JEREMAÏAH 47:2 - Khasi CL Bible (BSI)

² U ong: “Ha khmih! Ki um ki la nang shlei na shatei bad kin tuid stet kum ka wah ba la shlei um. Kin tap ïa ka ri bad ïa kiei kiei baroh kiba don ha ka, ki nongbah bad ki briew kiba im hangta. Ki briew kin pyrta jingïarap; baroh kiba ha ka pyrthei kin ïamkthang.

KA BAIBL

² “Kumne u ong U Trai: ‘Ha khmih, ki um ki mih noh na shatei, bad kin kylla long ka wah ba shlei, bad kin jyntia ïa ka ri bad ïa baroh kaba don ha ka, ïa ka shnong bad ïa kita kiba shong ha ka; bad ki briew kin ïapyrta, bad ki nongshong jong ka ri baroh kin lynñiar.

JEREMAÏAH 47:2 ပူးပေါင်းရင်းမြစ်များ

SALM 24:1

Ka pyrthei bad baroh kiba don ha ka ki dei ki jong U Trai; ka khyndew bad baroh kiba shong ha ka ki dei ki jong u.

SALM 50:12

“Lada nga thngan, ngan ym pan jingbam na phi, namar ka pyrthei bad baroh kiba don ha ka ki long ki jong nga.

SALM 96:11

To lehkmen, ko ka khyndew bad ka sahit bneng! To kyrhuh, ko ka duriaw bad baroh ki jingthaw ba don ha pha;

SALM 98:7

To kyrhuh, ko ka duriaw, bad ki jingthaw baroh kiba don ha pha; rwai, ko ka pyrthei, bad baroh kiba shong ha pha!

ISAÏAH 14:31

To ud bad to kyang ban ïoh jingïarap, phi baroh ki nongbah ka Philistia! To sngewshyrkhei, phi baroh! U lyoh pui pui u wan na ka phang bashatei — u long ka kynhun shipai bym don ki khawpud hapoh ka kyrdan jong ka.

ISAÏAH 15:8

Ha kylleng ki pud jong ka Moab la ïohsngew ïa ka jingkyang. La ïohsngew ha ki shnong jong ka Eglaim bad Beerelim.

ISAÏAH 22:1

Kane ka dei ka khubor shaphang ka Them ka Jingïohipaw. Kaei kaba jia? Balei ki briew baroh jong ka nongbah ki rakhe lehkmen halor ki tnum ïing?

ISAÏAH 28:17

Ka jingbishar hok kan long u 'sai-thew na ka bynta ka nongrim, bad ka jinglehhok kan long u 'sai-sawar jong ka.” U phria un sar noh ïa baroh ki jingshukor ha kiba phi shaniah, bad ki jingshlei kin pynjot ïa ki jingsngewshngain jong phi.

ISAÏAH 59:19

Naduh mihngi shaduh sepngi baroh kin sheptieng ïa u bad ïa ka bor bakhraw jong u. Un wan kum ka um ba kyrthep, kum ka lyer kaba jur.

JEREMAÏAH 1:14

U ong ha nga, “Ka jingpynjot kan thnam na ka phang bashatei halor baroh kiba shong basah ha kane ka ri,

JEREMAÏAH 46:12

Ki jaitbynriew ki la ïohsngew shaphang ka jingshah lehrain jong pha; baroh ki la ïohsngew ïa ka jingïam jong pha. Uwei u shipai u ban halor uwei pat, bad baroh ar ngut ki kyllon ha madan.

JEREMAÏAH 46:13

Mynba u Nebukhadnessar, u syiem ka Babilonia u la wan ban tur ïaleh ïa ka Ijipt, U Trai U la kren ha nga. U ong,

JEREMAÏAH 46:20

Ka Ijipt ka long kum ka masi baphylla, ba la tur ïaleh da u skain ba kynthah na shatei.

JEREMAÏAH 46:24

Ïa ki briew ka Ijipt la pynlehrain; la jop ïa ki da ki briew ba na shatei. Ma nga, U Trai, nga la kren.”

JEREMAÏAH 48:39

Ïa ka Moab la pynkhynñiuh! To kyang jam! Ïa ka Moab la pynjahburom. Ka don ha ki jingjot, bad baroh ki hima ba don sawdong ki rkhiebeiñ ïa ka. Ma nga, U Trai, nga la kren.”

JEREMAÏAH 6:22

U Trai u ong, “Ki briew ki wan na ka ri ha ka phang bashatei; ka jaitbynriew kaba khrawbor na sha jngai bah ka pynkhreh ïa ka thma.

JEREMAÏAH 8:16

Ki nongshun jong ngi ki la da don hapoh ka nongbah Dan; ngi ïohsngew ïa ka jingsawa pynhiar mynsiem jong ki kulai jong ki. Ka ri baroh kawei ka khynñiuh haba ki kulai jong ki, ki pah. Ki nongshun jong ngi ki la wan ban pynjot ïa ka ri jong ngi bad ïa kiei kiei baroh kiba ha ka, ka nongbah jong ngi bad baroh ki briew jong ka.”

DANIEL 11:22

Ïa uno uno uba pyrshah ïa u, wat u Rangbah Lyngdoh jong U Blei, un shah sar noh bad shah pynduh.

NAHUM 1:8

Kum ka jingsyllad ka jingshlei um bakhraw u pynjot thiaw ïa ki nongshun jong u; u phah sha ka jingïap jong ki ïa kito kiba pyrshah ïa u.

1 KORINTH 10:26

Naba, ka Jingthoh Bakhuid ka ong, “Ka khyndew bad kiei kiei kiba don ha ka ki long ki jong U Trai.”

1 KORINTH 10:28

Hynrei lada uno uno u ong ïa phi, “Kane ka dei ka jingbam ba la kñia ha ki bleithaw,” te wat nym bam phi ïa kata ka jingbam, na ka bynta uta uba la ïathuh ïa phi bad na ka bynta ka jingïatiplem —

JAKOB 5:1

Bad mynta, phi ki briew kiba riewspah, to shahshkor ïa nga! to ïam bad to lynñiar ïa ki jinglanot ki ban wan hap ha phi!

JINGPYNPAW 17:1

Nangta uwei na kita ki hynñiew ngut ki angel kiba la don ïa ki hynñiew tylli ki pliang, u la wan sha nga bad u la ong, “Ale, ngan pyn-i ha me ba kumno yn pynshitom ïa ka nuti bapawnam, kata ka nongbah bakhraw ïa kaba la tei hajan ki wah babun.

JINGPYNPAW 17:15

U angel u la ong ruh ha nga, “Ki um ïa kiba me la ïohi, ha kaba kata ka nuti ka shong, ki long ki jaitbynriew, ki paidlang, ki kynja bynriew bad ki jait ktien.