JEREMAÏAH 41:1 - Khasi CL Bible (BSI)

¹ Ha u bnai uba hynñiew jong kata ka snem, u Ishmael, u khun jong u Nethanaïah bad u ksiew jong u Elishama, u dkhot ka longïing syiem bad uwei na ki rangbah pynïaidkam kiba hakhlieh duh jong u syiem, u la leit sha Mispah lem bad shiphew ngut ki rangbah ban peit ïa u Gedalaïah.

KA BAIBL

¹ Te ha u bnai u bahynñiew, u Ishmael u khun u Nethaniah, u khun u Elishama, uba na u symbai bakynja syiem, bad uwei na ki rangbah jong u syiem, bad shiphew ngut ki briew bad u, ki la wan sha u Gedalaïah u khun u Ahikam sha Mispah; bad hangta ki la ïabam ja lang ha Mispah.

JEREMAÏAH 41:1 ပူးပေါင်းရင်းမြစ်များ

2 SAMUEL 3:27

Haba u Abner u la wan poi ha Hebron, u Joab u ïalam ïa u kham sharud ha ka khyrdop, kumba u kwah ban ïakren jar jar bad u, bad hangta u la dung ïa u na ka kpoh. Bad kumta la pynïap ïa u Abner namar ba u la pynïap ïa u Asahel, u para u Joab.

2 SYIEM 11:1

Ka Athalaïah ka kmie jong u syiem Ahasaïah ka tang shu mar ïatip ïa ka jingshah pynïap u khun jong ka, ka ai hukum ba yn pynïap ïa baroh ki dkhot jong ka longïing syiem.

2 SYIEM 25:22

U Nebukhadnessar u syiem ka Babilonia u pynlong ïa u Gedalaïah, u khun jong u Ahikam bad u ksiew jong u Shaphan, kum u lat ka Judah, bad u buh ïa u ban khmih ïa baroh kito kiba ym pat shym la ïalam sha Babilonia.

2 SYIEM 25:25

Hynrei ha u bnai uba hynñiew jong kata ka snem, u Ishmael u khun jong u Nethanaïah bad u ksiew jong u Elishama, u dkhot ka ïingsyiem, u leit sha Mispah lem bad shiphew ngut ki rangbah, u tur ïaleh ïa u Gedalaïah bad pynïap ïa u. U la pynïap ruh ïa ki Israel bad ïa ki nong Babilonia kiba don bad u.

2 KHRONIKL 22:10

Tang mar ïabna ïa ka jingshah pynïap u khun jong ka, ka Athalaïah, ka kmie jong u syiem Ahasaïah ka la ai hukum ban pynïap ïa baroh ki dkhot jong ka longïing syiem Judah.

SALM 109:5

Ki siew kylliang ïa nga da kaba sniew na ka bynta kaba bha bad da ka jingisih na ka bynta ka jingieit.

SALM 41:9

Wat u paralok babha tam jong nga, uta uba nga shaniah tam, uta uba ju ïadon bynta na ka jingbam jong nga, u la phai pyrshah ïa nga.

PROBERB 13:10

Kiba leh meng kim leh ei ei hynrei tang ban pynmih jingkulmar. Ka long kaba kham stad ban da pan ïa ka jingai jingmut.

PROBERB 27:4

Ka jingbitar ka long kaba shyrkhei bad kaba pynjot, hynrei kam long ei ei haba ïanujor bad ka jingpihuiñ.

JEREMAÏAH 36:12

Te u la leit sha ka ïingsyiem, sha ka kamra u sekretari ka ïingbishar, ha kaba baroh ki rangbah synshar ki dang don ha ka jingïalang. U Elishama, u sekretari ka ïingbishar, u Delaïah u khun jong u Shemaïah, u Elnathan u khun jong u Akhbor, u Gemaraïah u khun jong u Shaphan, u Sedekaïah u khun jong u Hananaïah, bad baroh kiwei pat ki rangbah synshar ki la don hangta.

JEREMAÏAH 36:20

Ki rangbah synshar ki buh ïa ka kot kli ha ka kamra u Elishama, u sekretari ka ïingbishar, bad ki leit sha ka phyllaw ka ïingsyiem, bad ki la ïathuh ïa baroh kiei kiei ha u syiem.

JEREMAÏAH 39:14

Ki la buh ïa nga hapoh ka jingsumar u Gedalaïah, u khun jong u Ahikam bad u ksiew jong u Shaphan, u ban peit ba nga poi suk sha ïing. Bad kumta nga la sah hangta hapdeng ki briew.

JEREMAÏAH 40:13

Hadien kane, u Johanan bad ki nongïalam jong ki shipai ki bym shym la pyndem ki la wan ha u Gedalaïah ha Mispah bad ki la ong ha u,

JEREMAÏAH 40:5

Haba ngam shym la jubab, u Nebusaradan u la ong, “Khie leit phai pat sha u Gedalaïah, u khun jong u Ahikam bad u ksiew jong u Shaphan, ïa uba u syiem ka Babilonia u la pynlong ïa u, u lat jong ki shnong ka Judah. Phi lah ban sah bad u bad im hapdeng ki briew, lane phi lah ban leit shano shano ba phi pyrkhat ba phi dei ban leit.” Kumta u la ai ïa nga ka jingai sngewbha bad katto katne ka jingbam ban rah bad nga, bad u la shah ïa nga ba ngan leit noh ha la ka lynti.

JEREMAÏAH 40:6

Nga la leit ban sah bad u Gedalaïah ha Mispah bad shong hapdeng ki briew ïa kiba la iehnoh ha ka ri.

JEREMAÏAH 40:7

Katto katne na ki rangbah nongpynïaidkam ka Judah bad ki shipai kim shym la pyndem. Ki la ïohsngew ba u syiem ka Babilonia u la lah pynlong ïa u Gedalaïah u lat ka ri bad ba la buh ïa u ban khmih ïa kito baroh ki bym shym la ïalam noh sha Babilonia — ki briew kiba duk tam ha ka ri.

JEREMAÏAH 40:8

Kumta u Ishmael u khun jong u Nethanaïah, u Johanan u khun jong u Kareah, u Seraïah u khun jong u Tanhumeth, ki khun shynrang jong u Ephai na Netophah, bad u Jesanaïah na Maakah ki la leit bad la ki rangbah sha u Gedalaïah ha Mispah.

ESEKIEL 17:13

U la shim ïa uwei na ka longïing jong u syiem, u la pynlong ka jingïateh lok bad u, bad u la pynlong ïa u ban smai ban long uba ïaineh skhem. U la rah koidi ïa ki rangbah badonkam

ÏOANNIS 13:18

“Ngam shym kren shaphang jong phi baroh; nga tip ïa kito kiba nga la jied. Hynrei ka Jingthoh Bakhuid ka dei ban urlong shisha, kaba ong, ‘U briew uba la ïabam lang ïa ka jingbam jong nga u phai pyrshah ïa nga.’