JEREMAÏAH 43:12 - Khasi CL Bible (BSI)

¹² Ngan tbeh ïa ka ding ha ki templ jong ki blei ki Ijipt, bad u syiem ka Babilonia un thang ïa ki bleithaw jong ki ne ïalam noh ïa ki. Katba ki nongap langbrot ki dang jied ïa ki jaiñ jong ki kiba lait na ki jynreiñ, te u syiem ka Babilonia un jied pynkhuid ïa ka ri Ijipt bad nangta ki mih da ka jingjop.

KA BAIBL

¹² Bad ngan pynmeh ïa ka ding ha ki ïing jong ki blei Ijipt; bad un thang ïa ki, bad un ring mraw noh ïa ki: bad un kup ïa lade da ka ri Ijipt, kumba u nongap jingri u kup ïa la ka jaiñkup; bad un leit noh nangta da kaba suk.

JEREMAÏAH 43:12 ပူးပေါင်းရင်းမြစ်များ

2 SAMUEL 5:21

Haba ki Philistia ki la phet, ki la iehnoh shadien ïa ki bleithaw jong ki, bad u Dabid bad ki rangbah jong u ki la rah noh ïa ki.

ESTHER 6:9

Nangta shim ïa uwei na ki riewdonburom uba don ka kyrdan ba-halor eh ban pynriam ïa uta u briew da kine ki jingriam bad un ïalam ïa u, ba la pynshong halor u kulai lyngba ka jaka paidbah jong ka nongbah. Ai ba uta u riewdonburom un pyrta katba ki nang ïaid: ‘Peit kumno u syiem un ainong ïa u briew uba u kwah ban pyndonburom!’ ”

Ka Kitab U Job 40:10

Lada ka long kumta, to ïeng ha la ka burom bad ka jingsarong; kup ïa lade da ka jingitynnat bad ka burom,

SALM 104:2

me tap ïa lade da ka jingshai. Me pyiar ïa ki bneng kum ka ïingjaiñ

SALM 132:16

Ngan kyrkhu ïa ki lyngdoh jong ka ha kiei kiei baroh ba ki leh, bad ki briew jong ka kin rwai bad risa da ka jingkmen.

SALM 132:18

Ngan tap ïa ki nongshun jong u da ka jinglehrain, hynrei ka hima jong u kan roi kan par bad tyngshaiñ.”

EKSODOS 12:12

“Ha kata ka miet ngan ïaid lyngba ïa ka ri Ijipt, da kaba pynïap ïa u khun nyngkong baroh, la u dei u briew ne u mrad, bad ngan pynshitom ïa ki blei ka ri Ijipt baroh. Nga long U Trai.

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ISAÏAH 21:9

Kynsan, hangne ki wan! Ki rangbah halor jong ki kulai, shi jur shi jur. U nongap phira u ai ka khubor, “Ka Babilon ka la kyllon! Baroh ki bleithaw kiba ki la mane ki la kyllon ha ka jingpait jingpra ha madan.”

ISAÏAH 46:1

“Kane ka dei kaba kut jong ki blei ka Babilon! Ïa u Bel bad ïa u Nebo shisien la mane ïa ki, hynrei mynta la pynkit ïa ki halor ki kada, ka jingbankhia ïa ki met ki mrad ba la thait.

ISAÏAH 46:2

Ki bleithaw kim lah ban pynim ïa lade; ïa ki la kurup bad la rah noh bak. Kane ka dei kaba kut jong ki blei ka Babilon!

ISAÏAH 49:18

Khmih baroh sawdong bad peit kaei kaba jia! Ki briew jong pha ki ïalumlang — ki ïawan sha la ïing! Kumba nga long U Blei uba im, phan sngewsarong ïa la ki briew, kumba sngewsarong ka nongleitkurim ïa la ki mawlynnai.

ISAÏAH 52:1

Ko Jerusalem, to long khlaiñ bad long khraw biang! Ko nongbah Bakhuid jong U Blei, to kup ïa lade da ka burom! Kiba mane blei thala kin ym ïohrung shuh da lei lei lyngba ki khyrdop jong pha.

ISAÏAH 59:17

Un kup ïa ka hok kum ka jingïada shadem, bad ïa ka bor bapynim kum ka jingda khlieh. U kup ïa lade da ka jingangnud kaba khraw ban buh ryntih ïa kiei kiei bad ban pynshitom bad pynhiarkput ïa ki jingsniew kiba ki briew ki leh.

ISAÏAH 61:10

Ko Jerusalem to shadkmen namar kaei kaba U Trai u la leh. Ka long kum ka nongleitkurim kaba riam na ka bynta ka jingkyntiew kurim jong ka. U Blei u la pynkup ïa ka da ka jingpynim bad ka jingjop.

ISAÏAH 61:5

Ko ki briew jong nga, ki nongwei kin shakri ïa phi, Kin sumar ïa ki jingri jong phi kin lur ïa ki lyngkha jong phi, bad sumar ïa ki bri sohwaiñ jong phi,

JEREMAÏAH 10:11

(Ma phi ki paidbah phi dei ban ïathuh ïa ki ba ki blei ki bym shym la thaw ïa ka pyrthei bad ïa ka sahit bneng yn sa pynjot. Kin ym don shuh hangno hangno ha ka pyrthei.)

JEREMAÏAH 10:15

Ki long ki bymdondor bad dei ban ñiewbeiñ; yn sa pynjot ïa ki haba U Trai u wan ban leh ïa ki.

