JEREMAÏAH 48:10 - Khasi CL Bible (BSI)

¹⁰ (Long ba la tim ïa u briew u bym leh ïa ka kam U Trai da ka dohnud jong u baroh! Long ba la tim ïa uno uno u bym pom bad pynïap!)

KA BAIBL

¹⁰ “Long ba la tim ïa uta uba leh bymsuidñiew ïa ka kam jong U Trai, bad long ba la tim ïa uta uba pynkynran noh ïa ka waitlam jong u na ka snam.

JEREMAÏAH 48:10 ပူးပေါင်းရင်းမြစ်များ

1 SYIEM 20:39

Katba u syiem u dang ïaid, u nongïathuhlypa u khot ïa u bad ong, “Syiem Kynrad, katba nga dang ïaleh thma, u shipai u wallam sha nga ïa u nongshun ba shah kem bad u ong, ‘Ap bha ïa une u briew; lada u lait phet, phin hap ban siew da la ka jong ka jingim lane phin hap siew kuna lai hajar ki sbai rupa.’

1 SYIEM 20:40

Hynrei nga la bunkam bad kiwei pat ki kam, kumta uta u briew u lait noh.” U syiem u jubab, “Phi la pynbna hi ïa ka rai, bad phin hap siew ïa ka kuna.”

1 SYIEM 20:42

Nangta u nongïathuhlypa u ong ha u syiem, “Kane ka dei ka ktien U Trai: ‘Namar ba me la shah ïa u briew ban lait phet ïa uba nga la hukum ban pynïap, men hap ban siew da la ka jingim, bad ïa ka kynhun shipai jong me yn pynjot namar ba la pyllait ïa ka kynhun shipai jong u ban lait phet.’ ”

2 SYIEM 13:19

Kane ka la pynbitar ïa u Elisha, bad u ong ïa u syiem, “Me la dei ban pduh san ne hynriew sien, bad nangta men jin da la jop pura halor ki Syria; hynrei mynta men jop ïa ki tang lai sien.”

JEREMAÏAH 11:3

ba ma nga, U Trai U Blei ki Israel, nga la buh ka jingtim halor uwei uwei baroh u bymkohnguh ïa ki kyndon jong kane ka jutang.

JEREMAÏAH 47:6

Phi kyang jam, ‘Ka waitlam jong U Trai! Katno slem phin ïai talain ïa ka? Khie leit phai noh sha ka jingsop, sah hangta bad shongthait!’

JEREMAÏAH 47:7

Kumno ka lah ban shongthait, haba nga la ai kam ïa ka ban leh? Nga la hukum ïa ka ban tur ïaleh ïa ka Ashkelon bad ïa ki briew kiba sah ha ki rud duriaw.”

JEREMAÏAH 50:25

Nga la plie ïa ka jaka ha kaba la buh ïa ki atiar jong nga, bad ha ka jingbitar nga la shim noh ïa ki, namar ma nga, U Trai Nongsynshar Badonbor Baroh, nga don ka kam ban leh ha Babilonia.

JEREMAÏAH 50:27

Pynïap ïa ki shipai jong ki baroh! Mait ïa ki! Ki briew ka Babilonia ki la kordit! Ka por ka la poi ïa ki ban shah pynshitom!”

JOSHUA 10:19

hynrei ma phi pat wat sah hangta. Ïai beh ïa ki nongshun jong phi, bad tur ïaleh ïa ki na shadien; wat ailad ba kin ïohrung sha la ki jong ki nongbah! U Trai U Blei jong phi u la ai ha phi ka jingjop halor jong ki.”

NONGBISHAR 5:23

“Buh ka jingtim halor ka Meros,” ong u angel jong U Trai, “Ka jingtim, ka jingtim halor kito kiba sah hangta. Kim shym la wan ïarap ïa U Trai, Kim shym wan kum ki shipai ban ïaleh pyrshah na ka bynta jong u.”

1 SAMUEL 15:3

Khie leit bad tur ïaleh ïa ki Amalek, bad pynjot lut khoit kat kaba ki don. Wat pynsah ei ei ruh; pynïap lut ïa ki rangbah, ki kynthei, ki khynnah bad ki khunlung; ki masi bad ki langbrot, ki ut bad ki kada baroh.”

1 SAMUEL 15:9

Hynrei u Saul bad ki rangbah jong u ki pynsah im ïa u Agag, bad kim shym pynïap ïa ki langbrot bad ki masi kiba kynsai tam, ïa ki khun masi bad ki khunlangbrot kiba kynsai tam, bad ïa kano kano kaba kordor; ki la pynjot tang ïa kata ka bymlarkam ne bymdonkam ei ei shuh.