JEREMAÏAH 43:2 - Khasi CL Bible (BSI)

² Nangta u Asaraïah u khun jong u Hoshaïah bad u Johanan u khun jong u Kareah bad baroh kiwei ki rangbah ba leh meng ki la ong ïa nga, “Phi shukor. U Trai U Blei jong ngi um shym la phah ïa phi ban ong ha ngi ba ngin ym leit bad shong ha Ijipt.

KA BAIBL

² ynda kumta, u Asariah u khun u Hoshaïah, bad u Johanan u khun u Kariah, bad baroh ki briew basarong ki la kren, ki ïa-ong ha u Jeremaïah, “Me kren lamler: U Trai U Blei jong ngi um shym la phah ïa me ban ong, ‘Phin ym leit sha Ijipt ban shong hangta:’

JEREMAÏAH 43:2 ပူးပေါင်းရင်းမြစ်များ

JENESIS 19:14

Nangta u Lot u la leit sha ki rangbah kiba la ïatehktien bad ki khun kynthei jong u, bad u ong, “To pynkloi bad mihnoh nangne; naba U Trai un sa pynjot thiaw ïa kane ka jaka.” Hynrei ki pyrkhat ba u shu kren biria.

2 KHRONIKL 36:13

U Sedekaïah u ïaleh pyrshah ïa u Syiem Nebukhadnessar, uba pynbor ïa u bad smai ha ka kyrteng U Blei ba un ïaineh ha u. Da kaba leh mutlop u kyntait ban kylla-kaba-mut bad ban phai pat sha U Trai, U Blei ki Israel.

SALM 119:21

Me sneng ïa kiba sarong; kito ki bymkohnguh ïa ki hukum jong me ki long kiba la tim.

SALM 12:3

To pynsngap jar ïa ki thylliej pynroh, A Trai! To set noh khop ïa ki shyntur basngewmeng kiba ong,

SALM 123:4

La slem ngi la shah rkhiebeiñ ha kiba riewspah, la ibeiñ da ki nongbanbeiñ kiba sarong.

EKSODOS 5:2

“Uei uta U Trai?” u Pharaoh u kylli. “Balei ba nga dei ban shahshkor ïa u, bad shah ïa ki Israel ban leit? Ngam ithuh ïa U Trai, bad ngam shah ïa ki Israel ban leit.”

EKSODOS 9:17

Pynban me dang sngew hangamei, bad me kyntait ban pyllait ïa ki briew jong nga.

PROBERB 16:5

U Trai u isih ïa baroh kiba leh meng; da lei lei un ym shah ba kin lait na ka jingpynshitom.

PROBERB 30:9

Lada nga ïoh palat, nga lah ban ong ba ngam donkam ïa me. Hynrei lada nga kyrduh pat, nga lah ban tuh bad pynjahburom ïa U Blei jong nga.

PROBERB 8:13

Ban pyndonburom ïa U Blei ka long ban isih ïa kaba sniew; nga isih ïa ka jingsarong bad ka jingsngewmeng, ïa ki lynti bymman bad ki ktien lamler.

ISAÏAH 7:9

Ka Israel kam long kaba kham khlaiñ ban ïa ka Samaria, ka nongbah jong ka, bad ka Samaria kam long kaba kham khlaiñ ban ïa u Syiem Pekah. “Lada ka jingngeit jong phi kam long kaba ïaineh, phin ym ïaineh.”

ISAÏAH 9:8

U Trai u la pynbna ka jingbishar halor ka hima Judah, halor ki khun ki ksiew jong u Jakob.

JEREMAÏAH 13:15

Ko ki paid Israel, U Trai u la kren! To pynrit bad shahshkor ïa u.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 40:8

Kumta u Ishmael u khun jong u Nethanaïah, u Johanan u khun jong u Kareah, u Seraïah u khun jong u Tanhumeth, ki khun shynrang jong u Ephai na Netophah, bad u Jesanaïah na Maakah ki la leit bad la ki rangbah sha u Gedalaïah ha Mispah.

JEREMAÏAH 41:16

Nangta u Johanan lem bad ki nongïalam jong ki shipai u la shimti ïa ki briew kiba u Ishmael u la ïalam noh kum ki koidi na Mispah hadien ba u la pynïap ïa u Gedalaïah — ki shipai, ki kynthei, ki khynnah, bad ki ïunukh.

JEREMAÏAH 42:1

Te baroh ki nongïalam ka kynhun shipai, kiba kynthup ïa u Johanan u khun jong u Kareah bad u Asaraïah u khun jong u Heshaïah, ki la wan ryngkat bad ki paidbah kiba ha ki kyrdan baroh bad ki la ong ïa nga, “Sngewbha leh ïa kaei kaba ngi ong ïa phi! To duwai ha U Trai U Blei jong ngi na ka bynta jong ngi. To duwai na ka bynta jong ngi baroh kiba la lait im. Shisien la don bun bah na ngi; hynrei mynta tang khyndiat eh ngi dang sah, kumba phi ïohi.

JEREMAÏAH 42:5

Nangta ki la ong ïa nga, “To ai ba U Trai un long u sakhi bashisha bad bahok pyrshah ïa ngi lada ngim kohnguh ïa ki hukum baroh kiba U Trai U Blei jong ngi u ai ha phi na ka bynta jong ngi.

JEREMAÏAH 43:1

Nga la dep ïathuh ïa ki paidbah baroh kiei kiei kiba U Trai U Blei jong ki u la phah ïa nga ban ong ha ki.

JEREMAÏAH 44:16

“Ngi kyntait ban shahshkor ïa kaei kaba phi la ïathuh ha ka kyrteng jong U Trai.

JAKOB 4:6

Hynrei ka jingaiei kaba U Blei u ai ka long kaba kham khlaiñ shuh shuh. Kumba ka Jingthoh Bakhuid ka ong, “U Blei u pyrshah ïa kiba sarong, hynrei u ai ïa ka jingaiei ha kiba sngewrit.”

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”