JEREMAÏAH 46:6 - Khasi CL Bible (BSI)

⁶ Kito kiba mareh stet kim shym lah ban phet; ki shipai kim shym lah ban lait. Ha ka phang bashatei, hajan ka Ïuphratis, ki jynthut bad ki kyllon.

KA BAIBL

⁶ “Wat ai ba uba stet un phet ïap noh, lymne ba u bakhlaiñ un lait; shaphang shatei hajan ka wah Ïuphratis ki la jynthut bad ki la kyllon.

JEREMAÏAH 46:6 ပူးပေါင်းရင်းမြစ်များ

2 SYIEM 23:29

Katba u Josaïah u long syiem, u Neko u syiem ka Ijipt u ïalam ïa ka kynhun shipai sha ka wah Ïuphratis ban ïarap ïa u patsha ka Assyria. U syiem Josaïah u la pyrshang ban pynsangeh ïa ka kynhun shipai ki Ijipt ha Megiddo bad u la shah pynïap ha ka thma.

2 SYIEM 24:7

U syiem Ijipt bad ka kynhun shipai jong u kim ju mih shuh shabar ka Ijipt, namar u syiem Babilonia mynta u synshar ïa baroh ka ri kaba dei jong ka Ijipt, naduh ka wah Ïuphratis shaduh ka pud bashatei jong ka Ijipt.

SALM 27:2

Haba ki riewsniew ki tur ïaleh ïa nga bad pyrshang ban pynïap ïa nga, ki jynthut bad ki kyllon.

EKLESIASTIS 9:11

Nga la sngewthuh sa kawei pat, ba ha kane ka pyrthei ki nongmareh kiba stet kim ju ïai jop sah ïa ki jingïamareh thong, bad kiba shlur kim ju ïai jop sah ïa ka thma. Ki briew kiba stad kim ju ïai kamai sah ban im, ki briew kiba proh jingmut kim ju ïai ïoh spah, bad ki briew kiba lah ban leh ei ei kim ju ïai kiew sha ki kyrdan bashalor. Ka kupar basniew ka jia ha uwei pa uwei.

ISAÏAH 8:15

Kiba bun kin jynthut; kin kyllon bad kin shah pynlwet. Yn pynngat ïa ki ha ka jingriam.”

JEREMAÏAH 1:14

U ong ha nga, “Ka jingpynjot kan thnam na ka phang bashatei halor baroh kiba shong basah ha kane ka ri,

JEREMAÏAH 20:11

Hynrei ma me, A Trai, me long ha ka liang jong nga, uba khlaiñ bad bakhrawbor, bad kito kiba pynshitom beiñ ïa nga kin ym jop, kin shah pynlehrain junom, namar kim lah ban jop. Ïa ka jingjahburom jong ki yn ym klet noh da lei lei.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 4:6

To kdew ïa ka lynti sha Seïon! To phet ban lait im! Wat ym pynslem! U Trai u wallam ka jingjot bad ka jingpynjot kaba khraw na shatei.

JEREMAÏAH 46:10

Kane ka long ka sngi jong U Trai Nongsynshar Badonbor Baroh: ha kane ka sngi un pynhiarkput; ha kane ka sngi un pynshitom ïa ki nongshun jong u. Ka waitlam jong u kan bam ïa ki haduh ban da kdang, bad dih ïa ka snam jong ki haduh ban da sngewhun. Ha kane ka sngi u Badonbor Baroh u kñia ïa kiba la shah pynmong ha ka phang bashatei, hajan ka Ïuphratis.

JEREMAÏAH 46:12

Ki jaitbynriew ki la ïohsngew shaphang ka jingshah lehrain jong pha; baroh ki la ïohsngew ïa ka jingïam jong pha. Uwei u shipai u ban halor uwei pat, bad baroh ar ngut ki kyllon ha madan.

JEREMAÏAH 46:16

Ki shipai jong phi ki jynthut bad ki kyllon; uwei u ong ïa uwei pat, ‘Pynkloi! Ïa ngin ïaleit sha ïing sha ki briew jong ngi bad ban ïohlait im na ka waitlam u nongshun!’

JEREMAÏAH 50:32

Ka hima basarong jong pha kan jynthut bad kyllon, bad yn ym don ban ïarap ban khyllie ïa pha. Ngan thang ïa ki nongbah da ka ding, bad kiei kiei baroh sawdong yn pynjot.”

JEREMAÏAH 6:1

Ko ki briew ka Benjamin, to phet ban lait im! Phet noh na Jerusalem! Pynsawa ïa ka turoi ha Tekoa bad to thaw ka ding-ai-dak ha Beth Hakkherem. Ka jingjot bad ka jingpynjot ki la wan artat na shatei.

DANIEL 11:19

U syiem un wan phai pat sha ki kut ki jong ka ri jong u hi, hynrei un shahjop, bad kata kan long ka jingkut jong u.

DANIEL 11:22

Ïa uno uno uba pyrshah ïa u, wat u Rangbah Lyngdoh jong U Blei, un shah sar noh bad shah pynduh.