAH 51:34

U syiem ka Babilonia u la pynkut ïa ka Jerusalem bad bam ïa ka. U pynthylli ïa ka nongbah kum ïa u khra; kum u mrad kynsha u la nguid ïa ka. U la shim kat ïa kaba u kwah bad bret noh ïa kiba sah.

NAHUM 2:10

Ïa ka Ninebeh la pynjot, la iehnoh, kaba kynjah! Ki dohnud ki um da ka jingsheptieng; ki khohsiew ki khynñiuh, ka jingkhlaiñ ka la jah noh; ki durkhmat ki la kylla lieh blaid blaid.

NAHUM 2:2

(U Trai u la sdang artat ban pynïoh pat ïa ka burom jong ka Israel, kumba ka la long ha khmat ki nongshun kiba la lute ïa ka.)

SEPHANAÏAH 1:12

“Ha kata ka por ngan shim ïa ka sharak bad wad ïa ka Jerusalem. Ngan pynshitom ïa ki briew kiba sngewhun ha lade bad kiba sngewskhem, kiba ong ha lade, ‘U Trai um ju leh ei ei, kumne lane katai.’

SEKHARAÏAH 1:15

bad nga bitar shikatdei eh ïa ki jaitbynriew kiba sngewkmen ïa ka jingjar jar bad ka jingsuk. Namar katba nga dang bat ïa ka jingbitar jong nga pyrshah ïa ki briew jong nga, kito ki jaitbynriew ki la kham pynsniew ïa ki jingshitom jong ki briew jong nga.