JEREMAÏAH 42:18 - Khasi CL Bible (BSI)

¹⁸ “U Trai, U Blei ki Israel, u ong, ‘Kumba ka jingbitar bad jingbitar shla jong nga ka mihnoh na nga ha ki briew jong ka Jerusalem, kumta ruh ka jingbitar shla jong nga kan mihnoh ha phi lada phi leit sha Ijipt. Phin long ka jingïohi ba-itriem; ki briew kin ñiewbeiñ ïa phi bad kin pyndonkam ïa ka kyrteng jong phi kum ka jingtim. Phin ym ïohi shuh ïa kane ka ri.’ ”

KA BAIBL

¹⁸ Namar kumne u ong U Trai ki paid, U Blei ki Israel: “Kumba la theh noh ïa ka jingbitar jong nga bad ïa ka jingkhih bitar jong nga ha kiba shong ha Jerusalem, kumta yn theh ïa ka jingkhih bitar jong nga halor jong phi, haba phi la rung sha Ijipt: te phin long ka jingijli, bad ka jinglyngngoh, bad ka jingtim, bad ka jingkrenbeiñ; bad phin ym ïohi shuh ïa kane ka jaka.”

JEREMAÏAH 42:18 ပူးပေါင်းရင်းမြစ်များ

2 KHRONIKL 34:25

Ki la kyntait ïa nga bad ki la ai jingkñia ha kiwei ki blei, bad kumta ki la pynkhih ïa ka jingbitar jong nga da baroh kaba ki la leh. Ka jingbitar jong nga ka la khie buk, bad ngan ym pynjah kumto.

ISAÏAH 30:3

Hynrei u syiem un long khlem bor ban ïarap ïa ki, bad ka jingïada ka Ijipt kan kut ha ka jingjot.

ISAÏAH 65:15

Ki briew ba la jied jong nga kin pyndonkam ïa ka kyrteng jong phi kum ka jingtim. Ma nga, U Trai nongsynshar ngan pynïap ïa phi. Hynrei ngan ai ka kyrteng bathymmai ha kito kiba kohnguh ïa nga.

JEREMAÏAH 18:16

Ki la pynlong ïa kane ka ri ka bynta ka jingtriem, ban ñiewbeiñ junom. Baroh kiba la ïaid lyngba kin kyndit ha kaei kaba ki ïohi; kin kyrngah ïa la ki khlieh ha ka jinglyngngoh.

JEREMAÏAH 22:27

Men thrang ban ïohi ïa kane ka ri sa shisien pat, hynrei men ym ïoh wan phai shuh.”

JEREMAÏAH 23:40

Ngan sa wanrah ha ki ïa ka jinglehrain bad ka jingjahburom junom ïa kaba yn ym klet shuh.”

JEREMAÏAH 24:9

Ngan sa pynngat ha ki ka jinglanot ha kaba ki jaitbynriew ka pyrthei baroh kin da sngewshyrkhei, ki briew kin rkhiebeiñ ïa ki; kin ïakren kai ïa ki, kin ïakynshi ïa ki, bad kin pyndonkam ïa ka kyrteng jong ki kum ka jingtim kylleng kat shaba nga pynsakma ïa ki.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 26:6

Lada phi ïai bteng ban ym kohnguh, te ngan leh ïa kane ka Templ ïa kaei kaba nga la leh ïa ka Shiloh, bad baroh ki jaitbynriew jong ka pyrthei kin pyndonkam ïa ka kyrteng jong kane ka nongbah kum ka jingtim.”

JEREMAÏAH 29:18

Ngan beh kthong ïa ki da ka thma, ka jingïapthngan, bad ka jingpang, bad baroh ki jaitbynriew jong ka pyrthei kin sngewtriem ha kaei kaba ki ïohi. Kylleng kylleng nga pynsakma ïa ki, ki briew kin kyndit bad sngewshyrkhei ha kaei kaba la jia ha ki. Ki briew kin krenbeiñ ïa ki bad pyndonkam ïa ki kyrteng jong ki kum ka jingtim.

JEREMAÏAH 29:22

Haba ki briew kiba la shah rah noh kum ki koidi na Jerusalem sha Babilonia ki kwah ban wallam ka jingtim hano hano, kin ong, ‘To U Trai un ñiew ïa phi kum u Sedekaïah bad u Ahab, kiba u syiem ka Babilonia u la syang im!’

JEREMAÏAH 33:5

Katto katne kin ïaleh pyrshah ïa ki nong Babilonia, ki ban pyndap ïa ki ïing da ki metïap jong kito kiba ngan sa pynïap namar ka jingbitar bad ka jingbitar shla jong nga. Nga la phai noh na kane ka nongbah namar kiei kiei kiba sniew kiba ki briew jong ka ki la leh.

JEREMAÏAH 44:12

Bad ïa ki briew ka Judah kiba sah bad kiba la kut jingmut ban leit bad shong ha Ijipt, ngan khmih ïa kane ba baroh na ki kin jot noh. Baroh na ki, kiba rit bad ki bakhraw, kin ïap ha Ijipt, na ka thma ne na ka jingïapthngan. Kin long ka jingïohi ba-itriem; ki briew kin ñiewbeiñ ïa ki bad pyndonkam ïa ka kyrteng jong ki kum ka jingtim.

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

JEREMAÏAH 44:6

Te nga pynmih noh ïa ka jingbitar jong nga bad ka jingbitar shla ha ki shnong jong ka Judah bad ha ki surok bah ka Jerusalem, bad nga thang ïa ki da ka ding. La iehnoh ïa ki ha ki jingjot bad ki la long ka jingïohi ba-itriem, kumba ki long mynta ka sngi.

