JEREMAÏAH 43:4 - Khasi CL Bible (BSI)

⁴ Kumta ym u Johanan lymne uno uno na ki rangbah shipai lymne kino kino na ki paidbah kin kohnguh ïa ka hukum U Trai ban ïaisah ha ka ri Judah.

KA BAIBL

⁴ Kumta, u Johanan u khun u Kariah, bad baroh ki kaptan ki paidïapom, bad baroh u paidbah, kim shym la kohnguh ïa ka ktien U Trai, ban shong ha ka ri Judah.

JEREMAÏAH 43:4 ပူးပေါင်းရင်းမြစ်များ

2 SYIEM 25:26

Nangta ki Israel baroh, kiba riewspah bad kiba duk kumjuh, lem bad kita ki rangbah shipai, ki la mihnoh bad leit sha Ijipt, namar ba ki sheptieng ïa ki nong Babilonia.

2 KHRONIKL 25:16

“Naduh mynno,” u Amasaïah u kynrup ktien, “ba ngi la pynlong ïa me u nongai jingmut ïa u syiem? Sangeh ban kren, ïoh ngan pynïap ïa me!” U nongïathuhlypa u la sngap, hynrei ym shuwa ba un ong, “Mynta nga tip ba U Blei u la thmu ban pynjot ïa me namar ba me la leh ïa kane baroh bad ba mem shym sngap ïa ka jingai jingmut jong nga.”

SALM 37:3

Shaniah ha U Trai bad leh ïa kaba bha; shong ha ka ri, bad shongshngain.

EKLESIASTIS 9:16

Nga la ïai-ong borabor ba ka jingstad ka kham bha ban ïa ka jingkhlaiñ, hynrei ym don mano mano ba pyrkhat ïa u briew uba duk ba u long uba stad lane pynshahshkor ei ei ïa kaei kaba u ong.

JEREMAÏAH 41:16

Nangta u Johanan lem bad ki nongïalam jong ki shipai u la shimti ïa ki briew kiba u Ishmael u la ïalam noh kum ki koidi na Mispah hadien ba u la pynïap ïa u Gedalaïah — ki shipai, ki kynthei, ki khynnah, bad ki ïunukh.

JEREMAÏAH 42:21

Bad mynta nga la ong ha phi, hynrei phi leh bymkohnguh ïa kiei kiei baroh kiba U Trai U Blei jong phi u la phah ïa nga ban ïathuh ïa phi.

JEREMAÏAH 44:5

Hynrei phim shahshkor satia lane pynleit jingmut. Phim iehnoh noh ïa ki jingmlien basniew ban kñia ha kiwei ki blei.