JEREMAÏAH 46:2 - Khasi CL Bible (BSI)

² Kane ka dei kaei kaba u ong shaphang ki kynhun shipai u Neko, u syiem ka Ijipt, ïa uba u Nebukhadnessar, u syiem ka Babilonia u la jop ha Karkhemish hajan ka wah Ïuphratis ha ka snem kaba saw ba u Jehoïakim u long u syiem ka Judah:

KA BAIBL

² Shaphang ka Ijipt: shaphang ki paidïapom u Pharaoh-neko u syiem ka Ijipt, kaba hajan ka wah Ïuphratis ha Karkhemish, ïa kaba u Nebukhadressar u syiem ka Babilon u la jop ha ka snem ka basaw u Jehoïakim u khun u Josaïah, u syiem ka Judah.

JEREMAÏAH 46:2 ပူးပေါင်းရင်းမြစ်များ

2 SYIEM 18:21

Phi khmih lynti ba ka Ijipt kan ïarap ïa phi, hynrei kata kan long kumba pyndonkam ïa u khah kum u diengduh — un kdiah bad un dung ïa ka kti jong phi. Kata ka dei kaei kaba u syiem ka Ijipt u long haba mano mano ki shaniah tylli ha u.”

2 SYIEM 23:29

Katba u Josaïah u long syiem, u Neko u syiem ka Ijipt u ïalam ïa ka kynhun shipai sha ka wah Ïuphratis ban ïarap ïa u patsha ka Assyria. U syiem Josaïah u la pyrshang ban pynsangeh ïa ka kynhun shipai ki Ijipt ha Megiddo bad u la shah pynïap ha ka thma.

2 SYIEM 23:33

Ka jingsynshar jong u ka la kut haba u Neko u syiem Ijipt u kem koidi ïa u ha Riblah, ha ri ki Hamath, bad pynlong ïa ka Judah ban siew lai hajar sawspah kilo ka rupa bad laiphew saw kilo ka ksiar kum ka bai nguh syiem.

2 SYIEM 24:7

U syiem Ijipt bad ka kynhun shipai jong u kim ju mih shuh shabar ka Ijipt, namar u syiem Babilonia mynta u synshar ïa baroh ka ri kaba dei jong ka Ijipt, naduh ka wah Ïuphratis shaduh ka pud bashatei jong ka Ijipt.

ISAÏAH 10:9

Nga la hiarthma ïa ki nongbah jong ka Kalno bad Karkhemish, ki nongbah jong u Hamath bad u Arpad. Nga la hiarthma ïa ka Samaria bad ïa ka Damaskos.

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ISAÏAH 19:19

Haba kata ka por ka wan, kan don ka duwan ïa U Trai ha ka ri Ijipt bad u rishot maw ba la pynkyntang sha U ha ka pud Ijipt.

JEREMAÏAH 25:1

Ha ka snem kaba saw ba u Jehoïakim u khun jong u Josaïah u long u syiem ka Judah, nga la ïohpdiang ïa ka khubor na U Trai shaphang ki briew ka Judah baroh. (Kane ka long ka snem kaba nyngkong ba u Nebukhadnessar u la long u syiem ka Babilonia.)

JEREMAÏAH 25:19

Kane ka long ka thup kyrteng jong baroh kiwei pat kiba hap ban dih na ka khuri: u syiem ka Ijipt, ki rangbah synshar jong u, bad ki nongïalam; baroh ki nong Ijipt bad baroh ki nongwei ha Ijipt; baroh ki syiem jong ka ri Us; baroh ki syiem jong ki nongbah ki Philistia, ka Ashkelon, ka Gasa, ka Ekron, bad kaba sah na ka Ashdod; baroh ki briew jong ka Edom, Moab, bad Ammon; baroh ki syiem ka Tyros bad ka Sidon; baroh ki syiem jong ki ri ka rud duriaw Mediterranian; ki nongbah ka Dedan, ka Tema, bad ka Bus; baroh ki briew kiba ot lyngkot ïa u shñiuh jong ki; baroh ki syiem Arabia; baroh ki syiem jong ki jaitbynriew kiba shong ha ri shyiap; baroh ki syiem Simri, Elam bad ki syiem Media; baroh ki syiem kiba shaphang shatei, kiba jan bad kiba jngai, uwei hadien uwei pat. Kawei pa kawei ka jaitbynriew ha sla pyrthei ka dei ban dih na ka. Khatduh eh, u syiem ka Babilonia un dih na ka.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 36:1

Ha ka snem kaba saw ba u Jehoïakim, u khun jong u Josaïah, u long u syiem ka Judah, U Trai u la ong ha nga,

JEREMAÏAH 43:11

U Nebukhadnessar un wan bad jop ïa ka Ijipt. Kito ki briew kiba la dei ban ïap na ka jingpang kin ïap ha ka jingpang, kito kiba dei ba yn ïalam kum ki koidi yn ïalam ïa ki kum ki koidi, bad kito kiba la dei ban sha pynïap ha ka thma kin ïap ha ka thma.

JEREMAÏAH 45:1

Ha snem kaba saw ba u Jehoïakim u khun jong u Josaïah u long u syiem ka Judah, u Barukh u thoh ïa kaei kaba nga la ong ha u.

JEREMAÏAH 46:14

“Pynbna ïa ka ha ki shnong jong ka Ijipt, ha Migdol, Memphis, bad Tahpanhes: ‘To pynkhreh ban ïada ïa lade; ïa kiei kiei kiba phi don yn pynjot ha ka thma!