JEREMAÏAH 48:1 - Khasi CL Bible (BSI)

¹ Kane ka dei kaei kaba U Trai Badonbor Baroh u ong shaphang ka Moab: “Isynei ïa ki briew jong ka Nebo — ïa ka shnong jong ki la pynjot! La kurup ïa ka Kiriathaim, ïa ka kut baskhem la pynpra, bad ïa ki briew jong ka la pynlehrain; ka burom jong ka Moab ka la jah noh.

KA BAIBL

¹ Shaphang ki Moab: Kumne u ong Trai ki paid, U Blei ki Israel: “Kordit ïa u Nebo! namar ba la pynjot ïa u; ïa ka Kiriathaim la pynlehrain, bad la jop noh ïa ka: ïa ka Misgab la pynlehrain bad la pynkyllon.

JEREMAÏAH 48:1 ပူးပေါင်းရင်းမြစ်များ

JENESIS 14:5

Ha ka snem kaba khatsaw, u Khedorlaomer lem bad kita ki syiem kiba don ha ka liang jong u ki la wan ryngkat bad la ki shipai bad jop ïa ki Rephaim ha Ashteroth Karnaim, ïa ki Susim ha Ham, ïa ki Emim ha ka pyntha jong ka Kiriathaim,

JENESIS 19:37

Ka khun nyngkong ka la kha khun shynrang ïa uba ka jer kyrteng u Moab. U la long u kpa tymmen jong ki Moab haduh kine ki sngi.

2 KHRONIKL 20:10

“Mynta ki briew jong ka Ammon, ka Moab bad ka Edom ki la tur ïaleh ïa ngi. Mynba ki kpa tymmen ki mihnoh na Ijipt, mem shym la shah ïa ki ban rung ha kito ki ri, kumta ba ki kpa tymmen jong ngi ki la hap ban ïaid sawdong jong ki bad mem shym la pynjot ïa ki.

ISAÏAH 25:10

U Trai un ïada ïa u Lum Seïon, hynrei ki briew jong ka Moab kin shah ïuhroit, kumba ïa u phlangïap la ïuh haba shna sboh.

ISAÏAH 25:12

Un pynjot ïa ki kut jong ki Moab bad ïa ki kynroh bajrong jong ki bad pynhap ïa ki shapoh khyndew.

ISAÏAH 27:3

“Ngan khmih ïa ka bad ïai ai um ïa ka. Ngan ap phira ïa ka mynmiet bad mynsngi khnang ba yn ym don mano mano u ban pynsniew ïa ka.

JEREMAÏAH 27:3

Nangta U Trai u la bthah ïa nga ban phah ka khubor sha ki syiem jong ka Edom, ka Moab, ka Ammon, ka Tyros, bad ka Sidon lyngba ki nongkit 'tiensyiem jong ki, kiba lah wan sha Jerusalem ban jngoh ïa u syiem Sedekaïah.

JINGKHEIÑ 24:17

Nga khmih sha ka lawei, Bad nga ïohi ïa ka jaitbynriew Israel. U syiem, uba kum u khlur phyrnai, un mih ha kata ka jaitbynriew. Kum u 'lur dih duma un wan mih na Israel. Un shoh ïa ki nongïalam ki Moab, Bad un pyndem ïa ki briew jong u Seth.

JINGKHEIÑ 32:3

“Kane ka thain ba U Trai u la ïarap ïa ki Israel ban ïohkynti — ki shnong Ataroth, Dibon, Jaser, Nimrah, Heshbon, Elealeh, Sibmah, Nebo bad Beon — ka long ka jaka kaba bha na ka bynta ki jingri, bad ngi don shibun bah ki jingri.

JOSHUA 13:19

ka Kiriathaim, ka Sibmah, ka Serethshahar halor u lum uba don ha ka them,