JEREMAÏAH 47:4 - Khasi CL Bible (BSI)

⁴ Ka por ka la poi ban pynjot ïa ka Philistia, ban pyndam noh na ka Tyros bad ka Sidon ïa ka jingïarap baroh kaba dang sah. Ma nga, U Trai, ngan pynjot ïa ki nong Philistia, baroh kiba wan na ki rud duriaw ka Krit.

KA BAIBL

⁴ namar kata ka sngi ka ban sa wan ban lute ïa ki Philistia baroh, ban ot noh na Tyros bad Sidon ïa u nongïarap baroh uba dang sah: namar U Trai un lute ïa ki Philistia, ïa kiba sah na ka 'dewlynnong Kaphtor.

JEREMAÏAH 47:4 ပူးပေါင်းရင်းမြစ်များ

JENESIS 10:15

Ki khun shynrang jong u Kanaan — u Sidon, u khun nyngkong jong u, bad u Heth — kiba long ki kpa tymmen jong ki briew kiba kheiñ jait na ki.

1 KHRONIKL 1:12

ka Pathrus, ka Kasluh, bad ka Krit (na kaba la wan mih pateng ki Philistia).

Ka Kitab U Job 9:13

Ka jingbitar U Blei ka ïaineh. U pynlwet ïa ki nongshun jong u kiba ïarap ïa u Rahab, u mrad kynsha ka duriaw, uba ïaleh pyrshah ïa u.

SALM 37:13

hynrei U Trai u rkhiebeiñ ïa ki bymman, namar u tip ba shen kin sa shah pynjot.

ISAÏAH 10:3

Kaei phin leh haba U Blei u pynshitom ïa phi? Kaei phin leh haba u wallam ka jingpynjot halor jong phi na ka ri bajngai? Shano phin mareh ban shem jingïarap? Hangno phin buhrieh ïa ka spah jong phi?

ISAÏAH 14:31

To ud bad to kyang ban ïoh jingïarap, phi baroh ki nongbah ka Philistia! To sngewshyrkhei, phi baroh! U lyoh pui pui u wan na ka phang bashatei — u long ka kynhun shipai bym don ki khawpud hapoh ka kyrdan jong ka.

ISAÏAH 20:6

Haba kata ka por ka wan, ki briew kiba shong shi lynter ka rud duriaw jong ka Philistia kin ong, ‘Khmih ïa kaei kaba la jia ha ki briew kiba ngi la shaniah ban ïada ïa ngi na u patsha jong ka Assyria! Kumno ngin ïohlait im?’ ”

ISAÏAH 31:8

Ïa ka Assyria yn pynjot ha ka thma, hynrei ym da ka bor briew. Ki nong Assyria kin phet ïap na ka thma, bad ïa ki samla shynrang jong ki yn pynlong mraw.

JEREMAÏAH 46:10

Kane ka long ka sngi jong U Trai Nongsynshar Badonbor Baroh: ha kane ka sngi un pynhiarkput; ha kane ka sngi un pynshitom ïa ki nongshun jong u. Ka waitlam jong u kan bam ïa ki haduh ban da kdang, bad dih ïa ka snam jong ki haduh ban da sngewhun. Ha kane ka sngi u Badonbor Baroh u kñia ïa kiba la shah pynmong ha ka phang bashatei, hajan ka Ïuphratis.

ESEKIEL 21:25

“Me u nongsynshar uba bymman bad bymkhuid jong ki Israel, ka sngi jong me, ka sngi jong ka jingpynshitom ba kut, ka wan.

ESEKIEL 21:29

Ki jingïohipaw ba phi ïohi ki long ki bymdei, bad ki jingïathuh lypa ba phi pynlong ki long kiba shukor. Phi long kiba bymman bad kiba sniew, bad ka sngi jong phi ka la wan, ka sngi jong ka jingpynjot kaba kut. Ka waitlam kan hap ha ki ryndang jong phi.

ESEKIEL 25:16

Bad kumta nga pynbna ba ngan tur ïaleh ïa ki Philistia bad ban pynjah syndon ïa ki. Ngan pynjot ïa kiba sah baroh kiba dang im ha ki jaka madan ka Philistia.

ESEKIEL 30:8

Haba nga tbeh ding ha ka Ijipt bad ïa ki nongkyrshan jong ka baroh yn pynïap, te ki tip ba nga long U Trai.

ESEKIEL 7:12

Ka por ka la poi. Ka sngi ka la jan, ha kaba ka jingïadie ïathied kan ym don jingmut shuh, namar ka jingpynshitom U Blei kan hap ha baroh kumjuh.

HOSIA 9:7

Ka por jong ka jingpynshitom ka la poi, ka por ha kaba ki briew kin ïoh ïa kaei kaba ki dei hok. Haba kata ka jia, ki Israel kin tip ïa ka! “Une u nongïathuhlypa,” phi ong, “u dei uba bieit. Une u briew uba ïoh mynsiem u dei uba lamwir.” Phi ki briew phi isih jur ïa nga namar ba la jyllei eh ki pop jong phi.

AMOS 9:7

U Trai u ong, “Ko ki paid Israel, nga da pyrkhat ïa ki briew ka Sudan kumba nga leh ïa phi. Nga la wallam ïa ki nong Philistia na Krit bad ïa ki nong Syria na Kir, kumba nga la wallam ïa phi na Ijipt.

LOUKAS 21:22

Naba kito kin long ‘Ki Sngi ka Jingpynshitom,’ ban pynlong ïa baroh kaba ki Jingthoh Bakhuid ki ong ban urlong shisha.

DEUTERONOMI 2:23

Ka jaka harud ka Duriaw Mediterranian ka long kaba shong da ki Kaphtorim kiba wan na ka dewlynnong Krit. Kine ki la pynjot ïa ki Abbim kiba dei ki trai jaka, bad ki knieh lut ïa ka ri jong ki haduh ka shnong Gasa kaba shaphang shathie.)

JOSHUA 22:30

U Phinehas u lyngdoh bad ki shiphew ngut ki riewkhmat jong ka kynhun kaba don bad u, ki khlieh jong ki longïing jong ki jait ba sha sepngi, ki la ïohsngew ïa kaei ba u paidbah jong ki jait Reuben, Gad, bad Manasseh ba sha Mihngi ki don ban ong, bad ki la sngewhun.