JEREMAÏAH 43:10 - Khasi CL Bible (BSI)

¹⁰ Nangta sa ïathuh ïa ki ba ma nga, U Trai Badonbor Baroh, U Blei ki Israel, ngan wallam ïa u shakri jong nga u Nebukhadnessar u syiem ka Babilonia sha kane ka jaka, bad un buh ïa ka khet jong u halor kine ki maw kiba me la tep, bad un pyiar ïa ka ïingjaiñ syiem halor jong ki.

KA BAIBL

¹⁰ bad to ong ha ki, ‘Kumne u ong U Trai ki paid, U Blei ki Israel: “Ha khmih, ngan phah shim ïa u Nebukhadressar u syiem ka Babilon, u shakri jong nga, bad ngan buh ïa ka khet jong u halor kine ki maw ba nga la bsuh: bad un pynïar ïa la ka ïingjaiñ syiem halor jong ki.

JEREMAÏAH 43:10 ပူးပေါင်းရင်းမြစ်များ

1 SYIEM 20:12

U Benhadad u la ïohpdiang ïa ka jubab u Ahab katba ma u bad kiba ïateh lok bad u, kiwei pat ki nongsynshar, ki dang ïadih ha ki ïingjaiñ jong ki. U la hukum ïa ki rangbah jong u ban pynkhreh ban tur ïaleh ïa ka nongbah, kumta ki ïeng ha la ki jaka jaka.

1 SYIEM 20:16

Ka jingtur ïaleh ka la sdang ha ka por shiteng sngi katba u Benhadad bad ki laiphew ar ngut kiba ïateh lok bad u ki dang ïadih buaid ha ki ïingjaiñ jong ki.

SALM 18:11

U tap ïa lade da ka jingdum; ki lyoh kiba rben, kiba dap da ka um, ki ker sawdong ïa u.

SALM 27:5

Ha ki por ka jingjynjar un ai jakarieh ïa nga; un sumar khop ïa nga ha ka Templ jong u bad pynlong skhem ïa nga ha u mawsiang bajrong.

SALM 31:20

Me buhrieh ïa ki ha ka jingshngain jong ka jingdon ryngkat jong me, na ki jingïasuhbuit ki briew; ha ka jakarieh bashngain me buhrieh ïa ki na ka jingpynrem ki nongshun jong ki.

ISAÏAH 44:28

Nga ong ha u Syros, ‘Me long uta u ban synshar na ka bynta jong nga; men leh ïa kaei kaba nga kwah ïa phi ban leh; men hukum ïa ka Jerusalem ban tei biang bad ïa ki nongrim jong ka Templ ban seng pat.’ ”

ISAÏAH 45:1

U Trai u la jied ïa u Syros ban long syiem! U la jied ïa u ban jop ïa ki jaitbynriew; u phah ïa u ban sloit ïa ki syiem na ka bor jong ki; U Trai un plie ïa ki khyrdop jong ki nongbah na ka bynta jong u. Ha u Syros U Trai u ong,

JEREMAÏAH 1:15

namar nga khot ïa baroh ki jaitbynriew ha ka phang bashatei ban ïawan. Ki syiem jong ki kin pynïeng ïa ki khet jong ki ha ki khyrdop jong ka Jerusalem bad sawdong ïa ki kynroh jong ka bad ruh sawdong ïa kiwei pat ki nongbah jong ka Judah.

JEREMAÏAH 46:13

Mynba u Nebukhadnessar, u syiem ka Babilonia u la wan ban tur ïaleh ïa ka Ijipt, U Trai U la kren ha nga. U ong,

JEREMAÏAH 49:38

Ngan pynjot ïa ki syiem bad ïa ki nongïalam jong ki, bad ngan buh ïa ka khet jong nga hangta.

ESEKIEL 5:12

Shi bynta na ka lai bynta jong ki briew jong pha kin ïap na ka jingpang bad jingthngan ha ka nongbah; shi bynta pat kin ïap da ka waitlam shabar ka nongbah; bad ïa ka shi bynta kaba dang sah ngan pynsakma sha ki sawlyer, bad ngan beh ïa ki nadien da ka waitlam.

DANIEL 2:21

U bat synshar ïa ki por bad ki aïom; u pynlong bad u weng ïa ki syiem; long ma u, uba ai ka jingstad bad ka jingshemphang.

MATHAÏOS 22:7

U syiem u la bitar tyngeh; kumta u la phah ïa ki shipai jong u, kiba la pynïap ïa kito ki nongpynïap briew bad ki la thang duh ïa ka nongbah jong ki.