JEREMAÏAH 25:19

Kane ka long ka thup kyrteng jong baroh kiwei pat kiba hap ban dih na ka khuri: u syiem ka Ijipt, ki rangbah synshar jong u, bad ki nongïalam; baroh ki nong Ijipt bad baroh ki nongwei ha Ijipt; baroh ki syiem jong ka ri Us; baroh ki syiem jong ki nongbah ki Philistia, ka Ashkelon, ka Gasa, ka Ekron, bad kaba sah na ka Ashdod; baroh ki briew jong ka Edom, Moab, bad Ammon; baroh ki syiem ka Tyros bad ka Sidon; baroh ki syiem jong ki ri ka rud duriaw Mediterranian; ki nongbah ka Dedan, ka Tema, bad ka Bus; baroh ki briew kiba ot lyngkot ïa u shñiuh jong ki; baroh ki syiem Arabia; baroh ki syiem jong ki jaitbynriew kiba shong ha ri shyiap; baroh ki syiem Simri, Elam bad ki syiem Media; baroh ki syiem kiba shaphang shatei, kiba jan bad kiba jngai, uwei hadien uwei pat. Kawei pa kawei ka jaitbynriew ha sla pyrthei ka dei ban dih na ka. Khatduh eh, u syiem ka Babilonia un dih na ka.

JEREMAÏAH 43:13

Un pynjot ïa ki maw jingteinam bakyntang ha Heliopolis kaba ha Ijipt bad un thang ïa ki templ jong ki blei ki nong Ijipt.”

JEREMAÏAH 46:25

U Trai Badonbor Baroh, U Blei ki Israel, u ong, “Ngan pynshitom ïa u Amon, u blei jong ki Thebes, ryngkat lang bad ka Ijipt bad ki blei bad ki syiem jong ka. Ngan shim noh ïa u syiem ka Ijipt bad ïa baroh kiba buh ïa ka jingshaniah ha u,

JEREMAÏAH 48:7

“Ko Moab, pha shaniah ha la ka jingkhlaiñ bad ha la ka spah, hynrei mynta wat ïa pha ruh yn jop noh; ïa u blei Khemosh jong pha yn ringmraw, lem bad ki khun syiem bad ki lyngdoh.

JEREMAÏAH 49:27

Ngan pynpluh ïa ki kynroh jong ka Damaskos da ka ding bad yn thang khoit ïa ki ïingsyiem jong u syiem Benhadad. Ma nga, U Trai Badonbor Baroh, nga la kren.”

JEREMAÏAH 50:2

“Ïathuh ïa ka khubor sha ki jaitbynriew! Pynbna ïa ka! Ai ka dak bad pynbna ïa ka khubor! Wat buhrieh ïa ka! Ka Babilon ka la kyllon! U Marduk u blei jong ka u la khynñiuh! Ïa ki bleithaw jong Babilon la buh ha ka jinglehrain, ïa ki dur ba-ijli jong ka la pynlwet!

JEREMAÏAH 51:44

Ngan pynshitom ïa u Bel, u blei ki nong Babilonia, bad ngan pynlong ïa u ban aiti noh ïa ki tiar jong u kiba shu tuh; ki jaitbynriew kin ym mane shuh ïa u. “Ki kynroh ka Babilon ki la khyllem.

ESEKIEL 29:11

Yn ym don bynriew ne mrad ban ïaid lyngba jong ka. Na ka bynta sawphew snem yn ym don ban im hangta.

ESEKIEL 29:19

Te mynta kane ka long kaei kaba ma nga, U Trai Nongsynshar, nga ong: Nga ai ïa ka ri ki nong Ijipt sha u syiem Nebukhadnessar. Un lute bad pynjot lut bad rong noh ïa ka spah baroh jong ka Ijipt kum ka bainong ïa ka kynhun shipai jong u.

ESEKIEL 30:13

U Trai Nongsynshar u ong, “Ngan pynjot ïa ki bleithaw bad ïa ki blei bashukor ha Memphis. Yn ym don u ban synshar halor ka Ijipt, bad ngan pyntriem ïa ki briew baroh.

DANIEL 11:8

Un rah pat sha Ijipt ïa ki dur jong ki blei jong ki bad ïa ki tiar ksiar bad rupa kiba la pynkyntang sha kito ki blei. Hadien bun bun snem ka jingsuk

SEPHANAÏAH 2:11

U Trai un pynshyrkhei ïa ki. Un pynhiar ïa ki blei jong ka pyrthei sha ka bym long ei ei, bad kumta kawei pa kawei ka jaitbynriew kan mane ïa u, kawei kawei ha la ka jong ka ri.

Ka Shithi U Paul Sha Ki Nong Rom 13:12

Ka miet ka la jan kut, ka sngi ka la jan sdang. To ngin ïasangeh noh na kaba leh ïa kiei kiei kiba long jong ka jingdum, bad to ngin kieng ïa ki atiar ka jingïaleh ha ka jingshai.

EPHESOS 4:24

bad phi dei ban kup ïa u briew uba thymmai ïa uba la thaw ha ka dur U Blei kaba pynpaw ïa lade ha ka jingim kaba shisha kaba long kaba beit bad kaba khuid.

EPHESOS 6:11

To kieng noh ïa ka jingkieng atiar U Blei baroh, khnang ba phi lah ban ïeng pyrshah ïa ki buit thap basniew jong u Soitan.

KOLOSSAI 3:12

Phi long ki briew jong U Blei; u la ieit bad jied ïa phi na ka bynta jong u hi. Kumta te, phi dei ban kup ïa lade da ka jingsngewsynei, ka jingbhasbun, ka jingsngewrit, ka jingjemnud, bad ka jingïaishah.

KOLOSSAI 3:14

Bad nalor kine ki jinglong baroh, to bynrap ïa ka jingieit, kaba tehsong lang ïa kiei kiei baroh lang ha ka jingïatylli kaba janai.