JEREMAÏAH 46:5 - Khasi CL Bible (BSI)

⁵ “Hynrei kaei ba nga ïohi?” U Trai u kylli. “Ki phai dien ha ka jingsheptieng. Ki shipai jong ki, ki shah beh noh; kiba dap da ka jingsheptieng, ki mareh stet kat lah kat ïai bad kim kyrtiang dien.

KA BAIBL

⁵ Balei nga la ïohi ïa ka? Ki la khaw-eit bad ki la kylla da dien; bad ïa ki riewradbah jong ki la shah jop, bad ki la phet noh stet, bad kim shym kyrtiang dien: ka jingshyrkhei baroh sawdong,” ong U Trai.

JEREMAÏAH 46:5 ပူးပေါင်းရင်းမြစ်များ

JENESIS 19:17

Uwei na kita ki angel u ong, “Phet ïap noh! Wat kyrtiang dien bad wat sangeh ha ka them. Phet ïap sha ki lum, ba phin ym shah pynïap.”

ISAÏAH 13:8

Ki baroh kin shah pynshyrkhei, bad ka jingpang kan ban ïa ki, kum ka jingpang jong ka briew ha ka por suh kha. Kin ïakhmih iwei ïa iwei pat ha ka jingtieng, bad ki durkhmat jong ki kin pluh da ka jinglehrain.

ISAÏAH 19:16

Ka por ka wan haba ki briew jong ka Ijipt kin long kiba khawpud kum ki kynthei. Kin khynñiuh ha ka jingsngewtriem haba ki ïohi ba U Trai Badonbor Baroh u la kner ïa la ka kti ban pynshitom ïa ki.

ISAÏAH 42:17

Baroh kiba shaniah ha ki bleithaw, kiba khot ïa ki dur ki blei jong ki, yn pynpoh bad pynjahburom.”

ISAÏAH 5:25

U Trai u la bitar ïa la ki briew bad u la kner ïa la ka kti ban pynshitom ïa ki. Ki lumbah kin khynñiuh bad ïa ki met jong kito kiba la ïap yn ieh ha ki lynti kum ka synrum. Pynban wat la katta ruh ïa ka jingbitar U Trai ym shym la pynkut, hynrei ka kti jong u kan ïai kner ban pynshitom.

JEREMAÏAH 20:10

Nga ïohsngew uwei uwei baroh u ïa-pasiaw, “Ka jingshyrkhei ka don ha kylleng! Ïa ngin ïamudui ïa u sha ki bor pynïaid!” Wat ki paralok kiba ïajan eh ki ap khmih ïa ka jingkyllon jong nga. “Lehse lah ban pynthame ïa u,” ki ong; “te ngi lah ban kem ïa u bad ïoh pynhiarkput.”

JEREMAÏAH 46:15

Balei ba u Apis u blei bakhrawbor jong phi u kyllon? U Trai u la shoh pynkyllon ïa u!’

JEREMAÏAH 46:21

Wat ki shipai ba shu wai jong ka ki long khlem bor kum ki khun masi. Kim shym ïeng ban ïaleh; baroh na ki, ki phai bad phet noh. Ka sngi jong ka jingshahjop ka la poi, ka por jong ka jingpynjot ïa ki.

JEREMAÏAH 49:29

Knieh ïa ki ïingjaiñ bad ïa ki jingri jong ki, ïa ki pyrda jong ka ïingjaiñ bad baroh kiei kiei kiba don ha ki ïingjaiñ jong ki. Shim ïa ki ut jong ki bad ong ïa ki briew, ‘Ka jingma ka don baroh sawdong jong phi.’

JEREMAÏAH 49:5

Ngan wallam ïa ka jingma ha phi na ki liang baroh. Baroh phin phet krad. Uwei pa uwei un phet ïap namar la ka jingim, bad yn ym don shuh mano mano ban wallam lang sa shisien ïa ki shipai.

JEREMAÏAH 6:25

Ngim nud ban leit sha ki rudnong lane ïaid ha ki surok, namar ki nongshun jong ngi ki la kieng atiar bad ka jingshyrkhei ka don ha baroh sawdong jong ngi.”

ESEKIEL 32:10

Kaei ba ngan leh ïa me ka pynkyndit ïa shibun ki jaitbynriew. Haba nga talain ïa ka waitlam jong nga, ki syiem kin khynñiuh da ka jingsheptieng. Ha ka sngi ba me kyllon, baroh na ki kin khynñiuh ha ka jingsheptieng na ka bynta ki jingim jong ki.”

ESEKIEL 39:18

Ki dei ban bam ïa ki met jong ki shipai bad dih ïa ka snam jong ki nongsynshar ka pyrthei, ïa ki baroh yn pynïap kumba pynïap ïa ki langbrot shynrang ne ki khunlangbrot ne ki blang ne ki masi dab kiba sngaid.

NAHUM 2:8

Kum ka um na ka jaka den um ba la pra ki briew ki mareh napoh ka Ninebeh! “Sangeh! Sangeh!” ka jingpyrta ka sawa — hynrei ym don mano mano ba phai dien.

NAHUM 2:9

To lute ïa ka rupa! To lute ïa ka ksiar! Ka nongbah ka dap da ki jingkynshew!

SEPHANAÏAH 1:14

Ka sngi bakhraw jong U Trai ka la jan — ka la jan eh bad ka wan kloi! Kata kan long ka sngi kaba kthang, namar wat ki shipai kiba shlur tam kin kyang jam ha ka jingnoh mynsiem!