JEREMAÏAH 42:4 - Khasi CL Bible (BSI)

⁴ Nga la jubab, “To kata. Ngan duwai ha U Trai U Blei jong phi, kumba phi la kyrpad, bad kaei kaei kaba u ong, ngan sa ïathuh ïa phi. Ngan ym buhrieh ei ei na phi.”

KA BAIBL

⁴ Ynda kumta, u Jeremaïah u nongïathuhlypa u la ong ha ki, “Nga la shahshkor ïa phi; ha khmih, ngan duwai ha U Trai U Blei jong phi katba kum ki ktien jong phi: te ïa kaei kaei ba U Trai un phai ktien ïa phi ngan pynpaw ïa ka ha phi, ngan ym buhrieh ei ei na phi.”

JEREMAÏAH 42:4 ပူးပေါင်းရင်းမြစ်များ

SALM 40:10

Ngam shym la buh tang ha lade ïa ka khubor ka jingpynim; nga ïai kren borabor ïa ka jingïaineh bad ka jingïarap jong me. Ha ka jingïaseng bah jong ki briew jong me baroh ngam shym la sngap jar Shaphang ka jinglonghok bad ka jingieit baneh jong me.

EKSODOS 8:29

U Moses u jubab, “Nga tang shu mih nangne, ngan kyrpad ïa U Trai ba la shai ka sngi ki skain kin phet noh na phi, na ki rangbah synshar jong phi, bad na ki briew jong phi. Hynrei phim dei ban shukor shuh ïa ngi bad khang ïa ki briew ban leit kñia ha U Trai.”

JEREMAÏAH 23:28

U nongïathuhlypa uba ïoh ka jingphohsniew u dei ban ong ïa ka ba ka long tang ka jingphohsniew, hynrei u nongïathuhlypa uba la ïohsngew ïa ka khubor jong nga u dei ban pynbna hok ïa kata ka khubor. Kaei ka jingbha u jyntang ban ïanujor bad u kew?

JEREMAÏAH 23:35

Pynban, uwei pa uwei un kylli ïa la ki paralok bad ki ba-ha-ïing ha-sem jong u, ‘Kaei ka jubab kaba U Trai u la ai? Kaei kaba U Trai u la kren?’

JEREMAÏAH 26:2

U Trai u la ong ha nga, “To ïeng ha ka ïingbishar jong ka Templ bad to pynbna ïa baroh kaba nga la hukum ïa me ban ong ha ki briew kiba wan na ki shnong jong ka Judah ban mane hangta. Wat ym iehnoh ei ei ruh em.

ESEKIEL 2:7

Men ong ha ki ïa kaei ba nga bthah ïa me ban ong, lada ki sngap ne kim sngap. Kynmaw ba ki long ki nongïaleh pyrshah.

KI KAM 20:20

Phi ïatip ba ngam shym la buhrieh ïa kano kano ka ban long ka jingïarap ïa phi haba nga ïalap bad hikai ha ki paidbah bad ha ki ïing jong phi.

KI KAM 20:27

Naba ngam shym la buhrieh na kaba pynbna ha phi ïa ka jingthmu baroh ka jong U Blei.

Ka Shithi U Paul Sha Ki Nong Rom 10:1

Ko ki parabangeit jong nga, katno nga kwah da ka dohnud jong nga baroh ba ki briew jong nga hi kin long ïa kiba la pynim! Katno nga duwai ïa U Blei na ka bynta jong ki!

1 SAMUEL 12:23

Ïa nga shimet, U Trai um shah da lei lei ba ngan leh pop pyrshah ïa u da kaba sangeh noh ban duwai na ka bynta jong phi. Pynban ngan hikai ïa phi ïa kaei kaba bha bad kaba dei ïa phi ban leh.