JEREMAÏAH 41:9 - Khasi CL Bible (BSI)

⁹ Ka pukri ha kaba u Ishmael u la bret ïa ki metïap jong kita ki rangbah kiba u la pynïap ka long kaba heh bha kaba u syiem Asa u la tih mynba u la shah tur ïaleh ha u Baasha, u syiem ka Israel. U Ishmael u la pyndap ïa kata ka pukri da ki metïap.

KA BAIBL

⁹ Te kata ka 'liewlep, ha kaba u Ishmael u la bred ïa ki metïap baroh jong kita ki briew ïa kiba u la lah pynïap, hajan u Gedalaïah, (ka la long kata kajuh hi ïa kaba u Asa u syiem u la lah thaw namar ka jingsheptieng ïa u Baasha u syiem ki Israel,) u Ishmael u khun u Nethaniah u la pyndap ïa ka da kita ïa kiba la pynïap.

JEREMAÏAH 41:9 ပူးပေါင်းရင်းမြစ်များ

2 SAMUEL 17:9

Wat mynta hi u dang rieh ha kawei na ki krem lane ha kawei pat ka jaka. Hamar ba u Dabid u tur ïaleh ïa ki rangbah jong phi, kat uba ïohsngew ïa kata un ong ba ki rangbah jong phi ki la shahjop.

ISAÏAH 14:19

hynrei mem don kano kano ka jingtep, bad ïa ka metïap jong me la bret shabar ba kan pyut. La tap ïa ka da ki met jong ki shipai ba la shah pynïap ha ka thma, la kynting ïa ka lem bad ki ha ka thliew mawsiang, bad la ïuh ïa ka.

HEBRU 11:38

Ka pyrthei kam shym long kaba bha na ka bynta jong ki! Kum ki nongphetwir ki shang kylleng ha ki ri shyiap bad sha ki lum, ki da shong ha ki krem bad ha ki thliew kiba don ha ka khyndew.

NONGBISHAR 6:2

Ki Midian ki long kiba kham khlaiñ ban ïa ki Israel, bad ki paid Israel ki rieh ïa lade na ki ha ki krem bad ha kiwei pat ki jaka bashngain ha ki lumrit.

1 SAMUEL 13:6

Nangta ki pynlong ka jingtur ïaleh kaba tyngeh pyrshah ïa ki Israel, da kaba buh ïa ki ha ka khim khait. Katto katne na ki Israel ki rieh ha ki krem bad ha ki thliew, lane hapdeng ki mawsiang lane ha ki thliew bad ki pukri um;

1 SAMUEL 14:11

Kumta ki shah ïa ki Philistia ban ïohi ïa ki, bad ki Philistia ki ong, “Ha khmih! katto katne ki Hebru ki wan mih na ki thliew ha kiba ki rieh!”

1 SAMUEL 14:22

Kiwei pat, kiba dang rieh ha ki lum Ephraim, ki la ïohsngew ba ki Philistia ki la phet krad; kumta ki ruh ki la wan ïasoh bad ki la tur ïaleh ïa ki Philistia,

1 SAMUEL 24:3

U wan poi ha ka krem hajan ki katto katne ki jaka set blang kiba harud lynti, bad u rung shapoh ban leit shabar. Ka jia ryngkhat ba ka dei kajuh ka krem ha kaba u Dabid bad ki rangbah jong u ki rieh kham shapoh jong kata ka krem.