JEREMAÏAH 44:8

Balei ba phi pynbitar ïa nga da kaba mane ïa ki bleithaw bad da kaba kñia ha kiwei ki blei hangne ha Ijipt, ha kaba phi la wan ban shong ban sah? Hato phi leh ïa kane ban pynjot ïa lade, khnang ba ki jaitbynriew baroh ha ka pyrthei kin ñiewbeiñ ïa phi bad pyndonkam ïa ka kyrteng jong phi kum ka jingtim?

JEREMAÏAH 6:11

Ka jingbitar jong me pyrshah ïa ki ka pluh ruh hapoh jong nga, A Trai, bad ngam lah ban kun slem shuh ïa ka.” Nangta U Trai u la ong ha nga, “To theh noh ïa ka jingbitar jong nga halor ki khynnah ha ki surok bad ha ki jingïalang jong ki samla shynrang. Ïa ki rangbah bad ki tnga jong ki yn shim noh, bad wat ïa kiba tymmen tam yn ym pynsah.

JEREMAÏAH 7:20

Bad kumta ma nga, U Trai Nongsynshar, ngan theh ïa ka jingbitar shla jong nga halor kane ka Templ. Ngan theh ïa ka halor ki briew bad ki mrad kumjuh, bad wat halor ki dieng bad ki jingthung. Ka jingbitar jong nga kan long kum ka ding kaba ym don mano mano ba lah ban pynlip.

SNGEWSYNEI 2:4

U la thew ïa ki khnam jong u ha ngi kum ïa u nongshun; u la pynïap ïa baroh kito kiba long ka jingkmen bad ka jingsngewbha jong ngi. Hangne ha Jerusalem ngi la sngew ïa ka jingbitar shla jong u.

SNGEWSYNEI 2:6

U la tied pynlwet ïa ka Templ ha kaba ngi la ïamane ïa u; u la pynkut ïa ki sngi khuid bad ïa ki Sabbaton. U Syiem bad u lyngdoh kumjuh ki la sngew ïa ka bor ka jingbitar jong u.

SNGEWSYNEI 4:11

U Trai u la pyllait ïa ka bor ba-pura jong ka jingbitar jong u; u la pynmeh ka ding ha Seïon kaba la thang duh ïa ka haduh khyndew.

ESEKIEL 20:34

Ngan pyn-i ha phi ïa ka bor jong nga bad ïa ka jingbitar jong nga haba nga lumlang ïa phi bad wallam pat ïa phi na ki ri baroh sha kiba la pynsakma ïa phi.

ESEKIEL 22:22

Yn pynum ïa ki ha Jerusalem kumba pynum ïa ka rupa ha ka lawar ding, bad nangta kin tip ba ki mad ïa ka jingbitar jong U Trai.”

DANIEL 9:11

Ki Israel baroh ki la pynkheiñ ïa ki aiñ jong me bad ki kyntait ban shahshkor ïa kaei kaba me la ong. Ngi la leh pop pyrshah ïa me, bad kumta me la wallam ha ngi ïa ki jingtim kiba la thoh ha Ka Aiñ u Moses, u shakri jong me.

DANIEL 9:27

Uta u nongsynshar un don ka jingïateh kular kaba skhem bad kiba bun ki briew haduh hynñiew snem, bad haba shiteng na kane ka por ka la leit, un pynkut ïa ki jingkñia bad ki jingainguh. Ïa ka Jingshyrkhei Ba-ijli yn buh ha ka jaka bajrong tam jong ka Templ bad kan sah hangta tad haduh ba uta uba buh ïa ka hangta u ïashem ïa kaba kut kaba U Blei u la lah pynkhreh na ka bynta jong u.”

HOSIA 7:16

Ki ïai phai lyndet na nga sha u blei u bymdonbor ei ei ruh em. Ki long ki bym lah ban shaniah kum ka ryntieh kaba kynriang. Namar ki nongïalam jong ki, ki kren meng, kin ïap ha ka jingïap bashyrkhei, bad ki nong Ijipt kin sa ïa-rkhie.”

NAHUM 1:6

Haba u bitar, uei uba lah ban lait im? Uei uba lah ban lait na ka jingbitar shla bashyrkhei jong u? U theh noh ïa ka jingbitar bameh ding jong u; ki mawsiang ki lko pum ha khmat jong u.

SEKHARAÏAH 8:13

Ko ki paid Judah bad Israel! Ha ki por ba-mynshuwa ki nongwei ki ïatim iwei ïa iwei pat da kaba ong, ‘Ai ba kijuh ki jingpynjot kiba la hap ha Judah bad Israel kin hap halor jong phi!’ Hynrei ngan pynim ïa phi, bad nangta kito ki nongwei kin ong iwei ïa iwei pat, ‘Ai ba phin ïohpdiang ïa kijuh ki jingkyrkhu kiba la wan ha ka Judah bad Israel!’ Kumta to long shlur bad wat sheptieng.”

JINGKHEIÑ 5:27

Lada ka la klim, kata ka um kan pynsuh jur ïa ka; ka kpoh jong ka kan sieb bad ka longkynthei jong ka kan stai. Ka kyrteng jong ka kan long kaba la tim hapdeng ki briew jong ka.

JINGPYNPAW 14:10

u hi da lade un dih ïa ka waiñ ka jong U Blei, ka waiñ ka jingbitar shla jong U, kaba u la theh noh ha ka bor jong ka baroh ha ka khuri ka jingbitar jong U! Baroh kiba leh ïa kane kin shah pynsaja ha ka ding bad ha u kyndok ha khmat ki angel bakhuid bad ha khmat U Khunlangbrot.