JEREMAÏAH 47:7 - Khasi CL Bible (BSI)

⁷ Kumno ka lah ban shongthait, haba nga la ai kam ïa ka ban leh? Nga la hukum ïa ka ban tur ïaleh ïa ka Ashkelon bad ïa ki briew kiba sah ha ki rud duriaw.”

KA BAIBL

⁷ Kumno pha lah ban long jar jar, haba U Trai u la ai ka hukum ïa pha? pyrshah ïa ka Ashkelon, bad pyrshah ïa ka rud duriaw, hangta u la buh ïa ka.’ ”

JEREMAÏAH 47:7 ပူးပေါင်းရင်းမြစ်များ

ISAÏAH 10:6

Nga la phah ïa ka Assyria ban tur ïaleh ïa ka jaitbynriew bym don blei, ki briew kiba la pynbitar ïa nga. Nga la phah ïa ki ban lute, ban tuh bad ban ïuhroit ïa ki briew kum ïa u pui pui ha ki lynti.”

ISAÏAH 13:3

U Trai u la khot ïa ki shipai jong u kiba sarong bad kiba sngewskhem ban ïaleh ïa ka thma bakhuid bad ban pynshitom ïa kito kiba u bitar.

ISAÏAH 37:26

“Hato mem pat ju ïohsngew ba nga la thmu ïa kane baroh slem mynshuwa? Bad mynta nga pynurlong ïa ka. Nga ai ha me ka bor ban pynkylla ïa ki nongbah ba la ker kynroh sha ki kynton theh ñiut.

JEREMAÏAH 48:10

(Long ba la tim ïa u briew u bym leh ïa ka kam U Trai da ka dohnud jong u baroh! Long ba la tim ïa uno uno u bym pom bad pynïap!)

ESEKIEL 14:17

“Lane nga lah ban wallam ka thma ha ka ri bad phah ki tiar pynjot ban pynduh lut ïa ki briew bad ki mrad kumjuh,

ESEKIEL 21:14

“Mynta, ko khun u briew, to ïathuhlypa. Thab ïa la ki kti, bad ka waitlam kan mait bad ïai mait. Ka dei ka waitlam kaba pynïap, ka waitlam ba pynshyrkhei bad ba mait.

ESEKIEL 21:30

“ ‘Buh ïa ka waitlam! Ngan bishar ïa me ha ka jaka ba la kha ïa me, ka ri ha kaba la kha ïa me.

ESEKIEL 21:9

“Ko khun u briew, to ïathuhlypa. Ong ïa ki briew ïa kaei ba ma nga, U Trai, nga ong: “Ïa ka waitlam, ïa ka waitlam la pynnep bad pynphyrnai.

ESEKIEL 25:16

Bad kumta nga pynbna ba ngan tur ïaleh ïa ki Philistia bad ban pynjah syndon ïa ki. Ngan pynjot ïa kiba sah baroh kiba dang im ha ki jaka madan ka Philistia.

AMOS 3:6

Hato ka turoi thma ka ju sawa ha ka nongbah khlem da pynlong ïa ki briew ban sheptieng? Hato ka jingjynjar ka ju ngat ha ka nongbah lymda U Trai u phah ïa ka?

MIKAH 6:9

Ka long ka jingstad ban sheptieng ïa U Trai. U pyrta ïa ka nongbah, “To shahshkor phi ki briew kiba ïalum ha ka nongbah!

1 SAMUEL 15:3

Khie leit bad tur ïaleh ïa ki Amalek, bad pynjot lut khoit kat kaba ki don. Wat pynsah ei ei ruh; pynïap lut ïa ki rangbah, ki kynthei, ki khynnah bad ki khunlung; ki masi bad ki langbrot, ki ut bad ki kada baroh.”