JEREMAÏAH 42:16 - Khasi CL Bible (BSI)

¹⁶ ‘Lada phi kut jingmut ban leit bad sah ha Ijipt, te ka thma ïa kaba phi sheptieng kan jop ïa phi, bad ka jingshahthngan kaba phi khaw-eit kan bud ïa phi, bad phin ïap hangta ha Ijipt.

KA BAIBL

¹⁶ ynda kumta te, kata ka waitlam, ïa kaba phi tieng, kan lap ïa phi hangta ha ri Ijipt, bad ka 'nemsniew, ïa kaba phi khaw-eit, kan bud eh nadien jong phi hangta ha Ijipt; bad hangta phin ïap.

JEREMAÏAH 42:16 ပူးပေါင်းရင်းမြစ်များ

PROBERB 13:21

Ka jingjynjar ka buddien ïa ki nongpop kylleng, hynrei ki briew kiba hok kin ïoh bainong da kiei kiei kiba bha.

JEREMAÏAH 27:8

“Hynrei lada kano kano ka jaitbynriew lane ka hima kam pyndem ha ka jingsynshar jong u, te ngan pynshitom ïa kata ka jaitbynriew da ka thma, ka jingïapthngan bad da ka jingpang tad haduh ba ngan da shah ïa u Nebukhadnessar ban pynjot khoit ïa ka.

JEREMAÏAH 42:13

“Hynrei ma phi ki paidbah kiba dang sah ha Judah phim dei ban ym kohnguh ïa U Trai U Blei jong phi bad kyntait ban shong ha kane ka ri. Phim dei ban ong, ‘Em, ngin leit ban shong ha Ijipt, ha kaba ngin ym ïakynduh shuh ïa ka thma lane ban ïohsngew ïa ka jingkhot ban leit thma ne shahthngan.’ Lada phi ong ïa kane, te U Trai U Blei Badonbor Baroh, U Blei ki Israel, u ong,

JEREMAÏAH 44:27

Ngan khmih ïa kane ba phin ym manbha, hynrei phin shah pynjot. Baroh na phi phin ïap, ha ka thma ne na ka jingpang, haduh ba yn ym don uwei ruh na phi u ban sah.

ESEKIEL 11:8

Hato phi sheptieng ïa ki waitlam? Ngan wallam ïa ki briew ryngkat bad ki waitlam ban tur ïaleh ïa phi.

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”

ÏOANNIS 11:48

Lada ngi shah bad ïai leh ha kane ka rukom, baroh kin ngeit ha u, bad ki nongsynshar ka Hima Rom kin leh ei ei bad kin pynjot ïa ka Templ bad ïa ka jaitbynriew jong ngi.”

DEUTERONOMI 28:15

“Hynrei lada phim kohnguh ïa U Trai U Blei jong phi bad phim sumar hok ïa ki hukum bad ki aiñ baroh ba nga ai ha phi mynta ka sngi, kine ki jingtim baroh kin sa ngat ha phi.

DEUTERONOMI 28:22

U Trai un shoh ïa phi da ka jingkhrew, da ka khieshoh, da ka jingat thung, bad da ka jingshit kyr-ang; un phah ruh ïa ka jingryngkhiang, ki lyer khluit, ban pynjot ïa ki jingthung jong phi. Kine ki jingpynjot kin ïailong bad phi haduh ba phin da ïap.

DEUTERONOMI 28:45

“Kine ki jingpynjot baroh kin sa ngat ha phi, bad kin bam bad lynshop ïa phi haduh ba phin da jot thiaw, namar ba phim kohnguh ïa U Trai U Blei jong phi bad phim sumar ïa ki hukum baroh ïa kiba u la ai ha phi.